Amaokwu Akwụkwọ Nsọ Ndị Ama Ama siteré na Jọnu 1

Kesaa

Ọle iwhe bụ ndu natarụ iya nụ, mbụ ndu woru onwowhe ye iya l'ẹka, ndu ono b'ọ meekwaru tẹ whẹ bụru ụnwu Chileke.

Lẹ mbụlembu bẹ onye ono, bụ Okfu Chileke nọduhawaa. Okfu ono bẹ yẹle Chileke nọhaakwa. Okfu ono bụru Chileke.

Iwhoro ono l'echi l'ẹkpuroochi, ẹkpuroochi ono ta adụje ike sọpyabe iwhoro ono.

Tọ dụ iya bụ lẹ Okfu ono abya abụru madzụ, anyi l'iya buru eburu. Anyi gude ẹnya anyi whụa ọdu-biribiri nkiya, bụ ọdu-biribiri rwuberu iya nụ eshi-ọwhu ọ bụ Nwa nwoke lanụ, Nna iya bụ Chileke nwụtaru. Iwhe bụlewho ndzụ iya bụ eze-iwhe-ọma yẹle ire-lanụ.

Ọo l'ẹka iya bẹ Chileke shi mee iwhe lile. Ọ tọ dụ-zhidua iwhe Chileke meru ọwhu o meru lẹbe ọ nọ iya. Ọo ya bẹ ndzụ shi l'ẹka, ọ bụru ndzụ ono bẹ bụ iwhoro dụru ndiwhe.

O be echile iya, Jọnu whụa Jisọsu gẹ l'ooje abyakfuta iya, ọ sụ: “Unu lekwa onye ọbu bụ Nwatụru Chileke. Ọ kwa yẹbedua l'e-gude onwiya gbaa ẹja nwefukota iwhe-dụ-ẹji ndiwhe l'owhu meru.

Onye ono, bụ Okfu Chileke ono nọduhawaa l'eli-mgboko-o. Ọ bụru l'ẹka iya bẹ Chileke shi mee mgboko, ọle ndiwhe ta ahụbedu iya ama. Ọ byakfutaru ndu nkiya, ndu nkiya ono jịka lẹ whẹ ta anatadụ iya.

Ọo iwhoro ono bẹ bụ ọkpobe iwhoro ọwhu bụ iya byarụ l'eli-mgboko-o bya echilahaaru ndiwhe l'owhu.

Ọo l'ẹka Mósisu bẹ Chileke shi tụaru anyi iwu. Eze-iwhe-ọma yẹle ire-lanụ shikwanu l'ẹka nke Jisọsu Kuráyisutu bya.