Amaokwu Akwụkwọ Nsọ Ndị Ama Ama siteré na Jon 12

Kesaa

E, hima fori ai tau ti ri randau ti, ori sa ani sirina. Wosiwa ka a dau ko tukumbwa apa ai tau ra himache ri o kumbwa ani ga si dano. E, hima fori ai tau rano ti, ori hima apa ai Yapai hi laka ti rini hano.

Hima fori ri himamwale tunumbwa ri enependano ti, himamwale rihi humbuno. E, hima fori doha'a nuwe ki ri himamwale tini ri diyahawa, ori hima hinga ti ri himamwale ti ri toronambusiwa ete da ete dano.

Mwe naha ki kunu a sawendau. E, witi wapa ti nuwe tiki sikasini hani kupwa'ai nambwe nawa, o tindombwa naha dano. E, ri hani kupwa'aiwa, ri ai sukwani ahirahi mwe miyafo naha ai wano.

Ani lindana hinga do nuwe ki a taro. O keke hima fori ani ni sembe ri hawa ori hima hundu tiki hinde ri da kumbwa.

E, hima fori ai mwanji tini ri mendini o tini ri sirina nambwe nawa, apa hinde rini a kili kumbwa. Hinde wowani, ani nuwe pe hima lei mwanji tini kilindau hima hinga a ta nambwe. Mina. Ani wunu ni ai a ra'ai ki a taro.

Wondawani Mariya ya laka ki randau botoli ki talesindau weli kuwa kipe, hi ti naruto, ya ti rata. Wosini Jisas seke ki ti dawehenasini ti mwa kopika kumbwa ya ai rini hindi. Wowani o weli kuwa kipe naha ti sukwani aka we o ki ya ete ichi'ucha.

Ete wowani naku tongo hinga le wu ra ra wu ini numbo tiki rini heini ya wu ucha: “Gotri hi tini ma nu rasai. Apukolaka i hi tiki tandau dori hima i hi tini ma nu rasai. Isurel lei King Apukolaka ri hi tini ma nu rasai.”

Wowani Jisas ga mwanji wasa ya sawe, “Hima ri Che dori hi laka torono gisi mwe ti apa sukwahiro.”