Koorete - BSE (NT) Drama

<div class="version vid3178 iso6393kqy" data-vid="3178" data-iso6393="kqy">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">Oone garani yaa'e e worgusuwa gisha</div><div class="r"> Luq 6:37-42</div><div class="p"> 1Yesuusay sekke &lt;&lt;Hi gara e yaa'utteesume hinuni oone garani yaadhofita! 2Axi gara hi yaa'enikeko hi garani e yaa'utte. Essa hi makkesunako hinuseni e makkutte. 3Ne aafiya yese mudduno gaxxhi beedo badesine fede axi aafiya yese diira ame ne beene? 4Hinne ame ne aafiya muddunoy yesune fede axuse &lt;Mee, ne aafiya yese diira haayya ta kessoore&gt; yeydi neyne? 5Neno awshacho! Burona ne aafiya yese mudduno kessuwa! Ye e geedeko fede axi aafiya yese diira ne kessoronike modhussi ne aafey e beene. 6Hayla maaqe base kanase indofita, bentuwa seelo abakoni girme buro dattofita! Yeysi hi maho'ayko girmiti be tokenako u dheqe, kaniti hanke maaddhiko hinumba fosshi u gusse.</div><div class="s">Wonto shi'e gisha</div><div class="r"> Luq 11:9-13</div><div class="p"> 7Shi'uwayte, hinuse inguttoko e ingutte. Worguwayte, degexako hi degexe. Sumaa eedhi xheyguwayte, hinuse gasay do'uttoko e do'utte. 8Ye esini shi'eesuse uddiko e ingutte, worgesini degexako e degexe, sumaa eedhi xheygesuseni do'uttoko e do'utte. 9Ade maaqisine hinukaafa yeley boora gadhako shuche ingesi ooneni? 10Gulxhe e ga'ete shooshe inga e inge? 11Yoonase hinuni iita maaqisine hi nayshushe modhe ingo inge erako hi ere. Hinne afaa yese hinadey biya shi'eesituse waanidini modhe abako hinume afana garsi e inguwaane? 12Yoonase axi hinuse mahorosa hi worge abako uddi hinunini yeydiwo axuse mahuwayte. Muse wogay ohesaara kaayaxiti erusichoshaaray ha esako&gt;&gt; yeydi e hido.</div><div class="s">Xhuumo sumaanna gele gisha</div><div class="r"> Luq 13:24</div><div class="p"> 13Sekkeni Yesuusay &lt;&lt;Xhuumo sumaanna geluwayte! Baysuwa gelse sumay aako maaqusune e ogeni gafusuwaa modheko. Yaha geleesitini lagitako. 14Maaqe baaka yesuwa gelse sumay xhuumo maaqusune e ogey maddhunxesako, ye esa degexe axiti baretako&gt;&gt; yeydi e hido.</div><div class="s">Zaade kaayaxiti garafa biya kafe gisha</div><div class="r"> Luq 6:43-44</div><div class="p"> 15Assi Yesuusay &lt;&lt;Kaayaxe be maaquwasa kaayaxe bisshi yoonesi garafa hinumba kakkuwayte. Wude badena hade dore bisshiko hinuko u yoone, be gawwaana hade shoddi ekke sudhamituke yeseesitako. 16U hanta aafenako oone u maaqesa hi ere. Anke garafa modhe weyne aafey moggore garafani modhe belese aafey maxhuttuwasso. 17Ye esini mixi modhey uddina modhe aafeko e kaxhe, mixi iitay iita aafeko e kaxhe. 18Mixi modhey iita aafe kaxhese danda'uwasso, yeydiwo mixi iitay modhe aafe kaxhese danda'uwasso. 19Aafe modhe kaxhuwa mixi uddina burdiko tamaa e dafutte. 20Yeydiwo ye axita u hanta aafenako oone u maaqesa hi ere.</div><div class="p"> 21Afaa yese nuwadey worge hanta hantesa baaka &lt;Laaxo! Laaxo!&gt; hinesi uddina afa kaatetiya gelesa maaquwasso. 22Aallicira yaa'a wonte lagiti &lt;Laaxo! Laaxo! Ne sunxuna Wonto kato zeerdo baanxhiya? Ne sunxuna xhooze gooddo baanxhiya? Ne sunxuna laga micushesha hanto baanxhiya?&gt; yeydiko taako uyne. 23Yenniyaka &lt;Tani fetto hinumba eruwasso, hinuno iita axito, ta garafa zaruwayte&gt; hidiko tayne&gt;&gt; yeydi e hido.</div><div class="s">Lam'i bisha keexiti gisha</div><div class="r"> Luq 6:47-49</div><div class="p"> 24Sekkeni Yesuusay &lt;&lt;Ha kato siidi hanta gara feyssheshi uddina kaacho modhussi kaashi be keexe keexha gaxe keenge axuko e bishe. 25Iray buttine wulqani wul'i agexini agetti ye keexe iitana naadhi hinne modhe kaacho gara be keexhuttecho gisha ye keexi unge e dheeddo.</div><div class="p"> 26Be siido ta kato hanta gara feysshuwashi mancha#7:26 mancha yeydi hiyuttasi Koorusso bidzi bidzi googe &lt;&lt;Siise&gt;&gt; yeydi hiyuttichashuko. gara be keexe keexha axi muyako e bishe. 27Iray buttine wulqani wul'i agexini agetti iitana ye keexe e naadho. Yenniyawo ye keexi e undo. E undo ungeni fettona e iitto&gt;&gt; yeydi e hido. 28Yesuusay ha zeerita zeerdi also geede yaha yecha laga axiti ye e erusosa siidi u micco. 29U miccoshini Muse woga eruseesituke e maaddho baanne hade adeto keenge axuke e erusicho gishako.</div>
 </div>
 </div>
</div>

Yesuusay sekke <<Hi gara e yaa'utteesume hinuni oone garani yaadhofita! Axi gara hi yaa'enikeko hi garani e yaa'utte. Essa hi makkesunako hinuseni e makkutte. Ne aafiya yese mudduno gaxxhi beedo badesine fede axi aafiya yese diira ame ne beene? Hinne ame ne aafiya muddunoy yesune fede axuse <Mee, ne aafiya yese diira haayya ta kessoore> yeydi neyne? Neno awshacho! Burona ne aafiya yese mudduno kessuwa! Ye e geedeko fede axi aafiya yese diira ne kessoronike modhussi ne aafey e beene. Hayla maaqe base kanase indofita, bentuwa seelo abakoni girme buro dattofita! Yeysi hi maho'ayko girmiti be tokenako u dheqe, kaniti hanke maaddhiko hinumba fosshi u gusse.


Shi'uwayte, hinuse inguttoko e ingutte. Worguwayte, degexako hi degexe. Sumaa eedhi xheyguwayte, hinuse gasay do'uttoko e do'utte. Ye esini shi'eesuse uddiko e ingutte, worgesini degexako e degexe, sumaa eedhi xheygesuseni do'uttoko e do'utte. Ade maaqisine hinukaafa yeley boora gadhako shuche ingesi ooneni? Gulxhe e ga'ete shooshe inga e inge? Yoonase hinuni iita maaqisine hi nayshushe modhe ingo inge erako hi ere. Hinne afaa yese hinadey biya shi'eesituse waanidini modhe abako hinume afana garsi e inguwaane? Yoonase axi hinuse mahorosa hi worge abako uddi hinunini yeydiwo axuse mahuwayte. Muse wogay ohesaara kaayaxiti erusichoshaaray ha esako>> yeydi e hido.


Sekkeni Yesuusay <<Xhuumo sumaanna geluwayte! Baysuwa gelse sumay aako maaqusune e ogeni gafusuwaa modheko. Yaha geleesitini lagitako. Maaqe baaka yesuwa gelse sumay xhuumo maaqusune e ogey maddhunxesako, ye esa degexe axiti baretako>> yeydi e hido.


Assi Yesuusay <<Kaayaxe be maaquwasa kaayaxe bisshi yoonesi garafa hinumba kakkuwayte. Wude badena hade dore bisshiko hinuko u yoone, be gawwaana hade shoddi ekke sudhamituke yeseesitako. U hanta aafenako oone u maaqesa hi ere. Anke garafa modhe weyne aafey moggore garafani modhe belese aafey maxhuttuwasso. Ye esini mixi modhey uddina modhe aafeko e kaxhe, mixi iitay iita aafeko e kaxhe. Mixi modhey iita aafe kaxhese danda'uwasso, yeydiwo mixi iitay modhe aafe kaxhese danda'uwasso. Aafe modhe kaxhuwa mixi uddina burdiko tamaa e dafutte. Yeydiwo ye axita u hanta aafenako oone u maaqesa hi ere.
Afaa yese nuwadey worge hanta hantesa baaka <Laaxo! Laaxo!> hinesi uddina afa kaatetiya gelesa maaquwasso. Aallicira yaa'a wonte lagiti <Laaxo! Laaxo! Ne sunxuna Wonto kato zeerdo baanxhiya? Ne sunxuna xhooze gooddo baanxhiya? Ne sunxuna laga micushesha hanto baanxhiya?> yeydiko taako uyne. Yenniyaka <Tani fetto hinumba eruwasso, hinuno iita axito, ta garafa zaruwayte> hidiko tayne>> yeydi e hido.


Sekkeni Yesuusay <<Ha kato siidi hanta gara feyssheshi uddina kaacho modhussi kaashi be keexe keexha gaxe keenge axuko e bishe. Iray buttine wulqani wul'i agexini agetti ye keexe iitana naadhi hinne modhe kaacho gara be keexhuttecho gisha ye keexi unge e dheeddo.
Be siido ta kato hanta gara feysshuwashi mancha gara be keexe keexha axi muyako e bishe. Iray buttine wulqani wul'i agexini agetti iitana ye keexe e naadho. Yenniyawo ye keexi e undo. E undo ungeni fettona e iitto>> yeydi e hido. Yesuusay ha zeerita zeerdi also geede yaha yecha laga axiti ye e erusosa siidi u micco. U miccoshini Muse woga eruseesituke e maaddho baanne hade adeto keenge axuke e erusicho gishako.

Geere nke a ntị Matoose 7