Amaokwu Akwụkwọ Nsọ Ndị Ama Ama siteré na San Mateo 27

Kesaa

Magbaadem ee Jesuu thet, “Elí, Elí, ¿lema sabactani?” ajim anaabá. Mag sim aig maach meúan, “Aay, Ẽwandam, ¿khantheeta pua mʉ mʉg dau aphʉʉ chirʉmjã mʉrʉg oobamjoo aadema?” a khitʉm ajim.

Mag i chaaupabaadem dʉi ĩchab Aai i jeeujem deg ierrgajãrcha put nem parrg thuur eu wejorrta ʉ̃gthaamua eeg sʉrr abarmʉn warre jãrrcha thoophem numiita jijirar joisijim. Magbarm dʉi ʉʉur theega duuibaademua mokporpa thorrchecheukham dʉi õor aukhertarr jẽbdipa weeudʉtkhamam ee, khechtarr khʉʉnta deeu phiidʉtkhawi iiu nʉrrjee aadejim. Mag deeu iiutarr khʉʉn ʉu wajapha Ẽwandam iek ʉkha durrumta otarr khʉʉn ajim.

Mag jochkherʉʉ awia, thet äa a khitawia, warag chaaupabaadejim.

Magbaawaita capitán soldaaun dʉi Jesús pakuls gaai jiir wejom eegar narr khʉʉnau mag ʉʉur theeg duuibaadem ee, mamagkham oophobaadee jãphierr nʉm iekhau warag, —Mʉg wounan chadchata Ẽwandam Iewaa ajim ajierram.

Edausĩe thʉnʉm ee, degolp edau khĩbaadem abarmʉn sĩi warre edaramjota joisijim. Mag khĩ thʉnʉʉ awia edau phʉʉibaajer las tres naata deeu aardʉbaadejim.

Magbaa deeu Pilatoou amag, —Magan jãg Jesús mag warrgarwe ich Ẽwandamau pʉiju jaaujerrta mʉg nʉrrʉm anʉm dʉi ¿mua jãgajuma? ajim anʉm. Magbaawai thumaam khʉʉnau ihãba, “Pa gaaita meerpbapʉpʉi” aajeejim anaabá. Magbaa, —¿Pari khan nemta irua khaigba waujĩma, pãrau mag warre i thõopi jaau nʉm? ajim anʉm chi Pilatoou. Ichdeun sĩi pʉapʉim khõchgau par mag jeeu ohookhamjã warag pa gaaita meerppi jajaau aajeejim anʉm.