Amaokwu Akwụkwọ Nsọ Ndị Ama Ama siteré na Diuteronomi 6

Kesaa

Were obi gị niile, na mkpụrụobi gị niile, na uche gị na ike gị niile, hụ ONYENWE ANYị Chineke gị nʼanya.

Ị ga-akụziri ya ụmụ gị. Kwuo okwu banyere ha mgbe ị na-anọdụ ala nʼụlọ gị, mgbe ị na-aga nʼokporoụzọ, mgbe ị na-edina ala na mgbe i si nʼihe ndina bilie.

Iwu ndị a m na-enye gị taa ka ị ga-eme ka ọ dịrị gị nʼobi.

Nụrụ gị Izrel, ONYENWE ANYị bụ Chineke anyị, ONYENWE ANYị bụ otu.

Keenụ ha dịka ihe ịrịbama nʼelu aka unu, kekwasịkwa ha dịka ihe ncheta nʼegedege ihu unu.

Dee ha nʼelu ibo ọnụ ụzọ ụlọ gị na nke ọnụ ụzọ ama gị.

ONYENWE ANYị bụ Chineke gị, ka ị ga-atụ egwu, naanị ya ka ị ga-efe ofufe, ọ bụkwa aha ya ka ị ga-eji ṅụọ iyi.

Mgbe ONYENWE ANYị Chineke ga-akpọbata unu nʼala ahụ ọ ṅụrụ iyi nye nna nna unu ha, bụ Ebraham, na Aịzik, na Jekọb, na inye unu, ala sara mbara nke jupụtara nʼobodo unu na-ewughị, na ụlọ ihe ọma dị iche iche jupụtara nʼime ya nke unu na-azụghị, na olulu mmiri unu na-egwughị nʼonwe unu, na ubi vaịnị na ọtụtụ osisi oliv unu na-amaghị ndị kụrụ ha, mgbe unu riri ihe rijuo afọ, leruonu anya, ka unu ghara ichefu ONYENWE ANYị, onye mere ka unu site nʼala Ijipt pụta, bụ ala ebe unu bụ ohu.

Ndị a bụ iwu, na ụkpụrụ, na ikpe niile nke ONYENWE ANYị bụ Chineke unu, nyere m nʼiwu ka a kuziere unu ka unu debe, nʼala ahụ unu na-agafe Jọdan inweta. Ihe e ji nye iwu ndị a bụ ka unu na ụmụ unu, na ụmụ ụmụ unu, tụọ egwu ONYENWE ANYị bụ Chineke unu, site nʼidebe iwu ya, ogologo ndụ unu niile. Ọ bụrụ na unu emee ya, unu ga-enwe ndụ ogologo.

Meenụ ihe ziri ezi, na nke dị mma nʼanya ONYENWE ANYị, ka ihe niile gaara unu nke ọma, ka unu nweekwa ike ịbanye, ma nweta ezi ala ahụ ONYENWE ANYị ji ịṅụ iyi kwee nna nna unu ha na nkwa.

Nʼihi na ONYENWE ANYị Chineke unu, onye nọ nʼetiti unu, bụ Chineke ekworo. Ọ ga-eme ka iwe ya dị ọkụ megide unu, ọ ga-ekpochapụkwa unu site nʼelu ụwa.

Unu agbasola chi ndị ọzọ, bụ chi ndị niile a gbara unu gburugburu na-efe.

Anwala ONYENWE ANYị, bụ Chineke gị ọnwụnwa, dịka unu nwara ya na Masa.