Amaokwu Akwụkwọ Nsọ Ndị Ama Ama siteré na Mat 16

Kesaa

Lɛ la ka a Yeezu da yeli ko a O potuuribo, “Ka neɛzaa wa boɔrɔ ka o tuuro ma, o daŋ zagre o meŋɛ yɛlɛ bare, kyɛ de o dagaraa tuo tuuro ne ma.

Maa yele korɔ fo, fõõ la Piita, kyɛ a piiri ŋa zu la ka N na mɛ a N puoruu laŋne, ka Dazugovũũ kpeɛ̃õ zaa kontoɔ̃ o.

N na ko fo la a tenvelaa naaloŋ safobie, bonna zaa fo naŋ na leŋ a teŋɛzu kyɛ, ba na leŋ o la a tenvelaa poɔ, bonzaa meŋ fo naŋ na lori a teŋɛzu kyɛ ba na lori o la a tenvelaa poɔ.”

Bonso, banaŋ zaa naŋ boɔrɔ ka ba faa ba nyɔvoɛ na wɛ la. Kyɛ banaŋ zaa meŋ naŋ sage ka ba kɔŋ ba nyɔvoɛ N zuiŋ, ba na nyɛ la ba nyɔvoɛ.

Boŋ tɔnɔ ka ba na nyɛ ka ba naŋ so a tendaa zaa kyɛ ba taa nyɔvore? Bee boŋ ka ba na toɔ̃ de tɛgɛ ne ba nyɔvoɛ?”

Ka a Yeezu leɛ soore ba, “Kyɛ yɛ meŋ yeli ka nembuo la ma?” Ka Saamon Piita yeli sɔge, “Fõõ la a Mɛzaaya, a Naaŋmen-vore Bidɔɔ.”

Ka Yeezu yeli ko o, “Fo nyɛ la maaloo, Saamon, Gyona bidɔɔ! Bonso, eŋgane ane zẽẽ naane wuli fo a yeli ŋa tɛgɛ, kyɛ N Saa naŋ be tenvelaa poɔ la wuli fo.