Migaama, Centre - WBT - NT non Drama

Migaama, Centre - WBT - NT Drama

<div class="version vid2999 iso6393mmy" data-vid="2999" data-iso6393="mmy">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="p"> 1Maa ga Iisa gaamiyya beneyti oko jobookeetee ku orro o seera, gaa &#436;iili&#599;e min i&#331;aa, gaa garkay&#599;iy o ga tasaaca kabarre ta daana oko giimo gawaagargeeco Yawudigeyyo.</div><div class="s1">Innico jobookeetee Yaaya ma batasayya giimi</div><div class="r">(Ello&#331; Lik 7.18-35)</div><div class="p"> 2Wikinne kaaka pa, ga Yaaya ma batasayya giimi giyyiko min da&#331;aye maa gu bakam&#599;iya, lubaakitee Masi. Gaa n&#816;aamiyyee minnaw min oko jobookeetee. 3Maa gu sar&#599;e guu inniyya goo: &#171;Ay kii a&#599;e ma ay Masi, gata maa ga Mella aparre ma asaa e, e ni ucu missa ka&#436;i?&#187; 4Gaa Iisa tiiliyyoo gaa: &#171;Yooko&#331; ku dee&#599;ineegu jeppa oko Yaaya gaari maa ku geewa o maa ku ella: 5Koor&#816;ee gu i&#599;iico ella o mugulee tan&#816;aa samaane o majaddimnigee rayyide gu dee&#599;e samaane unti Mellayi o ambuukee geewa o ma matakke na&#599;e o kabarre ta daana deero taasenta oko giimi ku saamo. 6Baarikenta ay gimu maa na deewee &#599;a botol ku maa ga pooci&#599;o amanno oko naa.&#187;</div><div class="p"> 7Maa gu jobookeetee Yaaya kaati&#599;e, gaa Iisa inni&#599;iy giimi ku maani kotti ma gaartee Yaaya gaa: &#171;Maa ku kaati&#599;e kayni ku a&#331;akke ku dee&#599;o ella we? Ku kaate ku dee&#599;e ella gimu maa gi kayaati lamatta ka ale&#331; coori maa ga ussu azakka i&#331;ee o i&#331;ee e? Haha. 8A ku dee ella we? Ku dee ella gimu ma esekke ka&#599;i&#331;gee samaane e? A gata pa ma esekke ka&#599;i&#331;gee ku samaane ku gasakka gerraco salaata&#331;geyyo. 9A ku dee ella we kayni? Nabiinice e? Haa, na beneyyato&#331; &#436;a, ku dee ella ma &#436;iila kulla nabiinice. 10Yaaya ay gata appe maa ga Mella beneyya gaartee Kitamniti gaa: &#8220;Omma min oko kii, na n&#816;akammaa palaynicitu, ga dee&#599;amga pana butulcum#11.10 Ello&#331; Malasi 3.1..&#8221; 11Na beneyyato&#331;ca seene, min oko giimi paracco ma ellica paato ga lekka &#599;a gimu ma tatta &#436;iila min oko Yaaya ma batasayya giimi. Gaa ma kaaka a&#599;e pa, ga ka rootta &#436;iila mulunniti Mellayi al&#599;o tatta &#436;iila min oko Yaaya. 12Min oko wikinne maa ga Yaaya ma batasayya giimi tasaw&#599;iya beneyti Mellayi namma ya ha&#331;ka, gu giimi ku gazanta asarrica mulunniti Mellayi o gu deyekke cawwit&#237;. 13A guta pa nabiinigee paracco o Kitamniti Muusa beneyye ma ka mulunniti Mellayi namma ya wikinniti Yaaya ma batasayya giimi. 14Kuu a&#331;ka ku ibin&#599;o samaane pa, ga Yaaya ay gata appe ma ay Eliyas ma akka yooka#11.14 Ello&#331; Malasi 3.23.. 15Maa gaa lekka deyya, ga giyyu.&#187;</div><div class="p"> 16Gaa Iisa beney&#599;o missa gaa: &#171;Giimi ku ha&#331;ka kooko na massallay pe ma ini we? Guta saabayye ale&#331; miici ma nowotte were ka timmiti guu daare kolow&#599;iy gicco goo: 17&#8220;Ni paanito&#331; teelo kuu al&#599;e waara &#599;a. Nii ree&#599;ito&#331; riyaawi&#331;gee ku haziniyti, kuu al&#599;e laatiya &#599;a.&#8221; 18A gata pa Yaaya maa ga asi&#599;e ga teewa &#599;a di&#331; di&#331; o ga ar&#816;aa &#599;a, guu giimi beney&#599;o goo ga lekka aarinne#11.18 Oko Yawudigeyyo, ga gimu maa gi kayaati &#599;a&#599;&#599;akko &#599;a ay gimu maa ga aarinne bakammiya.. 19A Runti Gimi pa aseero, gaa tew&#599;o o ga ar&#816;aa, guu giimi beney&#599;o goo: &#8220;Ello&#331;ga &#436;a mii&#599;i keeke! Gata keeke leewe kee ka aatti ka o ka mowwiti. Gata ay lanjinco oko sokookee ku miiri o oko giimi ma leewa zunubgee.&#8221; A ibino ta gaaro soopa tee ta Mellayi kadar gi &#599;aya&#331; deewa ibinenta ma garrarriti.&#187;</div><div class="s1">Giimi ku gawaagargeyyo ma pocaa amanno</div><div class="r">(Ello&#331; Lik 10.13-15)</div><div class="p"> 20Gaa Iisa maka&#599;&#599;iyo oko giimi ku gawaagargee maa ga leyyoo maani gaari ku ajjibiti &#436;iila asan gu meeliy &#599;a gaarco ku mi&#599;&#599;a. 21Gaa beney&#599;iy gaa: &#171;Diigane ocokkito&#331; ku&#331; giimi ku geegar ka Korazim o ka Betsayda! Gaari ku ajjibiti maa na leeto&#331; gawaagargeeto&#331;, naa al&#599;iy liyaw geegar ka Tir o ka Sidon#11.21 Tir o Sidon pa ay gawaagargeeco giimi ma ay Yawudigee &#599;a., ga ko&#599;okka ka saa gu esekka ka&#599;i&#331;gee ku haziniyti o gu sosoyya bitti zeneeco ku maa gu gaari&#599;o kadar gu meeliy gaarco ku mi&#599;&#599;a. 22Ay &#599;akko appe na beney&#599;ito&#331; naa gi meene ta parlanti ga ku&#331; giimi ku geegar ka Korazim o ka Betsayda ga Mella akkito&#331;ga zilla bogorti &#436;iila min oko ta giimi ku geegar ka Tir o ka Sidon. 23A ku&#331;, giimi ku geegar ka Kaparnawom pa, ku leewe kuu wala&#331; ga Mella on&#816;aato&#331; uwwa namma ya samaani e? Kaw, gata beraato&#331; soo namma ya oolati, asan gu gaari ku ajjibiti maa na leelo wikirto&#331;, naa al&#599;iy liyaw geegar ka Sodom#11.23 Sodom pa ay geegar maa gu giimi nowottiyee wikinniti Biraayim. Mella pa bittiy ma n&#816;aawo ta okkati o ta bitti gazanta asan gu giimi ku geegar kaaka leewa mi&#599;&#599;a ta kaw unti Mellayi. Ello&#331; Diilo ta Lawwi Paracco 18&#8211;19., ga ya ha&#331;ka ga ayee missa. 24Ay &#599;akko appe na beney&#599;ito&#331; naa gi meene ta parlanti ga ku&#331; giimi ka Kaparnawom ga Mella akkito&#331;ga zilla bogorti &#436;iila min oko giimi ku geegar ka Sodom.&#187;</div><div class="s1">Iisa leewee barkinti oko Tatti</div><div class="r">(Ello&#331; Lik 10.21-22)</div><div class="p"> 25Gaa oko wikinne kaaka ga Iisa beneyyi&#599;e payya gaa: &#171;Baaba, kii ma ay Milti samaani o ka ki&#599;aati, na logokkam asan gu gaari kooko maa ki kiiliyoogu oko giimi ma ibina gaari o maa gu kayyeeco ecekka, ki gaariyoogu oko ku rootta ta kaw. 26Ay seene Baaba, asan ga keeke deyyam daanam ga dee&#599;o go&#331;&#331;a.&#187;</div><div class="p"> 27Gaa Iisa beney&#599;iyo payya oko giimo gaa: &#171;Gaari paracco ga Tattu damawgu. Lekka &#599;a gimu ma ebennano naa Runti Mellayi illa ay Mella Baaba, o ga lekka &#599;a gimu ma ebennaa Mella Baaba illa ay naa Runti. A naa Runti Mellayi pa a&#331;ka na gaariyyooga Baaba oko giimi daare, gu ibiniyya kulla.&#187;</div><div class="s1">Asaw oko Iisa lekka nambo</div><div class="p"> 28Gaa Iisa gaayiyyo payya gaa: &#171;Aso&#331; oko naa, ga ku&#331; paratto&#331; ma rakee ma icco ta suuruwe ka tirta, naa biritto&#331; nambo. 29Oyyo&#331; ku jeepiyya botol maa na garaato&#331; o ku &#595;eldo&#331;ca giraanitu, asan ga naa detta o galbantu lekka &#599;a koolipo. Go&#331;&#331;a ku gasakkaca nambo. 30Ay seene, jeepo ta botol maa na garaato&#331; daana ka o suuruwe maa na beraato&#331; acapta ka.&#187;</div>
 </div>
 </div>
</div>

Maa ga Iisa gaamiyya beneyti oko jobookeetee ku orro o seera, gaa ƴiiliɗe min iŋaa, gaa garkayɗiy o ga tasaaca kabarre ta daana oko giimo gawaagargeeco Yawudigeyyo.


Wikinne kaaka pa, ga Yaaya ma batasayya giimi giyyiko min daŋaye maa gu bakamɗiya, lubaakitee Masi. Gaa n̰aamiyyee minnaw min oko jobookeetee. Maa gu sarɗe guu inniyya goo: «Ay kii aɗe ma ay Masi, gata maa ga Mella aparre ma asaa e, e ni ucu missa kaƴi?» Gaa Iisa tiiliyyoo gaa: «Yookoŋ ku deeɗineegu jeppa oko Yaaya gaari maa ku geewa o maa ku ella: Koor̰ee gu iɗiico ella o mugulee tan̰aa samaane o majaddimnigee rayyide gu deeɗe samaane unti Mellayi o ambuukee geewa o ma matakke naɗe o kabarre ta daana deero taasenta oko giimi ku saamo. Baarikenta ay gimu maa na deewee ɗa botol ku maa ga poociɗo amanno oko naa.»
Maa gu jobookeetee Yaaya kaatiɗe, gaa Iisa inniɗiy giimi ku maani kotti ma gaartee Yaaya gaa: «Maa ku kaatiɗe kayni ku aŋakke ku deeɗo ella we? Ku kaate ku deeɗe ella gimu maa gi kayaati lamatta ka aleŋ coori maa ga ussu azakka iŋee o iŋee e? Haha. A ku dee ella we? Ku dee ella gimu ma esekke kaɗiŋgee samaane e? A gata pa ma esekke kaɗiŋgee ku samaane ku gasakka gerraco salaataŋgeyyo. A ku dee ella we kayni? Nabiinice e? Haa, na beneyyatoŋ ƴa, ku dee ella ma ƴiila kulla nabiinice. Yaaya ay gata appe maa ga Mella beneyya gaartee Kitamniti gaa: “Omma min oko kii, na n̰akammaa palaynicitu, ga deeɗamga pana butulcum.” Na beneyyatoŋca seene, min oko giimi paracco ma ellica paato ga lekka ɗa gimu ma tatta ƴiila min oko Yaaya ma batasayya giimi. Gaa ma kaaka aɗe pa, ga ka rootta ƴiila mulunniti Mellayi alɗo tatta ƴiila min oko Yaaya. Min oko wikinne maa ga Yaaya ma batasayya giimi tasawɗiya beneyti Mellayi namma ya haŋka, gu giimi ku gazanta asarrica mulunniti Mellayi o gu deyekke cawwití. A guta pa nabiinigee paracco o Kitamniti Muusa beneyye ma ka mulunniti Mellayi namma ya wikinniti Yaaya ma batasayya giimi. Kuu aŋka ku ibinɗo samaane pa, ga Yaaya ay gata appe ma ay Eliyas ma akka yooka. Maa gaa lekka deyya, ga giyyu.»
Gaa Iisa beneyɗo missa gaa: «Giimi ku haŋka kooko na massallay pe ma ini we? Guta saabayye aleŋ miici ma nowotte were ka timmiti guu daare kolowɗiy gicco goo: “Ni paanitoŋ teelo kuu alɗe waara ɗa. Nii reeɗitoŋ riyaawiŋgee ku haziniyti, kuu alɗe laatiya ɗa.” A gata pa Yaaya maa ga asiɗe ga teewa ɗa diŋ diŋ o ga ar̰aa ɗa, guu giimi beneyɗo goo ga lekka aarinne. A Runti Gimi pa aseero, gaa tewɗo o ga ar̰aa, guu giimi beneyɗo goo: “Elloŋga ƴa miiɗi keeke! Gata keeke leewe kee ka aatti ka o ka mowwiti. Gata ay lanjinco oko sokookee ku miiri o oko giimi ma leewa zunubgee.” A ibino ta gaaro soopa tee ta Mellayi kadar gi ɗayaŋ deewa ibinenta ma garrarriti.»


Gaa Iisa makaɗɗiyo oko giimi ku gawaagargee maa ga leyyoo maani gaari ku ajjibiti ƴiila asan gu meeliy ɗa gaarco ku miɗɗa. Gaa beneyɗiy gaa: «Diigane ocokkitoŋ kuŋ giimi ku geegar ka Korazim o ka Betsayda! Gaari ku ajjibiti maa na leetoŋ gawaagargeetoŋ, naa alɗiy liyaw geegar ka Tir o ka Sidon, ga koɗokka ka saa gu esekka kaɗiŋgee ku haziniyti o gu sosoyya bitti zeneeco ku maa gu gaariɗo kadar gu meeliy gaarco ku miɗɗa. Ay ɗakko appe na beneyɗitoŋ naa gi meene ta parlanti ga kuŋ giimi ku geegar ka Korazim o ka Betsayda ga Mella akkitoŋga zilla bogorti ƴiila min oko ta giimi ku geegar ka Tir o ka Sidon. A kuŋ, giimi ku geegar ka Kaparnawom pa, ku leewe kuu walaŋ ga Mella on̰aatoŋ uwwa namma ya samaani e? Kaw, gata beraatoŋ soo namma ya oolati, asan gu gaari ku ajjibiti maa na leelo wikirtoŋ, naa alɗiy liyaw geegar ka Sodom, ga ya haŋka ga ayee missa. Ay ɗakko appe na beneyɗitoŋ naa gi meene ta parlanti ga kuŋ giimi ka Kaparnawom ga Mella akkitoŋga zilla bogorti ƴiila min oko giimi ku geegar ka Sodom.»


Gaa oko wikinne kaaka ga Iisa beneyyiɗe payya gaa: «Baaba, kii ma ay Milti samaani o ka kiɗaati, na logokkam asan gu gaari kooko maa ki kiiliyoogu oko giimi ma ibina gaari o maa gu kayyeeco ecekka, ki gaariyoogu oko ku rootta ta kaw. Ay seene Baaba, asan ga keeke deyyam daanam ga deeɗo goŋŋa.»
Gaa Iisa beneyɗiyo payya oko giimo gaa: «Gaari paracco ga Tattu damawgu. Lekka ɗa gimu ma ebennano naa Runti Mellayi illa ay Mella Baaba, o ga lekka ɗa gimu ma ebennaa Mella Baaba illa ay naa Runti. A naa Runti Mellayi pa aŋka na gaariyyooga Baaba oko giimi daare, gu ibiniyya kulla.»

Gaa Iisa gaayiyyo payya gaa: «Asoŋ oko naa, ga kuŋ parattoŋ ma rakee ma icco ta suuruwe ka tirta, naa birittoŋ nambo. Oyyoŋ ku jeepiyya botol maa na garaatoŋ o ku ɓeldoŋca giraanitu, asan ga naa detta o galbantu lekka ɗa koolipo. Goŋŋa ku gasakkaca nambo. Ay seene, jeepo ta botol maa na garaatoŋ daana ka o suuruwe maa na beraatoŋ acapta ka.»

Geere nke a ntị Matiye 11