<div class="version vid3688 iso6393nmb" data-vid="3688" data-iso6393="nmb">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">V'nen ivrur puk laha, nahan iv'i Ap'u</span></div><div class="iot"><span class="content">?Hin ak iulul a puk laha?</span></div><div class="ip"><span class="content">M'ertu iulul a puk laha iv'i a Musis.</span></div><div class="iot"><span class="content">?Iani v'aran?</span></div><div class="ip"><span class="content">Navrndu mamh naran a ti a Musis iani, v'eti iv'i itauatah a naran a Mlin Eia ilev'lar arm'ertu a Isrel dan arna v'anu a Itsip (1,440 BC &#8211; pai iv'i 1,440 itauamu a naran a ti a Iesu ima arna nadep' ka).</span></div><div class="iot"><span class="content">?Puk laha ivrur v'ata?</span></div><div class="ip"><span class="content">Puk laha ivrur naran a Mlin Eia ien si udlani, kavrur naran Atam m'ei a Iv arrs karan si stu. Iv'iv'en navanel a ti Atua ipalev'la m'ertu arna si stu.</span></div><div class="ip"><span class="content">Puk laha ivrpren nakd, naran nvv'ahur v'nen hapr, inep'a ki laha--?Kana ndan ip'i? Prien nen iv'i ti Atua ien si udlani (</span><span class="it"><span class="content">Ap'u 1:1</span></span><span class="content">). V'aha, ?Kana niak sena v'ata? Prien nen iv'i ti Atua irn ti p'vv'ahi kavlap'as ani (</span><span class="it"><span class="content">Ap'u 15:6</span></span><span class="content">). Sarei, nvv'ahur ki laha--?Kana p'ava ip'i naran p'am'a? Apapasla prien nen arna </span><span class="it"><span class="content">Ap'u 25:8</span></span><span class="content">.</span></div><div class="ip"><span class="content">Ivrur sei itu hin naran ap'u &#8211; naran a Mlin Eia ien nadep' ka m'a p'knaran m'a si udlani, m'a naran nauei ilinkar nadep' ka, m'a naran Atua iani ti arm'ertu udlani avv'ana arna v'nen ururuar kavruh kavunanut arna nadep' ka.</span></div><div class="ip"><span class="content">Ivrurr ardu avv'i a tetiar arm'ertu a Isrel &#8211; a Epraham, m'ei Aisak, m'ei a Sikup. Sarei kavrur a natn a Sikup, iv'i a Susev'.</span></div><div class="iot"><span class="content">?Puk laha iv'iv'en v'ata a nakd?</span></div><div class="ip"><span class="content">Iv'iv'en a nakd a ti a Mlin Eia ien nadep' m'a si udlani, kani ip'eset. Arm'ertu arru karlak p'as m'ei Atua, v'eti arutakm a sei m'a si stuar, iani ti si udlani im'a. Arm'ertu avtauatah anr avan si stu istudau, dav'a ti a Nua m'a nl nam'elan uaki avv'ah a Mlin Eia. Sarei, Atua ilev'lar arm'ertu udlani arna nadep', a Nua m'a nl nam'elan uaki avsilv' uam.</span></div><div class="ip"><span class="content">A Mlin Eia iv'lai a Epraham, a ti hin ipav'i a tetiar arm'ertuan, avv'i arm'ertu a Isrel. Naran pai istudau av'siau, a Iesu Kristu iak, iv'i a natn a Meri. A naun a Meri lera iv'i a Susev', iv'i nl nam'elan a Epraham (</span><span class="it"><span class="content">Matiu 1:16</span></span><span class="content">). A Iesu iv'i a Natn Atua, kav'i M'ertu la Atua ivruri arna </span><span class="it"><span class="content">Ap'u 3:15</span></span><span class="content"> ha.</span></div><div class="ip"><span class="content">Sarei, naran a Susev' (la iv'i a natn a Sikup ha) iv'a arna v'anu a Itsip, der lil iari, v'eti Atua ilev'lei arna der. Ip'as a ti nakd p'vv'ahur ti der lil irndu ti ipaier nakd, v'eti a Mlin Eia irndu ti ipalev'la nakd arna der, ipavr ti iparn ipap'as a ti ipani (</span><span class="it"><span class="content">Ap'u 50:20</span></span><span class="content">).</span></div>
      </div>
   </div>
</div>

V'nen ivrur puk laha, nahan iv'i Ap'u
?Hin ak iulul a puk laha?
M'ertu iulul a puk laha iv'i a Musis.
?Iani v'aran?
Navrndu mamh naran a ti a Musis iani, v'eti iv'i itauatah a naran a Mlin Eia ilev'lar arm'ertu a Isrel dan arna v'anu a Itsip (1,440 BC – pai iv'i 1,440 itauamu a naran a ti a Iesu ima arna nadep' ka).
?Puk laha ivrur v'ata?
Puk laha ivrur naran a Mlin Eia ien si udlani, kavrur naran Atam m'ei a Iv arrs karan si stu. Iv'iv'en navanel a ti Atua ipalev'la m'ertu arna si stu.
Puk laha ivrpren nakd, naran nvv'ahur v'nen hapr, inep'a ki laha--?Kana ndan ip'i? Prien nen iv'i ti Atua ien si udlani (Ap'u 1:1). V'aha, ?Kana niak sena v'ata? Prien nen iv'i ti Atua irn ti p'vv'ahi kavlap'as ani (Ap'u 15:6). Sarei, nvv'ahur ki laha--?Kana p'ava ip'i naran p'am'a? Apapasla prien nen arna Ap'u 25:8.
Ivrur sei itu hin naran ap'u – naran a Mlin Eia ien nadep' ka m'a p'knaran m'a si udlani, m'a naran nauei ilinkar nadep' ka, m'a naran Atua iani ti arm'ertu udlani avv'ana arna v'nen ururuar kavruh kavunanut arna nadep' ka.
Ivrurr ardu avv'i a tetiar arm'ertu a Isrel – a Epraham, m'ei Aisak, m'ei a Sikup. Sarei kavrur a natn a Sikup, iv'i a Susev'.
?Puk laha iv'iv'en v'ata a nakd?
Iv'iv'en a nakd a ti a Mlin Eia ien nadep' m'a si udlani, kani ip'eset. Arm'ertu arru karlak p'as m'ei Atua, v'eti arutakm a sei m'a si stuar, iani ti si udlani im'a. Arm'ertu avtauatah anr avan si stu istudau, dav'a ti a Nua m'a nl nam'elan uaki avv'ah a Mlin Eia. Sarei, Atua ilev'lar arm'ertu udlani arna nadep', a Nua m'a nl nam'elan uaki avsilv' uam.
A Mlin Eia iv'lai a Epraham, a ti hin ipav'i a tetiar arm'ertuan, avv'i arm'ertu a Isrel. Naran pai istudau av'siau, a Iesu Kristu iak, iv'i a natn a Meri. A naun a Meri lera iv'i a Susev', iv'i nl nam'elan a Epraham (Matiu 1:16). A Iesu iv'i a Natn Atua, kav'i M'ertu la Atua ivruri arna Ap'u 3:15 ha.
Sarei, naran a Susev' (la iv'i a natn a Sikup ha) iv'a arna v'anu a Itsip, der lil iari, v'eti Atua ilev'lei arna der. Ip'as a ti nakd p'vv'ahur ti der lil irndu ti ipaier nakd, v'eti a Mlin Eia irndu ti ipalev'la nakd arna der, ipavr ti iparn ipap'as a ti ipani (Ap'u 50:20).

Geere nke a ntị Ap'u V'nen ivrur puk laha, nahan iv'i Ap'u