Amaokwu Akwụkwọ Nsọ Ndị Ama Ama siteré na MATEO 5

Kesaa

Kuutsyuǝ saa anto okandiɛ kefi asa keti wǝ. Bomu bufi beefi wǝ kǝtǝkǝ lǝ wǝ kǝtǝkǝkɔ ǝsuǝ kaka wuutǝ diyǝnde utsyuǝ saa wǝ nkpe lǝ diyo nǝmǝ. Nko ke ele bǝ mi okandiɛ yǝnde utǝ lǝ betidi lǝ bǝnyǝ nɛ. Bǝ lǝ bǝnyǝ asa sɛɛ nnya bieyifo lǝ befi atɛsǝ bǝtǝ mi Anto wǝ nkpe kato.”

“Biyifo fe diyǝnde bitǝ kawunsiǝ kenke. Umǝ wǝ bála bǝtǝkǝ lǝ kɔtini ǝsuǝǝ, ambiɔ.

Onanto ákpo atsyɔ betidi ba eto ketu lekpa kɛnkɛ. Mǝ luunyǝ Onanto nɛ.

Onanto ákpo atsyɔ betidi ba laakplatsya keklekle bǝ bǝǝsiǝ nkpǝ sɛɛ lǝ Onanto eto ǝnǝmi. Mǝ ni mba luunyǝ asa nnya luuyuǝsǝ mǝ kafo nɛ.

Fɛɛ mɔmɔɔ, nlɛ mi bɔtɛyi minkǝ bela mi balo lǝ beto ola lǝ mba leekisi mi eto disi.

“Onanto ákpo atsyɔ betidi ba nyi bǝ beyifo bakombo lǝ lɛwɔnɔ ǝsuǝ, itsyise Onanto eto sekakedikɔ eyifo mǝ sele.

Onanto ákpo atsyɔ betidi ba laalɔ bǝtsyuǝ nti kaboko diyuǝ. Onanto ebokpo mǝ wǝ bebi tinti.

Onanto ákpo atsyɔ betidi ba leewi kaminsǝku. Mǝ Onanto loomansǝ lɛkɔ nɛ.

Onanto ákpo atsyɔ betidi ba eto kama baati kate ohiã se bensi nkpǝ sɛɛ ekeyifo lǝ Onanto lelabi ǝsuǝ eso. Onanto eto sekakedikɔ eyifo mǝ sele.

Onanto ákpo atsyɔ betidi ba lǝǝnyǝ mǝ bǝtsyuǝ kaminsǝ. Onanto ebunyǝ mǝ kaminsǝ.

“Onanto ákpo mi atsyɔ lǝ betidi aaka mi, kate mi ohiã nya baatɛyi bidia saa lǝ mi ǝsuǝ se bitǝkǝko mɛ eso. Binyǝ disuǝyuǝ lǝ beto keyudu, itsyise mi kayofofo fui lǝ Onanto eto kato. Nko ke ete báte Onanto eto bǝnyɛlǝkǝtidi ba lɛtɔ mi sɛtɔ ohiã nɛ.

Onanto ákpo atsyɔ betidi ba laabokosǝ ǝsuǝ kasɔ. Mǝǝ ni mba luudi sɛkplɛ lǝ kasɔ kamfo eto bikǝ ǝsuǝ.

“Bite fe mmba bitǝ betidi ba kenke. Fɛɛ lǝ kamini ábɔ lǝ mmba bomǝ ǝsuǝǝ, ǝnsiǝmbofo kamini bokpe lǝ mu bio. Nya se bunsibǝ kutǝkǝ saa esoo, buwui hã ele bǝ befi mu bewui lǝ betidi lǝ bayɛ lǝ mu ǝsuǝ bafe.

Bomuu, bɛflɔ fe kase mi Anto wǝ nkpe kato lɛflɔ seka.

Tǝ lǝ mi ee lǝ iyifo ee, nya lǝ mi oowo lǝ iyifo oowo ete. Lesa bamba sa enso nyamfo eto bɔtɛyii, etsyi lǝ olontidi ǝmǝ ɔflɔ.

“Bɛnɔ bátɛyi bǝnkǝ, ‘Bafo dinǝmi lǝ dinǝmi eto kɛnyɛ, nya lɛnyi lǝ lɛnyi eto kɛnyɛ.’ Fɛɛ mɔmɔɔ, mɔ lɛ mi bɔtɛyi minkǝ, mantisǝ fǝ ɔyimitsyuǝ eto kabua ka úyifo eto oko. Lǝ utsyuǝ ásɔ fǝ lǝ kodianitosii, tsyi nkonse tsya ǝtǝ wǝ.

Nyaso lǝ fǝ kodiani eto dinǝmi ǝǝtǝ nkǝ dufǝ lǝ lebua ǝsuǝǝ, lǝkǝ ni ato akpe. Ɛlɛkɛ itǝ fǝ bǝ nyansǝ fǝ ǝsuǝ eto lekpa ditsyuǝ enso bǝ befi fǝ utidi ǝmǝ kenke bato bakpe lǝ utemanlo kǝmiǝ. Nya lǝ fǝ kodiani ǝǝtǝ fǝǝyifo lebuaa, la ko ato akpe. Ɛlɛkǝ itǝ fǝ eso bǝ nyansǝ fǝ ǝsuǝ eto lekpa lɔni enso bǝ fǝ utidi ǝmǝ kenke dufǝ lǝ utemanlo kǝmiǝ.