OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkMAT">
 <div class="chapter ch12" data-usfm="MAT.12">
 <div class="label">12</div><div class="s">Yesus na a basi fu a sabadei</div><div class="r">Markus 2:23-28; Lukas 6:1-5</div><div class="p"> 1Wan syatu pisten baka dati Yesus nanga den man fu En ben e waka ini wan aleisigron tapu a sabadei. Dan den man fu En bigin broko wantu ai aleisi e nyan, bika angri ben e kiri den. #Deut 23:25 2Di den Fariseiman si a sani dati, den taigi Yesus taki: &#8220;Luku, den man fu Yu e du wan sani san a w&#232;t no wani fu un du tapu a sabadei.&#8221;</div><div class="p"> 3Yesus piki den taki: &#8220;Un no leisi san David du, di angri ben e kiri en nanga den man di ben de nanga en? #1Sam 21:1-6 4A go ini a oso fu Gado, dan a teki den brede san den ben poti aparti gi Gado. Dan en nanga den man fu en nyan den brede disi, di soso den domri ben kan nyan. #Lev 24:9 5A skrifi tu ini a w&#232;t fu Moses tak' den domri e broko a w&#232;t fu a sabadei te den e wroko ini a mamakerki. Ma Gado no e si dati leki wan sondu. #Num 28:9-10 6Ma Mi e taigi un taki: Wan sma de dya di bigi moro a mamakerki. 7Gadowortu e taki:</div><div class="q1">Mi no wani den meti</div><div class="q2">di un e tyari leki offer gi Mi,</div><div class="q1">ma Mi wani fu un abi sari-ati</div><div class="q2">nanga trawan.</div><div class="m">Efu un ben sabi san dati wani taki, dan un no bo krutu sma di Gado no krutu. #1Sam 15:22; Hos 6:6; Mat 9:13 8Bika a Manpikin fu Libisma na a basi fu a sabadei.&#8221;</div><div class="s">Yesus dresi wan man tapu a sabadei</div><div class="r">Markus 3:1-6; Lukas 6:6-11</div><div class="p"> 9Yesus kmoto fu drape, dan A go na ini a kerki fu den. 10Now wan man ben drape di ben abi wan malengri anu. Wantu sma ben e suku wan sani fu kan tyari Yesus go na krutu. Dat' meki den aksi En taki: &#8220;Yu kan dresi wan sma tapu a sabadei sondro fu broko a w&#232;t?&#8221;</div><div class="p"> 11Ma Yesus taigi den taki: &#8220;Efu yu ben abi wan enkri skapu nomo, dan a fadon ini wan olo tapu a sabadei, yu no bo grabu en hari puru? #Luk 14:5 12We, wan libisma warti bari moro wan skapu. Dat' meki a fiti fu du bun tapu a sabadei.&#8221; 13Dan Yesus taigi a man di ben abi a malengri anu taki: &#8220;Langa yu anu!&#8221; Di a man langa en anu, a kon gesontu leki a trawan. 14Ma den Fariseiman kmoto fu drape go kruderi makandra fa den ben kan kiri Yesus.</div><div class="s">Gado ben teki Yesus fu du En wroko</div><div class="p"> 15Ma fu di Yesus ben sabi san den ben wani du, A kmoto drape. Furu sma ben waka na En baka, &#232;n A dresi ala den sikisma di ben de na den mindri. 16Dan A warskow den tranga tak' den no mus taigi no wan sma san A du. 17Na so den sani san a profeiti Yesaya ben taki kon tru. A ben taki:</div><div class="q1"> 18Luku, disi na Mi knekti</div><div class="q2">di Mi teki fu wroko gi Mi.</div><div class="q1">Mi lobi En,</div><div class="q2">&#232;n Mi abi prisiri nanga En.</div><div class="q1">Mi sa poti Mi Yeye na En tapu.</div><div class="q1">A sa ferteri den folku</div><div class="q2">den sani san Gado feni bun. #Jes 42:1-4</div><div class="q1"> 19A no sa meki babari,</div><div class="q2">noso hari taki nanga sma.</div><div class="q1">No wan sma sa yere En sten</div><div class="q2">na strati.</div><div class="q1"> 20A no o meki En moro hebi</div><div class="q2">gi den swaki wan,</div><div class="q1">&#232;n A no o puru a pikinso howpu</div><div class="q2">di den abi ete,</div><div class="q1">te leki A meki</div><div class="q2">tak' san Gado feni bun</div><div class="q2">wini a strei.</div><div class="q1"> 21Den folku sa poti den fertrow</div><div class="q2">na En tapu.</div><div class="s">Yesus nanga Beelsebul</div><div class="r">Markus 3:20-30; Lukas 11:14-23</div><div class="p"> 22Baka dati den tyari wan man di ben abi wan takruyeye na en tapu, kon na Yesus. A man disi no ben man si &#232;n a no ben man taki. Dan Yesus dresi a man fu a ben kan si &#232;n fu a ben kan taki baka. 23Ala den sma drape ben ferwondru sote. Den aksi makandra taki: &#8220;Na En sa de a Manpikin fu David?&#8221;</div><div class="p"> 24Ma di den Fariseiman yere fu a sani disi, den taki: &#8220;Na Beelsebul, a edeman fu den takruyeye, e gi En makti fu yagi den takruyeye puru.&#8221; #Mat 9:34; 10:25</div><div class="p"> 25Ma Yesus ben sabi san den e prakseri, so A taigi den taki: &#8220;Ibri kondre pe den sma e feti nanga densrefi, o broko. Prati o de tu ini den foto nanga den oso pe den sma e feti nanga densrefi. 26So, efu Satan e yagi tra didibri, fa a o man tan rigeri dan? Bika prati de ini en kondre. 27&#200;n efu na Beelsebul e gi Mi a krakti fu yagi takruyeye, suma e gi den sma fu unu a krakti dati dan? Dat' meki na den srefi o sori unu tak' un no abi leti. 28Ma efu na a Yeye fu Gado e gi Mi a krakti fu yagi den takruyeye, dan dati e sori tak' Gado bigin tiri libisma kba. 29Bika wan sma no kan broko go ini a oso fu wan tranga man fu fufuru en sani, efu a no tai en fosi. Baka te a tai en, dan fosi a o man teki en sani tyari gwe.</div><div class="p"> 30Suma no de na Mi sei, e suku fu broko Mi. &#200;n suma no e wroko makandra nanga Mi, e tyari prati. #Mrk 9:40 31Dat' meki Mi e taigi un taki: Libisma kan kisi pardon fu ala sondu, awinsi den afrontu Gado srefi. Ma a sma di e afrontu a Santa Yeye, no o kisi pardon. 32Efu wan sma taki takru fu a Manpikin fu Libisma, a sa kisi pardon. Ma efu wan sma taki takru fu a Santa Yeye, noiti a sa kisi pardon: no ini a ten disi, no ini a ten di e kon.&#8221; #Luk 12:10</div><div class="s">A bon nanga en froktu</div><div class="r">Lukas 6:43-45</div><div class="p"> 33Yesus taigi den Fariseiman moro fara taki: &#8220;Efu yu taki wan bon bun, dan den froktu fu en mus bun tu. Ma efu yu taki wan bon no bun, dan en froktu no kan bun tu. Bika yu e sabi fa a bon de te yu si den froktu fu en. #Mat 7:20; Luk 6:44 34Un sneki unu! Un takru sote tak' un no man taki no wan bun sani. Bika san furu wan sma ati, na dati a e taki. #Mat 3:7; 23:33; Luk 3:7; Mat 15:18; Luk 6:45 35Wan bun sma e taki bun sani fu di en ati bun. Ma wan takru sma e taki takru sani fu di en ati takru.</div><div class="p"> 36Ma Mi e taigi un taki: Tapu a dei di Gado o krutu libisma, den sma sa mus gi frantwortu fu ala wortu di no ben de fanowdu fu taki. 37Bika san un ben taki kan meki tak' Gado no o strafu unu, noso a kan meki tak' Gado strafu unu.&#8221;</div><div class="s">Den sma aksi fu wan marki</div><div class="r">Markus 8:11-12; Lukas 11:29-32</div><div class="p"> 38Dan wantu sabiman fu Gado w&#232;t, nanga wantu Fariseiman aksi Yesus taki: &#8220;Meister, un wani fu Yu sori unu wan marki.&#8221; #Mat 16:1; Mrk 8:11; Luk 11:16</div><div class="p"> 39Ma Yesus piki den taki: &#8220;Soso takru-ati sma leki unu di no e du san Gado wani, e suku wan marki. Ma a wan enkri marki san un o kisi, na a wan fu a profeiti Yona. #Mat 16:4; Mrk 8:12 40Bika soleki fa Yona ben de dri dei nanga dri neti ini a bere fu a bigi fisi, na so a Manpikin fu Libisma sa de dri dei nanga dri neti dipi na ondro gron. #Jona 1:17 41Tapu a bigi krutu dei, den sma fu Nineve sa tnapu makandra nanga unu fu a ten disi &#232;n den o krutu unu. Bika den ben drai den libi di Yona tyari a boskopu gi den. Ma luku, wan sma de dya di bigi moro Yona. #Jona 3:5 42Tapu a dei dati, a uma di ben tiri a kondre Seba sa tnapu makandra nanga unu fu a ten disi &#232;n a sa krutu unu. Bika a ben kmoto fu wan farawe kondre kon arki a koni fu Salomo. Ma luku, wan sma de dya di bigi moro Salomo.&#8221; #1Kron 10:1-10; 2Kron 9:1-12</div><div class="s">Yesus sori fa takruyeye e wroko</div><div class="r">Lukas 11:24-26</div><div class="p"> 43&#8220;Te wan takruyeye kmopo na tapu wan sma, a e go na a dreisabana fu suku wan presi fu rostu, ma a no e feni. 44Dan a e taki: &#8216;Mi o drai go baka na mi oso pe mi kmopo.&#8217; Te a drai kon, a e si tak' a tanpresi leigi, a krin, &#232;n ala sani de tapu en presi. 45Dan a e gwe go teki seibi tra takruyeye kon di ogri moro en. Den e kon inisei, &#232;n den e tan drape. So, te fu kba a kon moro takru gi a sma leki na a bigin. Na so a sa de nanga den takru-ati sma leki unu fu a ten disi.&#8221;</div><div class="s">A famiri fu Yesus</div><div class="r">Markus 3:31-35; Lukas 8:19-21</div><div class="p"> 46Di Yesus ben e taki nanga a bigi grupu sma, den brada fu En nanga En m'ma ben de na dorosei. Den ben wani taki nanga En. 47Dan wan sma taigi Yesus taki: &#8220;Yere, Yu m'ma nanga den brada fu Yu de na dorosei. Den wani taki nanga Yu.&#8221;</div><div class="p"> 48Yesus piki a man di tyari a boskopu kon taki: &#8220;Suma na Mi m'ma dan, &#232;n suma na den brada fu Mi?&#8221; 49Ne Yesus sori go na tapu den man di ben e teki leri fu En, dan A taki: &#8220;Den na Mi m'ma nanga den brada fu Mi. 50Bika ala sma di e du a wani fu Mi P'pa di de na heimel, na Mi brada, Mi sisa, nanga Mi m'ma.&#8221;</div>
 </div>
 </div>
</div>

Wan syatu pisten baka dati Yesus nanga den man fu En ben e waka ini wan aleisigron tapu a sabadei. Dan den man fu En bigin broko wantu ai aleisi e nyan, bika angri ben e kiri den. Di den Fariseiman si a sani dati, den taigi Yesus taki: “Luku, den man fu Yu e du wan sani san a wèt no wani fu un du tapu a sabadei.”
Yesus piki den taki: “Un no leisi san David du, di angri ben e kiri en nanga den man di ben de nanga en? A go ini a oso fu Gado, dan a teki den brede san den ben poti aparti gi Gado. Dan en nanga den man fu en nyan den brede disi, di soso den domri ben kan nyan. A skrifi tu ini a wèt fu Moses tak' den domri e broko a wèt fu a sabadei te den e wroko ini a mamakerki. Ma Gado no e si dati leki wan sondu. Ma Mi e taigi un taki: Wan sma de dya di bigi moro a mamakerki. Gadowortu e taki:
Mi no wani den meti
di un e tyari leki offer gi Mi,
ma Mi wani fu un abi sari-ati
nanga trawan.
Efu un ben sabi san dati wani taki, dan un no bo krutu sma di Gado no krutu. Bika a Manpikin fu Libisma na a basi fu a sabadei.”


Yesus kmoto fu drape, dan A go na ini a kerki fu den. Now wan man ben drape di ben abi wan malengri anu. Wantu sma ben e suku wan sani fu kan tyari Yesus go na krutu. Dat' meki den aksi En taki: “Yu kan dresi wan sma tapu a sabadei sondro fu broko a wèt?”
Ma Yesus taigi den taki: “Efu yu ben abi wan enkri skapu nomo, dan a fadon ini wan olo tapu a sabadei, yu no bo grabu en hari puru? We, wan libisma warti bari moro wan skapu. Dat' meki a fiti fu du bun tapu a sabadei.” Dan Yesus taigi a man di ben abi a malengri anu taki: “Langa yu anu!” Di a man langa en anu, a kon gesontu leki a trawan. Ma den Fariseiman kmoto fu drape go kruderi makandra fa den ben kan kiri Yesus.

Ma fu di Yesus ben sabi san den ben wani du, A kmoto drape. Furu sma ben waka na En baka, èn A dresi ala den sikisma di ben de na den mindri. Dan A warskow den tranga tak' den no mus taigi no wan sma san A du. Na so den sani san a profeiti Yesaya ben taki kon tru. A ben taki:
Luku, disi na Mi knekti
di Mi teki fu wroko gi Mi.
Mi lobi En,
èn Mi abi prisiri nanga En.
Mi sa poti Mi Yeye na En tapu.
A sa ferteri den folku
den sani san Gado feni bun.
A no sa meki babari,
noso hari taki nanga sma.
No wan sma sa yere En sten
na strati.
A no o meki En moro hebi
gi den swaki wan,
èn A no o puru a pikinso howpu
di den abi ete,
te leki A meki
tak' san Gado feni bun
wini a strei.
Den folku sa poti den fertrow
na En tapu.


Baka dati den tyari wan man di ben abi wan takruyeye na en tapu, kon na Yesus. A man disi no ben man si èn a no ben man taki. Dan Yesus dresi a man fu a ben kan si èn fu a ben kan taki baka. Ala den sma drape ben ferwondru sote. Den aksi makandra taki: “Na En sa de a Manpikin fu David?”
Ma di den Fariseiman yere fu a sani disi, den taki: “Na Beelsebul, a edeman fu den takruyeye, e gi En makti fu yagi den takruyeye puru.”
Ma Yesus ben sabi san den e prakseri, so A taigi den taki: “Ibri kondre pe den sma e feti nanga densrefi, o broko. Prati o de tu ini den foto nanga den oso pe den sma e feti nanga densrefi. So, efu Satan e yagi tra didibri, fa a o man tan rigeri dan? Bika prati de ini en kondre. Èn efu na Beelsebul e gi Mi a krakti fu yagi takruyeye, suma e gi den sma fu unu a krakti dati dan? Dat' meki na den srefi o sori unu tak' un no abi leti. Ma efu na a Yeye fu Gado e gi Mi a krakti fu yagi den takruyeye, dan dati e sori tak' Gado bigin tiri libisma kba. Bika wan sma no kan broko go ini a oso fu wan tranga man fu fufuru en sani, efu a no tai en fosi. Baka te a tai en, dan fosi a o man teki en sani tyari gwe.
Suma no de na Mi sei, e suku fu broko Mi. Èn suma no e wroko makandra nanga Mi, e tyari prati. Dat' meki Mi e taigi un taki: Libisma kan kisi pardon fu ala sondu, awinsi den afrontu Gado srefi. Ma a sma di e afrontu a Santa Yeye, no o kisi pardon. Efu wan sma taki takru fu a Manpikin fu Libisma, a sa kisi pardon. Ma efu wan sma taki takru fu a Santa Yeye, noiti a sa kisi pardon: no ini a ten disi, no ini a ten di e kon.”


Yesus taigi den Fariseiman moro fara taki: “Efu yu taki wan bon bun, dan den froktu fu en mus bun tu. Ma efu yu taki wan bon no bun, dan en froktu no kan bun tu. Bika yu e sabi fa a bon de te yu si den froktu fu en. Un sneki unu! Un takru sote tak' un no man taki no wan bun sani. Bika san furu wan sma ati, na dati a e taki. Wan bun sma e taki bun sani fu di en ati bun. Ma wan takru sma e taki takru sani fu di en ati takru.
Ma Mi e taigi un taki: Tapu a dei di Gado o krutu libisma, den sma sa mus gi frantwortu fu ala wortu di no ben de fanowdu fu taki. Bika san un ben taki kan meki tak' Gado no o strafu unu, noso a kan meki tak' Gado strafu unu.”


Dan wantu sabiman fu Gado wèt, nanga wantu Fariseiman aksi Yesus taki: “Meister, un wani fu Yu sori unu wan marki.”
Ma Yesus piki den taki: “Soso takru-ati sma leki unu di no e du san Gado wani, e suku wan marki. Ma a wan enkri marki san un o kisi, na a wan fu a profeiti Yona. Bika soleki fa Yona ben de dri dei nanga dri neti ini a bere fu a bigi fisi, na so a Manpikin fu Libisma sa de dri dei nanga dri neti dipi na ondro gron. Tapu a bigi krutu dei, den sma fu Nineve sa tnapu makandra nanga unu fu a ten disi èn den o krutu unu. Bika den ben drai den libi di Yona tyari a boskopu gi den. Ma luku, wan sma de dya di bigi moro Yona. Tapu a dei dati, a uma di ben tiri a kondre Seba sa tnapu makandra nanga unu fu a ten disi èn a sa krutu unu. Bika a ben kmoto fu wan farawe kondre kon arki a koni fu Salomo. Ma luku, wan sma de dya di bigi moro Salomo.”


“Te wan takruyeye kmopo na tapu wan sma, a e go na a dreisabana fu suku wan presi fu rostu, ma a no e feni. Dan a e taki: ‘Mi o drai go baka na mi oso pe mi kmopo.’ Te a drai kon, a e si tak' a tanpresi leigi, a krin, èn ala sani de tapu en presi. Dan a e gwe go teki seibi tra takruyeye kon di ogri moro en. Den e kon inisei, èn den e tan drape. So, te fu kba a kon moro takru gi a sma leki na a bigin. Na so a sa de nanga den takru-ati sma leki unu fu a ten disi.”


Di Yesus ben e taki nanga a bigi grupu sma, den brada fu En nanga En m'ma ben de na dorosei. Den ben wani taki nanga En. Dan wan sma taigi Yesus taki: “Yere, Yu m'ma nanga den brada fu Yu de na dorosei. Den wani taki nanga Yu.”
Yesus piki a man di tyari a boskopu kon taki: “Suma na Mi m'ma dan, èn suma na den brada fu Mi?” Ne Yesus sori go na tapu den man di ben e teki leri fu En, dan A taki: “Den na Mi m'ma nanga den brada fu Mi. Bika ala sma di e du a wani fu Mi P'pa di de na heimel, na Mi brada, Mi sisa, nanga Mi m'ma.”

Geere nke a ntị Mateus 12