If you would like a copy of this version please contact info@davaraudiobibles.org

The Holy Bible Sunuwar © 2011 Wycliffe Bible Translators Inc. (Text)
Sunuwar Old Testament Audio Bible ℗ 2025, Davar Partners International. (Audio)

Sunuwar Old Testament

मिनु परमप्रभुमी नोआह नु आ तौ आन कली आसीक गेमी बाक्‍त। मेकोमी “तमी तौ थिशा, सोशा बोशा शुश दुमीन। रागी प्रिंदीने। उत्‍पत्ती १:२८ रागी ङा जन्‍तु नेल्‍ल, सरीङम बेरब चिक्‍ब, खपीम ग्रेशा गाक्‍ब आइक्‍च जन्‍तु नु समुन्‍द्र ङा ङांइ नेल्‍ल, इन कली तशा, हिंचा माल्‍नीम। मेको आन कली इन गुइमी गेता। ङोंइती इन कली गिगी खाइ ब्‍वचा गेता। मुल गो ब्रोंइशा बाक्‍ब जन्‍तु नेल्‍ल इन कली ब्‍वचा गेतन्‍नी। उत्‍पत्ती १:२९; कलस्‍सी २:१६ क्‍योरशा हुश मचुइक्‍थु चहिं मब्‍वने। मारदे हना हुशेमी ब्रोंइतीक सोक्‍त बाक्‍ब। मुरुमी मुर कली साइक्‍तु हना, जन्‍तुमी मुर कली साइक्‍तु हना, मेको यो साइक्‍चा पुंइसीब। मुरुमी आ लोक्‍ब साइक्‍तु हना, मेको यो साइक्‍चा पुंइसीब। लेवी ३:१७; लेवी १७:१०-१४; ब्‍यवस्‍था १२:२३ सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१० गे रागीम सोशा बोशा शुश दु‍मीने” दे परमप्रभुमी नोआह कली देंमाक्‍त।

मिनु नोले परमप्रभुमी नोआह नु आ तौ आन कली “नेनीन, गे नु इन नोले ङा चच युइ नु आं कबल पाइनुङ। उत्‍पत्ती ६:१८ डोंगामी ब्रोंइशा बाक्‍ब चिक्‍ब, बी ब्‍यफ, रागी ङा जन्‍तु गे नु डोंगा रे ग्रूशो नेल्‍ल नु आं कबल पाइनुङ। होसे २:२० गो मार कबल पाइनुङ देंशा हना, ब्रोंइशा बाक्‍ब नेल्‍ल आन कली ब्‍वाक्‍कुम मसाइक्‍नुङ। रागी बिग्रेचा कली गेनायो ब्‍वाक्‍कु मबारपाइक्‍नुङ” देंमाक्‍त। मिनु परमप्रभुमी “गे नु गे नु ब्रोंइशा बाक्‍ब नेल्‍ल इन कली आं कबल पतीके चिनु का गेनुङ। मेको इन नोले ङा पाला नेल्‍ल आन कली यो बाक्‍ब। गो गोस्‍सुमी आं वाक्‍श वोइक्‍नुङ। मेको गो रागी नु कबल पशो आ चिनु बाक्‍ब। मिनु गो रागी तारी गोस्‍स सोइक्‍तुनु, मेको गोस्‍सुमी आं वाक्‍श तांइसीब। मिनु गो गे नु मारेइ मारेइ ब्रोंइशा बाक्‍ब नु कबल पाता, दे मिम्‍नुङ। गो गेनायो ब्रोंइशा बाक्‍ब नेल्‍ल आन कली ब्‍वाक्‍कुमी मसाइक्‍‍नुङमी। यसैया ५४:७-१० मेको वाक्‍श गोस्‍सुम बाक्‍मेनु, गो मेको कली ताइनुङ। मिनु गो रागीम बाक्‍ब मुर नु ब्रोंइशा बाक्‍ब नेल्‍ल नु गेना हना यो लीब कबल पाता, दे मिम्‍नुङ” देंमाक्‍त। मिनु परमप्रभुमी नोआह कली “मेको वाक्‍श कबल आ चिनु बाक्‍ब। गो गे नु रागीम ब्रोंइशा बाक्‍ब नेल्‍ल नु कबल पाता” देंमाक्‍त।
डोंगा रे ग्रूशो नोआह आ तौपुकी शेम, हाम नु यफेथ बाक्‍मा बाक्‍त। हाम चहिं कनान आ आफ बाक्‍माक्‍त। उत्‍पत्ती ५:३२ मेको सांफा नोआह आ तौ बाक्‍मा बाक्‍त। मेको रे रागी नेल्‍ल ब्रीमा बाक्‍त।

मिनु नोआह रूमी गेय पाइब दुम्‍शा, अङगुर रू सेला बाक्‍त। मेको नेल्‍ल क्‍येङा ङोंइती अङगुर ख्रुम्‍ब मुर दुम्‍माक्‍त। मिनु अङगुर शांबु तूशा दुक्‍शा, आ ताम्‍बुमी शिश्रा इम्‍माक्‍त। मिनु कनान आ आफ हाममी आ आफ शिश्रा तशा, लाङगामी बाक्‍शो आ लोक्‍ब आस कली देंमाक्‍त। प्रस्‍थान २०:१२; हितोपदेस ३०:१७ मेको नेंशा, शेम नु यफेथम वा का सुर सुरम ग्‍याइश्‍शा लाप्‍शा, नोले रे ग्रेना ग्रेन लशा, आस आफ आ ताम्‍बु ओव़सा बाक्‍त। मिनु आस आफ आ भेत्रे रां सुम्‍से बाक्‍त। नोले रे ग्रेशा, आस आफ आ शिश्रा रां मताम्‍से बाक्‍त। मिनु नोले नोआह आ दुक्‍शो रे सेंसे बाक्‍त। आ चचमी आ कली मार पवा, नेल्‍ल तुइक्‍ता बाक्‍त।
मिनु नोआहमी “कनान सराप रल। आ लोक्‍ब आस नेल्‍ल क्‍येङा आइक्‍च वाइल दुम्‍ल” दे सराप पवा बाक्‍त। मिनु मेकोमी लेंशा “परमप्रभु, शेम आ परमप्रभु यावे ठेयब बाक्‍ब। कनान मेको आ नेल्‍ल क्‍येङा आइक्‍च वाइल दुम्‍ल” दे शेम कली आसीक गेवा बाक्‍त। मिनु लेंशा “परमप्रभुमी यफेथ कली ‘सोशा बोशा शुश दुम्‍पदल। मेको शेम आ ताम्‍बुम बाक्‍चा तवल। कनान चहिं मेको आ वाइल दुम्‍ल’ ” दे लोव़ पवा बाक्‍त।
मिनु ठेयब ब्‍वाक्‍कु बारशा नोले, नोआह सहे सां ५० बर्स ब्रोंइमाक्‍त। मिनु नोआह नेल्‍ल पा ९ सहे ५० बर्स ब्रोंइशा बेक्‍माक्‍त।

Geere nke a ntị उत्पत्ती 9