Amaokwu Akwụkwọ Nsọ Ndị Ama Ama siteré na Mak 11

Kesaa

Azuiŋ, N yele korɔ yɛ la, bonna zaa yɛ naŋ sɔre a yɛ puoruu poɔ, yɛ sage de ka yɛ nyɛɛ la, kyɛ a sereŋ na e la yɛ soobo.”

Yelmeŋɛ zaa ka N yele korɔ yɛ, ka yɛnee yeli ko a taŋ ŋa, ‘Iri sigi te le a mane poɔ’; kyɛ ba bonnɔ togitogi zaa fo sukyiri poɔ, kyɛ sage de ka a lɛ yɛ naŋ yeli na nyɛ la eebo, a sereŋ na e la a lɛ.

“Kyɛ saŋ na zaa yɛ naŋ wa are puoro, yɛ maŋ di suuri ko neɛzaa naŋ sãã yɛ, a lɛ na vɛŋ la ka yɛ Saa naŋ be tenvelaa poɔ meŋ di yɛ yelbebe suuri ko yɛ.”

Ka a Yeezu yeli sɔge ba, “Yɛ taa yeldeebo Naaŋmen eŋɛ.

O da kanna la a noba a yele, “Ba da ba sɛge a Naaŋmen gane poɔ: ‘Ba na boɔlɔ la a N yiri nemboorɔ zaa puoruu yiri’? Kyɛ ka yɛ e ka o leɛ nannyig-kpeɛne sɔgloozie.”

A noba banaŋ naŋ da de weɛ ane banaŋ naŋ da be a Yeezu puoriŋ, da kyaara la yaga zaa, a yele: “Hozaana! Soba na naŋ waana a Daana yuori eŋɛ nyɛ la maaloo!

Te sããkoma Davil naaloŋ naŋ waana nyɛ la maaloo! Ka Naaŋmen naŋ be sazu nyɛ puubu!”