Amaokwu Akwụkwọ Nsọ Ndị Ama Ama siteré na Jean 12

Kesaa

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Zo so aye ti bata fini ti lo ndali ti lo wani, fade lo yeke girisa ni; me zo so ake fini ti lo na ndö ti dunia so, fade lo yeke bata ni ndali ti fini so angba lakue lakue.

Biani, mbi tene na ala taa-tënë: tongana le ti *ble ati na sese si akui pepe, lo yeke ngba gi lo oko. Me tongana akui, fade ayeke du ambeni le ni mingi.

Mbi so mbi yeke lumiere, mbi ga na ndö ti dunia so. Tongaso, zo so ama na be na mbi, lo yeke ngba na ya ti vukongo ndo pepe.

Tongana mbeni zo ama atënë ti mbi si lo sara ye alingbi na ni pepe, mbi laa mbi yeke fâ ngbanga na li ti lo pepe. Biani, mbi ga ti fâ ngbanga na li ti azo ti dunia so pepe, me mbi ga ti soo azo ti dunia so na kuâ.

Na pekoni, Marie amu ngbenda ti yombo so a sara ni na ngu ti mbeni kete keke so iri ni nare ti nzoni ni, so ngere ni ayeke ngangu mingi. Lo tuku yombo ni na ndö ti gere ti Jésus si lo mbo ni na kua ti li ti lo. Fion ti yombo ni amu ya ti da ni kue.

Tongaso ala mu amaboko ti akeke ti mburu si ala gue ti wara lo na lege. Ala dekongo, atene: “E gonda Nzapa! Ayeke nzoni Nzapa asara tufa na ndö ti lo so aga na iri ti *Kota Gbia; lo yeke gbia ti Israel!”

Jésus akiri tënë na ala, atene: “Ngbonga titene a gonda *Molenge ti Zo alingbi awe.