Amaokwu Akwụkwọ Nsọ Ndị Ama Ama siteré na BOTHUBO 1

Kesaa

Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.” Ikehu Alhou no pa julho lono timi pulhosue, Alhou julho shighi, pano kiptimi totimi pulhosue.

Alhou no panongu kumghatsu ghi pi, “Athi pithilu kighishe lu eno ayeghi nhakha lulo eno tipaqo mpiu shilulo; azulo akhaqo ayeghilo aghau qo eno iqho iqi ithakiche lhoxuqo kumtsu shou qhasululo.”

Abothu lono Alhou no atsutsu ngo ayeghi lhoe.

Ike ayeghiye kughukughalei eno koghekughu kuhae; eno akuzuno kuthokuzu nhape ae. Ipuzu Alhou Ghunguno azu shou vape ae.

Ikelo Alhou no pi, “akuvu ipeghilu nani,” eno akuvu auve.

Eno Alhou no pano mlakeu kumtsu shou jupuzu ighono palokiqi shive. Tino akutsughou tsala kijiliu eno inaqhe shive.

Alhou no akuvu aloqhi ithulue eno pano akuzu launo akuvu kijethavetsu.

Alhou no pi, “Julo, ayeghi shou ayetsuni lothi akeu eno axathi lothi pithi keu subo kumtsu nongu tsuvae; tipaqoye nongu chuqupu ke.

Alhou no akuvu pesu “Tsukuvu” eno akuzu pesu “Tsukuzu” kuvetsu. Tino atughiu tsala kijiliu eno inaqhe shive.

Tipashelo Alhou no pi, “Azu kijetha kepu shi aliho toikeu lakhi ipeghilu lo, tishianguno azuye a-a kututalo akepushi.”

Ayeghilo atuthu kishe lhoxu jeli tughashi, aghau eno itikiche lhoxuqo ghenguno atsuni chupenike tsu ani,” eno ti shiluve.

Eno Alhou no pi, “Atsutsu liho lo akuluqo ipeghi pelo, tsukuzu ngo tsukuvu kututa shitsu kepu shi. Eno tipaqo pelo atsala, ampe eno atusho huthukeu michi shilu pelo

Ipuzu Alhou no pi, “Ayeghi pelo atsuni jeli kumtsu ipeghi pelo, alothi pukeu su tsuni eno axathi pithikeu shilo,” eno tishiluve.

Ike Alhou no alihotoikeu lakhi shitsue, eno tipau qhou azu akeu ngo tipau shou akeu zu kututa shivetsu eno tishive.

Ike ayeghi shou atsuni itsu ipeghive, eno atsunino pututa shelo athi pithie, pututa shelo alothi xapughi; eno Alhou no ti aloqhi ithulue.

Ikehu Alhou no akulu kije kini mlatsue; tsukinhe no tsukuvu tsala peitha pe aqhi no tsukuzu tsala peitha peke; pano ayepu ghi mlatsue.

Tishino Alhou no pi, “Atsutsu qholo azu akeqo a-a lakhi lo hekutsuwo kumqoluve pelo, qhaike chhigha ipeghi pelo,” eno tishive. Eno Alhou no qhaike chhigha pesu “Ayeghi” ipi kuvetsu; azu hekutsu sawo kumqokeu pesu “Azughi” ipi kuvetsu; eno Alhou no ti aloqhi ithulue.

Tishino Alhou no tipaqo kumghatsu ghi ishi pi, “Athi pithilulo eno kighishelu puzu chhilulo eno aghauqo pelo ayeghilo ikowolulo.”

Tipashelo Alhou no pi, “Ayeghi pelo akuxu kua lhoxu tikishi, tughashi eno itikiche lhoxu pututa jeli kumtsu ipeghi pelo,” eno tishiluve.

Itaghi Alhou no pi, “Azu lo xu akeu lhoxu jeli kutomo chokive iqho iqi pelo, eno aghau pelo ayeghi shou, atsutsu liho lo yeiqho iqi pelo,” eno tishiluve.

Ikehu ayeghilo pututa shelo tughashi jeli, tikishi jeli eno itikiche jeli kumtsu Alhou no lho eno Alhou no ti aloqhi ithulue.