Amaokwu Akwụkwọ Nsọ Ndị Ama Ama siteré na Mateo 10

Kesaa

—Awilan, woli c choquetla majlel che' bajche' tʌñʌme' joyol bʌ ti bʌte'el ts'i'. Yom p'ip'etla che' bajche' lucum. Yom utsetla che' bajche' x'ujcuts.

Jiñi mu' bʌ i bajñel cʌntan i cuxtʌlel mi caj i sʌt. Majqui jach mi' yʌc' i cuxtʌlel cha'añon mi caj i taj i cuxtʌlel.

Mach mi la' bʌc'ñan jiñi mu' bʌ i tsʌnsañob la' bʌc'tal, come mach mejlic i tsʌnsan la' ch'ujlel. Jiñi yom bʌ mi la' bʌc'ñan jiñʌch jiñi mu' bʌ i jisan la' ch'ujlel yic'ot la' bʌc'tal ti c'ajc.

Jiñi mach bʌ añic mi' ch'ʌm i cruz che' mi' tsajcañon mach uts'atic mij q'uel.

—Majqui jach mi' su'ben wiñicob cha'añ tsi' cʌñʌyon, joñon ja'el mi caj c su'b ya' ti' tojlel c Tat am bʌ ti panchan cha'añ tsa'ix j cʌñʌ jiñi wiñic. Majqui jach mi' su'ben wiñicob x'ixicob mach i cʌñʌyoñic, joñon ja'el mi caj c su'b ya' ti' tojlel c Tat am bʌ ti panchan mach j cʌñʌyic jiñi wiñic.

Lajmesanla xc'am-ʌjelob, c'oq'uesanla año' bʌ leco bʌ i tsoy, techela ch'ojyel jiñi chʌmeño' bʌ, chocola loq'uel xi'bajob; ti la' majtañ jach tsa' aq'uentiyetla, ti majtañ jach yom mi la' wʌq'ueñob ja'el.

Jiñi cha'añ, mach mi la' cha'len bʌq'uen. Come ñumen añ la' c'ʌjñibal bajche' ca'bʌl alʌ xte'lemut.

—Mach mi la' ña'tan ti la' pusic'al tsa' tiliyon cha'añ mic ñʌch'chocon jiñi año' bʌ ti pañimil. Ma'añic tsa' tili c ñʌch'chocoñob, pero tsa' tili cʌq'ueñob espada, cha'añ mi' contrajiñob i bʌ.