Amaokwu Akwụkwọ Nsọ Ndị Ama Ama siteré na Tourat 1: Foyda Nama 17

Kesaa

Abramor nirannobboi borosor shomoy Mabude hirbar tanre didar dia ḳoila, “Ami Shorbo-shoktiman Alla. Tumi amar deoa foto takia kamil o.

Tumare ar Abram [mani, boṛo baf] ḳoia ḍaḳa oito nae, oḳon taki tumar nam oilo Ibrahim [mani, bout zatir baf], ami tumare bout zatir mul baf banailam.

Ami tumar ar tumar oarishor for oarish oḳlor loge ze chukti kaim ḳormu, ikṭa hor-hamesha boail taḳbo, ou usillae ami tumar ar tumar oarishor for oarish oḳlor Alla oimu.

“Tumar loge ami oada ḳaim ḳoriar, tumi bout zatir mul baf oibae.

Ou Allae formaila, “Ṭik ase. Oile tumar bibi Sayrar feṭo hasau tumar fua oibo, tumi tar nam raḳbae Isʼhak [mani, he ashe]. Tar loge amar chukti kaim ḳormu, tar oarishor loge ikṭa amar hor-hameshakur chukti oibo.

Ar ze Kenan desho tumi oḳon musafir oia taḳrae, i furaṭa-u ami tumare ar tumar oarish oḳolre hor-hameshakur doḳolor lagi dimu. Ami tarar Alla oimu.”

Ou Ibrahime maṭit soizdat foṛi ashia mone mone ḳoila, “Hasau eḳ-sho bosoror buṛar hurutta oito ni! Ta-o nobboi bosoror buṛi Sayrar feṭo?”

Allae Ibrahimre ḳoila, “Tumar bibire ar Sara ḳoia ḍakio na. En nam oibo Sayra [mani, rani].

Tumra hoḳole nizor purush ongor mukar samṛa ḳaṭbae. Oḳṭa-u tumrar ar amar maze boail ḳora chuktir nishana.

Samnor boros i sando Sayrar goro tumar ze hurutta oibo, hou Isʼhakor loge ami amar chukti kaim ḳormu.”

Oarishor for oarish doria tumrar hoḳol fuaintore zonmor aṭ dinor din mosolmani koraibae. Zara tumar oarish nae, ḳali tumrar baṛit zonmise ba tumrar ḳorida gulam, tarar-o mosolmani korani lagbo. Tumrar goro zonmise ba ḳorida gulam oḳolre nisoy mosolmani koraibae. Tumrar shorilo zari kora amar i chukti hor-hameshakur chukti oibo.