Amaokwu Akwụkwọ Nsọ Ndị Ama Ama siteré na Mwanzo 9

Kesaa

Mwenyezimungu kasema kaamba: “Omi nitula kipiji cangu mmawingu. Eyo ndi alama ya miyadi ya kupatana kwetu omi nomwe na kila wenye mainsha wari pamoja nowe. Miyadi ya kupatana ya faida ka piya tarehe zambere zija-zo. Basi eci kipiji, ndi alama ya miyadi ya kupatana kwangu na ulumwengu.

Wakati waciwa kipiji mmawingu, niwona na níkumbukira miyadi ya kupatana kwetu sákuna mwinsho, Omi na piya viyumbe viri hai vya kila namuna mulumwengu.”

Munu mwenyé kunlavya mainsha mwanadamu mwenziwe, neye lázima álaviwa mainsha na mwanadamu mwenziwe, kwa sababu nimumba mwanadamu kwa wajii yangu Omi Mwanyewe.

Mwanyewe Mwenyezimungu akimpa baraka Nnu pamoja na wanawe, akiwambira: “Mukinduke sana-sana, lázima muwe nawo wana wengi mongezeke na mwijare ulumwengu piya.

Nukupani nafasi ya kurya piya kila namuna ya manyama pamoja na kila mbeyu ya cakurya.

Ona! Piya manyama, nyuni, na wadudu wakurikweta pansi, na inswi piya wákopani, umwe-po mukuwa nawo mamulaka julu yawo.

Falakini, umwe mújuzi mukinduke sana-sana, muwe nawo wana wengi, muzidi kongezeka piya ulumwengu.”