Sangu: Sangu: Isangu (snq) NT (New Testament)

©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Sangu: Isangu (snq) NT

<div class="version vid3604 iso6393snq" data-vid="3604" data-iso6393="snq">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s1">Musalitsi wu mubi</div><div class="p"> 1Kere vane Sesu ayambile bayikitsi baandi re: &#171;Yikiti gimoosi abile ne musalitsi, ne bayitse fuunde yandi gu yikiti re musalitsi wagu atsebunge manyi magu. 2Atsitse musalitsi wene nuyambile re: &#8220;Magoneyulu me mu yu nde gi? Veege me mutaangu natsedyanze yu, mumbare ne dinzime yisakebekyele manyi mami.&#8221; 3Musalitsi ataase re: &#8220;Maguvage nde tsenyi? Fumwami asegoneberoonde re madyanzi bisalu byandi. Wubuke mutambe muvare? Masane myaangu. Wurime? Make ne tsonyi. 4Mayatsi nakevage me mure vekepunzu me gu yisalu, gukebile batu muyake me mu bambuge bawu.&#8221; 5Arugise wumoosi ne wumoosi babanwanenge fumwandi ne atombe wumareege re: &#8220;Yikanwani fumwami nde kwe?&#8221; 6Yandi ayagule re: &#8220;Makanwani yandi kame bambuti tsi maatsi.&#8221; Musalitsi ayambile yandi re: &#8220;Boonge mugaande wu dinwane dyagu, tsagele nyyavu ne teende magumi maranu.&#8221; 7Kere vane abeyambile ne wumubeyi re: &#8220;Ake yu, yikanwani nde kwe?&#8221; Ayagule re: &#8220;Kame basaku tsi miisu ma baputu.&#8221; Musalitsi arume yandi re: &#8220;Boonge mugaande wu dinwane dyagu ne teende magumi poombu.&#8221; 8Ne fumu akumise musalitsi wandi wu mubi mu wufure wandi, mumbare asale dyaambu dyene ne buyedi. Bisi buloongu bubu bane buyedi bu wuvage maambu veganegare bambaatsi bawu, wuvyogilile babagu yiveele gi Nzambi.&#187;</div><div class="s1">Mutu aserungule wusalile ne Nzambi ne badole</div><div class="p"> 9Sesu abeyambile re: &#171;Boonganu badole tsitsibi tsi buloongu bubu muyamune bambaatsi babane nzale. Ne vane vakevu badole bena, Nzambi aguyake yenu gu ndagwandi mutsagele guune mubu ne mubu. 10Mutu wusuungeme mu maambu mamakyeki, agubile gaandi wusuungeme mu maambu mamanene. Ne wusaandi wusuungeme mu maambu mamakyeki, asakebile wusuungeme mu maambu mamanene. 11Ake ga yenu disabile basuungeme mu badole tsitsibi tsi buloongu bubu, nyi wukeveege yenu bukiti bungyenze? 12Ake ga yenu disabile basuungeme mu bivaave bibanganyi, nyi wukeveege yenu byenu?</div><div class="p"> 13Musalitsi aserungule wusalile fumu beyi: mbe agukole wumoosi ne areroonde wune; ga sanane agugobise wumoosi ne aguleenze wune. Yenu diserungule wusalile ne Nzambi ne badole mu dikyesi dimoosi.&#187;</div><div class="s1">Migage ne Bufumu</div><div class="p"> 14Bafwarisi babaroondenge badole, bayulungu maambu mene mootsu ne badetenge Sesu. 15Te Sesu ayambile yawu re: &#171;Yenu dikaritsigi batu re yenu diyi basuungeme, te Nzambi asetsiimbu mirime myenu. Nungyenze, byootsu bikakumisi batu ve wusu Nzambi bike bwaanzi.</div><div class="p"> 16Mugage wu Muyise ne migaande mi babigitsi migobusu ne batu Kwanga ne mu dikyesi di Sa Batise. Baande mu dikyesi dyene musamu wumunyi wu Bufumu bu Nzambi wugoneloonzu, mutu mutu agonerageme mu wunyingene. 17Yulu ne tsi bigurungule wuvyoge te nisi ma mureendu wumukyeki gu mugage wusaketsyemugu.</div><div class="p"> 18Pasi dibagele dikepunze mugatsyandi nubeyonge wumosi, atsevage butswari; ne wukeyonge mugyetu wupunzu ne mulumyandi, amevage butswari.&#187;</div><div class="s1">Noongu yi yikiti yane Lasar</div><div class="p"> 19Kere vane Sesu atu noongu re: &#171;Dibagele di yikiti, adwarenge ke bidwaari bibinyi, bi mafunu mamanene ne wisi wootsu avagenge ke mayayi ma wuyi ne wunu ne wulaba yinyunge. 20Dibagele dimoosi di disaandi, ndugandi Lasar abile malaambeme ve mure ndagu yi yikiti. Abile ne bapure mu nyuru yootsu. 21Abilenge ne nzale wuyi bigyegise bilagisenge yikiti ve yangenge yandi ve take te asaveegungu; ne bamoonde barugenge muveete bapure baandi. 22Ve yulu vane, disaandi afu ne bakime ba yulu ba Nzambi babage yandi gu yulu ve mbare Abaraam. Yikiti ne yandi gaandi afu ne averu. 23Vebile yandi gu tseengi yi babafu, alabenge maguge ma mbili. Asiimbule miisu ne alabilile gu vale Abaraam ne Lasar ve mbarandi. 24Ne vane, abwamugu re: &#8220;Tate Abaraam labe me dingyebe ne sindige Lasar muloobe kodu muleembu wandi gu maambe aketsolise dibere mu dilimi dyami, mumbare magonelabe maguge mambili gugare mbaawu yime yiyi.&#8221; 25Abaraam ayagule yandi re: &#8220;Mwaanami, rangimine re yidilenge mbili manyi ve bilenge yu monyu gu tsi, te Lasar alabenge mbili maguge. Mu dikyesi didi, Lasar agonedile manyi gu yitsige gigi, te yu yigonelabe maguge. 26Ne gaandi ve ganegare manenu guyi mbeengi yiyinene mure babakeroondenge burugu gu yetu mu wusabugu gu yenu, basakerungule, ne babakeroondenge burugu gu yenu mu wusabugu gu yetu basakerungule.&#8221; 27Yikiti ayagule re: &#8220;Kokolwagu tate, kagu ga bile re nane sindige Lasar gu yitsuku gi tate, 28mumbare mane baane ba maame baraanu bababagele. Ayendi mu wulubuse yawu mure bakereruge ne yawu gu yitsige gi maguge gigi.&#8221; 29Abaraam agabusile yandi re: &#8220;Baane bangwagu bayi ne migage mi Muyise ne migaande mi babigitsi mu lubuse yawu, bayululu myo.&#8221; 30Yikiti agabusile yandi re: &#8220;Tate Abaraam, ga mutu wumoosi ve ganegare babafu asayende mu lubuse yawu, disake noonge ne basakekalule bitsagilitsi.&#8221; 31Te Abaraam ayambile yandi re: &#8220;Ga basayululu migage mi Muyise ne migaande mi babigitsi, nisi mutu atseraambugu gu difu, basakesiinge wukalule bitsagilitsi.&#8221;&#187;</div>
 </div>
 </div>
</div>

Kere vane Sesu ayambile bayikitsi baandi re: «Yikiti gimoosi abile ne musalitsi, ne bayitse fuunde yandi gu yikiti re musalitsi wagu atsebunge manyi magu. Atsitse musalitsi wene nuyambile re: “Magoneyulu me mu yu nde gi? Veege me mutaangu natsedyanze yu, mumbare ne dinzime yisakebekyele manyi mami.” Musalitsi ataase re: “Maguvage nde tsenyi? Fumwami asegoneberoonde re madyanzi bisalu byandi. Wubuke mutambe muvare? Masane myaangu. Wurime? Make ne tsonyi. Mayatsi nakevage me mure vekepunzu me gu yisalu, gukebile batu muyake me mu bambuge bawu.” Arugise wumoosi ne wumoosi babanwanenge fumwandi ne atombe wumareege re: “Yikanwani fumwami nde kwe?” Yandi ayagule re: “Makanwani yandi kame bambuti tsi maatsi.” Musalitsi ayambile yandi re: “Boonge mugaande wu dinwane dyagu, tsagele nyyavu ne teende magumi maranu.” Kere vane abeyambile ne wumubeyi re: “Ake yu, yikanwani nde kwe?” Ayagule re: “Kame basaku tsi miisu ma baputu.” Musalitsi arume yandi re: “Boonge mugaande wu dinwane dyagu ne teende magumi poombu.” Ne fumu akumise musalitsi wandi wu mubi mu wufure wandi, mumbare asale dyaambu dyene ne buyedi. Bisi buloongu bubu bane buyedi bu wuvage maambu veganegare bambaatsi bawu, wuvyogilile babagu yiveele gi Nzambi.»

Sesu abeyambile re: «Boonganu badole tsitsibi tsi buloongu bubu muyamune bambaatsi babane nzale. Ne vane vakevu badole bena, Nzambi aguyake yenu gu ndagwandi mutsagele guune mubu ne mubu. Mutu wusuungeme mu maambu mamakyeki, agubile gaandi wusuungeme mu maambu mamanene. Ne wusaandi wusuungeme mu maambu mamakyeki, asakebile wusuungeme mu maambu mamanene. Ake ga yenu disabile basuungeme mu badole tsitsibi tsi buloongu bubu, nyi wukeveege yenu bukiti bungyenze? Ake ga yenu disabile basuungeme mu bivaave bibanganyi, nyi wukeveege yenu byenu?
Musalitsi aserungule wusalile fumu beyi: mbe agukole wumoosi ne areroonde wune; ga sanane agugobise wumoosi ne aguleenze wune. Yenu diserungule wusalile ne Nzambi ne badole mu dikyesi dimoosi.»

Bafwarisi babaroondenge badole, bayulungu maambu mene mootsu ne badetenge Sesu. Te Sesu ayambile yawu re: «Yenu dikaritsigi batu re yenu diyi basuungeme, te Nzambi asetsiimbu mirime myenu. Nungyenze, byootsu bikakumisi batu ve wusu Nzambi bike bwaanzi.
Mugage wu Muyise ne migaande mi babigitsi migobusu ne batu Kwanga ne mu dikyesi di Sa Batise. Baande mu dikyesi dyene musamu wumunyi wu Bufumu bu Nzambi wugoneloonzu, mutu mutu agonerageme mu wunyingene. Yulu ne tsi bigurungule wuvyoge te nisi ma mureendu wumukyeki gu mugage wusaketsyemugu.
Pasi dibagele dikepunze mugatsyandi nubeyonge wumosi, atsevage butswari; ne wukeyonge mugyetu wupunzu ne mulumyandi, amevage butswari.»

Kere vane Sesu atu noongu re: «Dibagele di yikiti, adwarenge ke bidwaari bibinyi, bi mafunu mamanene ne wisi wootsu avagenge ke mayayi ma wuyi ne wunu ne wulaba yinyunge. Dibagele dimoosi di disaandi, ndugandi Lasar abile malaambeme ve mure ndagu yi yikiti. Abile ne bapure mu nyuru yootsu. Abilenge ne nzale wuyi bigyegise bilagisenge yikiti ve yangenge yandi ve take te asaveegungu; ne bamoonde barugenge muveete bapure baandi. Ve yulu vane, disaandi afu ne bakime ba yulu ba Nzambi babage yandi gu yulu ve mbare Abaraam. Yikiti ne yandi gaandi afu ne averu. Vebile yandi gu tseengi yi babafu, alabenge maguge ma mbili. Asiimbule miisu ne alabilile gu vale Abaraam ne Lasar ve mbarandi. Ne vane, abwamugu re: “Tate Abaraam labe me dingyebe ne sindige Lasar muloobe kodu muleembu wandi gu maambe aketsolise dibere mu dilimi dyami, mumbare magonelabe maguge mambili gugare mbaawu yime yiyi.” Abaraam ayagule yandi re: “Mwaanami, rangimine re yidilenge mbili manyi ve bilenge yu monyu gu tsi, te Lasar alabenge mbili maguge. Mu dikyesi didi, Lasar agonedile manyi gu yitsige gigi, te yu yigonelabe maguge. Ne gaandi ve ganegare manenu guyi mbeengi yiyinene mure babakeroondenge burugu gu yetu mu wusabugu gu yenu, basakerungule, ne babakeroondenge burugu gu yenu mu wusabugu gu yetu basakerungule.” Yikiti ayagule re: “Kokolwagu tate, kagu ga bile re nane sindige Lasar gu yitsuku gi tate, mumbare mane baane ba maame baraanu bababagele. Ayendi mu wulubuse yawu mure bakereruge ne yawu gu yitsige gi maguge gigi.” Abaraam agabusile yandi re: “Baane bangwagu bayi ne migage mi Muyise ne migaande mi babigitsi mu lubuse yawu, bayululu myo.” Yikiti agabusile yandi re: “Tate Abaraam, ga mutu wumoosi ve ganegare babafu asayende mu lubuse yawu, disake noonge ne basakekalule bitsagilitsi.” Te Abaraam ayambile yandi re: “Ga basayululu migage mi Muyise ne migaande mi babigitsi, nisi mutu atseraambugu gu difu, basakesiinge wukalule bitsagilitsi.”»

Geere nke a ntị Lik 16