Amaokwu Akwụkwọ Nsọ Ndị Ama Ama siteré na San Marcos 5

Kesaa

Mag ichig meerba jaaubaawai Jesuu irig, —Mua pʉch monaauju khaphʉ mʉ gaai pʉrchetarr gaaimua, ʉu pʉ monaauwi peerdʉjã peerdʉ ʉisimgui ajim anʉm. Ya pʉ monakha ʉisiewai pʉch diig maju aai ʉmgui ajim anʉm irig.

Mag õor khapan pos wetum ee ʉʉi ãb sĩejim aajem, doce años sĩi phõmieu bar sim. Mag khitʉmʉn wajap ʉʉi dau aug waaujeejim anʉm, doctornaanag ich monaaupiju ẽkha nʉmjã podba aawai. Parii benhe gaai ich phatkhondam wai kherarr thum gastaapʉitarrjã bʉ̃ʉrjã monaauba, waragta eeg pamaa ajim anaabá.

Mag chadcha irua Jesús khajũa gaai pʉrbarm bʉrre chi phõmie mag thʉnarrjã warre thʉbabaadee warre ich mag monaau sĩsijim anʉm. Magbaa ʉʉyau ĩchab warre ich kha jʉʉubaademjã khaug athajim anaabá.

Mag chi binaandam aar dubwi, i juadam gaai pʉr aunaa irig, —Talita, kum ajim anʉm. (Mag sim aiguin maach meúan, “Ʉʉikhaardam, phiidʉbaad” a simʉu.)

Jesús agtha mag iekha dʉnʉm ee, mag judionaan Ẽwandam iek jaaujem degam chi por Jairo anʉm di aarmua õor beewi irig, —Kake, ya aaunaanaujã pod ãwatba abarm; ideu Maestro sĩubá ajierram anʉm irig. Ya par maach aar i mabajup ajierram anʉm. Pari Jesuu amau mag jaaubaichemjã asekasba, chi Jairoogta, —Oob khĩirjum; sĩi mag khãai warag pʉch chaai oo wai chitaju khĩirjugta wai chirsí ajim anʉm irig.

Chi wounau ich garmua Jesuug mag iekhatarran, maan Jesuu ya ag nawe chi mepeer mag woun mor ee simʉg chawag oberpi jaautarr aawaita irua mag iekhajim anaabá. Magbaa Jesuu irig, —¿Pʉ khan a thʉ̃ʉrjẽwi? ajim anʉm. Magbaa chi wounau, —Mʉʉn “Mepeen Phobor” a thʉ̃ʉrjemgui ajim aajem, maar nem khapan sĩerrjee aawai.