Amaokwu Akwụkwọ Nsọ Ndị Ama Ama siteré na Zaŋ 15

Kesaa

Əntə wəlaŋga na mbazla, munokumtə ki vani. Ko naway dəsler də ina naw bo wənəsler dəndən, nan watər wəraya. Amma an kəslereŋ də in ɓa, kəɓapaŋ na wəɗɗa zəga ko gaban taka ɓa.

Məsoŋ adəv wəsler də ina, asna naw bo wanəsaw adəv wəsler də munokum. Kiva wəlaŋga na mbazla awə na kirtin ɓa say an asapək də wəlaŋga na mbazla. Vaski nokum bo, kətəraŋ na wəray ɓa, say an kəsapaŋgək də ina.

An kəsuwaŋgək də wəsler də ina, wəpel naw bo wasan də munokum, asna an kəssohoŋgək an məs kaŋglaŋ pakə, wakərəhaŋ.

Yaŋ na munokum kəwelwən ɓa, amma in nəwel kum. Nənah sukumək də kakara kədoŋ gəni. Kətəraŋ gən wəraya, wətər wəray nokum bo dəsan gən ha faɗə Affən wapsukum ko mi kəssohoŋ də iya nawa.

Wəŋgla aday na ki aŋ ɓa: Ɗəf kapsən zeŋgillen viyit bayneŋgiɗin.

Kivaw an məs awa ɓa, kaw bəlni. Amma ki vaw məzuwa, kaw zaɓani dəsan gən mogon dayki laŋka, də wə gən kirtin akani.

Aŋki wən an naw nəɗiyə, məŋglu zukum va nəŋgulukum.

An kətəraŋgək wəray diiɗa asna gewleɗ naw kənanaŋ gesiŋ. Vaski gakdak na Affu adarban zəni.

Zezu anahək əmpa: Əntə wəlaŋga məmpan na mbazla an də goŋga, Affuwi affən guliyo.

Ɗəf məs dəsler də'in ɓa kasgani appaka va ki van məbələn, waŋkələ. Kivan an məkleketiŋ atəraŋ na wəray ɓa, kawlotti kawndol ti aka offo, wazlaŋ.

Nənah sukum na vi wənek naw dəsan gən a mokrokum, wənek nokum tamə dəknah gəni.

An munokum tatə ɓe'eŋ sənən wən an nədaw ɗiyəŋka, wakəsoŋ adəv əŋgla nawa, va naw nəɓesən dawka na Affuwa nəsawək adəv əŋgla nani.

Məŋglu zukum, ndəni kpak nəɗi sukum.

Va ɗii na duniya kənanaŋ na, asna waŋglukum vi ɗii nan kənanaŋ. Amma nəyukuməka, məgil sədəv wənna duniya. Nokum ɗii na duniya kənanaŋ ɓa, vini duniya adawzel kum.