Amaokwu Akwụkwọ Nsọ Ndị Ama Ama siteré na San Mateo 21

Kesaa

Mag pãachdeu jeeubarmjo aju khaphʉnaata pãach nem jeeuwaijã jeeumʉn, pãachdeu jeeubarm nem pãrau paarpaju a jaaujim marag.

Magbaa ichdeu marag magjim: —Pãrau pãachdeu Ẽwandamag jeeuwaijã pãachdeu jeeubarmjo aju khĩirjunaata jeeukhiin, mua mʉg pabʉ phuapibarmjopaijã khaba, ag khãai phithurcharam nemjã wauju. Jãgkhiin pãrau mʉg Olivo durrsĩigjã, “Mʉigmua mawia jũrr phũas ee ierrpabaad” akhiinjã, chadcha pãachdeu iekhabarmjo ajugui ajim, pãar ipierr.

Maagwain na wetum khʉʉnaujã serereu khaawai ẽudee wedurum khʉʉnaujã serereukhamua, “Ʉucha abarm Ẽwandam. Rey David khararr ag iewaajom chan chukhukhum” aajeejim. “Ẽwandam, ich mʉʉta pʉchdeu pʉch jũrr pʉibarmʉu. Mʉg Rey pʉibarm gaaimua ʉ̃gtharm magwe onee aju aai nʉm” aajeejim jũrram khʉʉnau.

Magnaa amag, —Ẽwandamau ich igwia ich iek phã sim gaai “Mʉ diin sĩi mʉrʉg jeeujem diiu” a simta, pãachdeuta ag ee mʉg nem parhẽpag per nʉmua sĩi chikham khũguurjem dikha wai naabma ajim.

“Jerusalenpienag jaaubat: ‘Pãrau warrgarwe nʉajerr Reita sĩi parhoobam khʉʉnjo khĩir machag chukhu burrodam agtha chi jooicha khaba khitʉm gaaita ya pãar aig urum’ ” a phã sim.

Amachdeu magbaawaita Jesuu amag magjim: —¿Pãrau chan bʉ̃ʉrjã Ẽwandamau ich i jaaumienag ich iek phãpitarr gaai jaau sĩsidʉm thʉ̃ʉrwai ooba aajeeb, “Di eu narr khʉʉnau isegtarr dibigta jũrr chi dihãd jãrramkha sĩsim” a sim? “Ẽwandam maach Porouta mag dibig wajaphamjo api sĩewai õrau oowaijã ʉuuta oo nʉm” a sim, ich iek gaai jaauwai.

Magua mua pãrag mag chirʉmgui ajim: Ẽwandam pãar thãar ee ichta chi Porkhaju atarr chi Por khaba, deeum khʉʉn judionaan khabam khʉʉn ichdeu khõsi simjo nem wauju khʉʉn dʉita am Porkhaju ajim. [