<div class="version vid3347 iso6393rmy" data-vid="3347" data-iso6393="rmy">
 <div class="book bkMRK">
 <div class="chapter ch1" data-usfm="MRK.1">
 <div class="label">1</div><div class="s">YEKH</div><div class="p"> 1Kadya telyardya o La&#353;o Nevimos anda o Isus Kristo, o &#352;av le Devlesko. 2O Izeya, kay sas profeto, ramosardya, &#8220;Eta, mu&#341;i sluga kay bi&#353;alav les tuke te la&#353;arel tuke o drom. 3Ekh glaso kay tsipil ande pusta, &#8216;Getisaren o drom le Rasko. Vortosaren leski vurma.&#8217;&#8221;</div><div class="p"> 4Avilo o Yovano, o Bolitori, ande pusta. Bolelas tay phenelas, &#8220;Musay te keyin&#8208;tume tay te bolen&#8208;tume tay si t'aven yertime tumare bezexa&#8221;. 5Avenas avri leste, savo&#341;e katar e Yudeya tay o Yerusalemo. Avenas yertime lenge bezexa tay o Yovano bolelas le ando doryav kay bu&#353;ol o Yordano.</div><div class="p"> 6Phiravelas o Yovano le tsoalya kerde anda'l kemilake bal tay pe leste sas ekha mortyaki haravli. Xalas le grasto&#341;e la &#269;arake tay vi o avd&#382;in le ve&#353;engo. 7Tay vestilas o La&#353;o Nevimos tay mothodya, &#8220;Pala mande avel yekh may baro sar mande. Me &#269;i sim dosta la&#353;o te band&#382;uvav te putrav leske tsurulya. 8Bolav tume me le payesa. Vo bolela tume le Svuntone Duxosa.&#8221;</div><div class="p"> 9Tay ande kodya vryamya, avilo o Isus katar e Nazareta kay si ande Galileya, tay o Yovano boldya les ando Yordano. 10Tay kana dya avri anda o pay, yekhatar dikhlya ke puterdilo o &#269;eri, tay o Duxo vulisto pe leste, sar ekh golumbo. 11Tay a&#353;undilo ekh glaso ando &#269;eri, &#8220;Tu san mu&#341;o yekh drago &#353;av, but veselis ma.&#8221;</div><div class="p"> 12Atun&#269;i, o Svunto Duxo tradya les ande pusta, 13tay a&#353;ilo ande pusta &#353;tarvardes dyes. Tay o Beng zumavelas les. Le selbati&#269;ine &#382;ivinentsa be&#353;elas o Isus tay le and&#382;elya lenas aminte pe leste.</div><div class="p"> 14Atun&#269;i kana sas phandado o Yovano, avilo o Isus ande Galileya tay vestilas o La&#353;o Nevimos anda e Amperatsiya le Devleski. 15Phendya, &#8220;Avili e vryamya. Pa&#353;ol e Amperatsiya le Devleski. Keyisaren tay patyan&#8208;tume ando La&#353;o Nevimos.&#8221;</div><div class="p"> 16Tay, yekh dyes, kana delas le bregonentsa la Maryake la Galilyaka, dikhlya le Simones tay leske phrales, le Andreyasos. &#352;udenas penge mrya&#382;a ando pay ke ma&#353;arya&#8208;le. 17Phendya lenge o Isus, &#8220;Phiren mantsa tay kadya kerav ke aven ma&#353;arya kay astaren le manu&#353;en.&#8221; 18Anda yekh, mekline penge mrya&#382;a tay line&#8208;pe pala leste.</div><div class="p"> 19Tay kana gelo may angle, dikhlya le Yakobos tay le Yovanos, le &#353;aven le Zebedeyaske. And ekh lad&#382;iya sas tay getinas penge mrya&#382;a. 20Akhardya le tay mekline penge dades ande lad&#382;iya le butyarentsa tay line&#8208;pe pala o Isus.</div><div class="p"> 21Porme, avile ka o Kaperneyo tay, Savatone, kay si a svunto dyes le &#381;idovongo, dya ande sinagoga tay sityarelas, 22tay le &#382;ene mutsosayle katar lesko sityarimos ke sityarelas vorta sar kay sas les le Devleski putyarya tay &#269;i sar le Zakonarya.</div><div class="p"> 23Tay ande sinagoga sas ekh manu&#353; kay sas les ande leste ekh nevu&#382;o. Bend&#382;aylo sas. 24Tay tsipisardya, &#8220;Sostar hamis tu amende, Isusa anda e Nazareta. Avilyan te xalyares ame? &#381;anav tu kon san. San o Svunto le Devlesko.&#8221;</div><div class="p"> 25Numa, o Isus porun&#269;isardya pe leste, &#8220;A&#353; miro. Av avri anda leste.&#8221; 26Tay o nevu&#382;o izdradya les tay regnisardya les tay avilo avri anda leste. 27Tay sa &#269;udisayle savo&#341;e tay mothodine yekh avreske, &#8220;So si kadya? Nevo sityarimos la putyaryasa? Vi pe le nevu&#382;e porun&#269;il tay patyan lesko muy.&#8221; 28Yekhatar, gelya o glaso pa leste ande so&#341;o them kay bu&#353;ol e Galileya.</div><div class="p"> 29Tay anda yekh o Isus meklya e sinagoga tay dya andre ando kher le Simonesko tay le Andreyasosko. Le Yakobosa tay le Yovanosa sas. 30Eta, e sakra le Simoneski pa&#353;lolas ke nasvali&#8208;la, tay anda yekh mothode leske pa late. 31Atun&#269;i, dya tay lya la le vastestar tay vazdya la. Tay, anda yekh meklya la o nasvalimos, tay lya sama lendar.</div><div class="p"> 32Sa kodya ryat kana pelo o kham tele, ingerde leste sa le nasvalen tay vi kodolen kay sas le nevu&#382;e ande lende, 33Tay sa le &#382;ene anda o foro tyidinisayle angla o vudar. 34Tay sastyarelas bute na&#353;valen tay but nasvalimata tay vi gonilas avri bute nevu&#382;en. &#268;i meklya le nevu&#382;en te den duma ke prin&#382;arenas les.</div><div class="p"> 35Atun&#269;i, anda e ryat, kana sas inke tunyariko, vu&#353;tilo tay telyardya and ekh miro than tay rud&#382;ilas&#8208;pe. 36Tay geline o Simone tay vi le aver pala leste. 37Kana arakhline les, mothodine leske, &#8220;Savo&#341;e roden tu.&#8221; 38Mothodya lenge, &#8220;&#381;as amenge and aver foruri pa&#353;e te &#353;ay vestiv vi kote, ke pala kodya avilem avri&#8221;. 39Tay gelo la intregonya Galileyasa tay vestilas ande lenge sinagogi tay gonilas avri le nevu&#382;en.</div><div class="p"> 40Tay avilo leste ekh manu&#353; pherdo gerasa. Kodo pelya p'el &#269;angende tay manglya lestar, &#8220;Te kames, &#353;ay sastyares ma.&#8221; 41Pelya leske mila lestar tay anzerdya pesko vas tay azbadya le gerales tay phendya leske, &#8220;Ey, kamav. Te sastyos.&#8221; 42Tay anda yekh xasayli e ger lestar tay sastilo. 43Porme, may anglal te delas les drom, o Isus phendya leske zurales, 44&#8220;Na motho kanikaske khan&#269;i. Numa, &#382;a tay sikav tu le ra&#353;aske tay ker so porun&#269;isardya o Moze tay kadya si te &#382;anen le &#382;ene ke vorta sasto san.&#8221; 45Numa o manu&#353; dya avri tay delas duma pa leste kaygodi tay mothodya savo&#341;enge. Pala kodya, na&#353;ti may &#382;alas and el foruri o Isus numa p'el gava a&#353;elas. Tay vi intyal tay vi ordal avenas leste le &#382;ene.</div>
 </div>
 </div>
</div>

maintained by the British and Foreign Bible Society

Kadya telyardya o Lašo Nevimos anda o Isus Kristo, o Šav le Devlesko. O Izeya, kay sas profeto, ramosardya, “Eta, muŕi sluga kay bišalav les tuke te lašarel tuke o drom. Ekh glaso kay tsipil ande pusta, ‘Getisaren o drom le Rasko. Vortosaren leski vurma.’”
Avilo o Yovano, o Bolitori, ande pusta. Bolelas tay phenelas, “Musay te keyin‐tume tay te bolen‐tume tay si t'aven yertime tumare bezexa”. Avenas avri leste, savoŕe katar e Yudeya tay o Yerusalemo. Avenas yertime lenge bezexa tay o Yovano bolelas le ando doryav kay bušol o Yordano.
Phiravelas o Yovano le tsoalya kerde anda'l kemilake bal tay pe leste sas ekha mortyaki haravli. Xalas le grastoŕe la čarake tay vi o avdžin le vešengo. Tay vestilas o Lašo Nevimos tay mothodya, “Pala mande avel yekh may baro sar mande. Me či sim dosta lašo te bandžuvav te putrav leske tsurulya. Bolav tume me le payesa. Vo bolela tume le Svuntone Duxosa.”
Tay ande kodya vryamya, avilo o Isus katar e Nazareta kay si ande Galileya, tay o Yovano boldya les ando Yordano. Tay kana dya avri anda o pay, yekhatar dikhlya ke puterdilo o čeri, tay o Duxo vulisto pe leste, sar ekh golumbo. Tay ašundilo ekh glaso ando čeri, “Tu san muŕo yekh drago šav, but veselis ma.”
Atunči, o Svunto Duxo tradya les ande pusta, tay ašilo ande pusta štarvardes dyes. Tay o Beng zumavelas les. Le selbatičine živinentsa bešelas o Isus tay le andželya lenas aminte pe leste.
Atunči kana sas phandado o Yovano, avilo o Isus ande Galileya tay vestilas o Lašo Nevimos anda e Amperatsiya le Devleski. Phendya, “Avili e vryamya. Pašol e Amperatsiya le Devleski. Keyisaren tay patyan‐tume ando Lašo Nevimos.”
Tay, yekh dyes, kana delas le bregonentsa la Maryake la Galilyaka, dikhlya le Simones tay leske phrales, le Andreyasos. Šudenas penge mryaža ando pay ke mašarya‐le. Phendya lenge o Isus, “Phiren mantsa tay kadya kerav ke aven mašarya kay astaren le manušen.” Anda yekh, mekline penge mryaža tay line‐pe pala leste.
Tay kana gelo may angle, dikhlya le Yakobos tay le Yovanos, le šaven le Zebedeyaske. And ekh ladžiya sas tay getinas penge mryaža. Akhardya le tay mekline penge dades ande ladžiya le butyarentsa tay line‐pe pala o Isus.
Porme, avile ka o Kaperneyo tay, Savatone, kay si a svunto dyes le Židovongo, dya ande sinagoga tay sityarelas, tay le žene mutsosayle katar lesko sityarimos ke sityarelas vorta sar kay sas les le Devleski putyarya tay či sar le Zakonarya.
Tay ande sinagoga sas ekh manuš kay sas les ande leste ekh nevužo. Bendžaylo sas. Tay tsipisardya, “Sostar hamis tu amende, Isusa anda e Nazareta. Avilyan te xalyares ame? Žanav tu kon san. San o Svunto le Devlesko.”
Numa, o Isus porunčisardya pe leste, “Aš miro. Av avri anda leste.” Tay o nevužo izdradya les tay regnisardya les tay avilo avri anda leste. Tay sa čudisayle savoŕe tay mothodine yekh avreske, “So si kadya? Nevo sityarimos la putyaryasa? Vi pe le nevuže porunčil tay patyan lesko muy.” Yekhatar, gelya o glaso pa leste ande soŕo them kay bušol e Galileya.
Tay anda yekh o Isus meklya e sinagoga tay dya andre ando kher le Simonesko tay le Andreyasosko. Le Yakobosa tay le Yovanosa sas. Eta, e sakra le Simoneski pašlolas ke nasvali‐la, tay anda yekh mothode leske pa late. Atunči, dya tay lya la le vastestar tay vazdya la. Tay, anda yekh meklya la o nasvalimos, tay lya sama lendar.
Sa kodya ryat kana pelo o kham tele, ingerde leste sa le nasvalen tay vi kodolen kay sas le nevuže ande lende, Tay sa le žene anda o foro tyidinisayle angla o vudar. Tay sastyarelas bute našvalen tay but nasvalimata tay vi gonilas avri bute nevužen. Či meklya le nevužen te den duma ke prinžarenas les.
Atunči, anda e ryat, kana sas inke tunyariko, vuštilo tay telyardya and ekh miro than tay rudžilas‐pe. Tay geline o Simone tay vi le aver pala leste. Kana arakhline les, mothodine leske, “Savoŕe roden tu.” Mothodya lenge, “Žas amenge and aver foruri paše te šay vestiv vi kote, ke pala kodya avilem avri”. Tay gelo la intregonya Galileyasa tay vestilas ande lenge sinagogi tay gonilas avri le nevužen.
Tay avilo leste ekh manuš pherdo gerasa. Kodo pelya p'el čangende tay manglya lestar, “Te kames, šay sastyares ma.” Pelya leske mila lestar tay anzerdya pesko vas tay azbadya le gerales tay phendya leske, “Ey, kamav. Te sastyos.” Tay anda yekh xasayli e ger lestar tay sastilo. Porme, may anglal te delas les drom, o Isus phendya leske zurales, “Na motho kanikaske khanči. Numa, ža tay sikav tu le rašaske tay ker so porunčisardya o Moze tay kadya si te žanen le žene ke vorta sasto san.” Numa o manuš dya avri tay delas duma pa leste kaygodi tay mothodya savoŕenge. Pala kodya, našti may žalas and el foruri o Isus numa p'el gava ašelas. Tay vi intyal tay vi ordal avenas leste le žene.

Geere nke a ntị Marko 1