Sangu - 2020 WBT (NT, GEN) Non Drama

<div class="version vid2815 iso6393sbp" data-vid="2815" data-iso6393="sbp">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Baheene uwulanga, inyi ni fiinu fyona fina fili umo fyakwilana.</div><div class="s">Ilijuva lya fungati</div><div class="p"> 2-3Ilijuva lya fungati uNguluvi akhandi amalile insengo yaakwe iya kiwumba, ndeeno ilijuva ilyo wa&#769;tuuyaga. UNguluvi wa&#769;liyimiilila ilijuva ilyo ilya fungati, wa&#769;libaagula live linofu kwa kiiva wa&#769;tuuyaga.</div><div class="s">Umuunu umugoosi nu mudala ku Edeni</div><div class="p"> 4Isi siseene mola sa kiwumbwa kwa wulanga ni nyi. Ilijuva lilila uMutwa uNguluvi#2:4 UMutwa uNguluvi: Yimba iliswi Mutwa mu Maswi aMahensa. pina wa&#769;wumbaga uwulanga ni nyi, 5kukhandi kusiina fimelo fyofyona pashaanya ya nyi, kwa kiiva umwene akhandi asitonyeese inoonya mu nyi. Khanji, kukhandi kusiina umuunu wa kilima. 6Leelo, ifisansa fyahumyaga amalenga pansi pa nyi, gayalaalila mu nyi yoona.</div><div class="p"> 7Baheene, uMutwa uNguluvi wa&#769;muwumbile umuunu mugoosi kwa lilongo lya nyi. Wa&#769;mupuuhila mu mula imuyila ya wuumi, umuunu wa&#769;ava muumi.</div><div class="p"> 8Khanji wa&#769;vyala ishiisi sha Edeni kunena. Umo wa&#769;muviikha umuunu uyo yuna akhandi amuwumbile. 9Mu shiisi umo, wa&#769;lemfya shila mupishi guna gudobokhwa pa meeho na gufwaya kiliiwa. Paakhati naakhati ya shiisi kukhandi kuna mupishi gwa wuumi nu mupishi ugwa kimanya amanofu na mavi.</div><div class="p"> 10Lino, ukho ku Edeni kukhandi kuna mukhoga guna guveyula amalenga mu shiisi. Kihuma apo, gwabagunkhana gaava makhoga gana. 11Ilitaawa lya mukhoga gwa wutasi gutambulwa Pishoni, ugo gugwene gupilima inyi yoona ya Havila, pina pana sahaabu. 12Isahaabu ya nyi yila nofu. Khanji kuna ngaagulwa yina yinunshilila yitambulwa Bedola na mang&#700;anga gina ging&#700;aala ng&#700;aala mandu aga lifungu likhome gina gitambulwa Shohamu. 13Ilitaawa lya mukhoga gwa wuvili gutambulwa Gihoni na gupilima inyi yoona iya Kushi.#2:13 Kushi: Inyi ya Kushi yisimanyikha wunofu kwa kiiva yikhandi uluvala lumonga ku nyi ya Mesopotamiya awu ku Esiyopiya. 14Ilitaawa lya mukhoga gwa wutatu gutambulwa Tigilisi na malenga gijenda ulubali lwa kunena lwa nyi ya Ashuulu. Ilitaawa lya mukhoga gwa wuna gutambulwa Efulaati.</div><div class="p"> 15Ndeeno uMutwa uNguluvi akhandi amuviishile umuunu umugoosi uyo mu shiisi sha Edeni, ave iilima na kiyiyangalila. 16Wa&#769;mulajisa umuunu uyo, wa&#769;aja, &#8220;Amakhomo ga mupishi gogoona ugwa mu shiisi ukwiliile kiilya. 17Leelo, usikhajelaga kiilya amakhomo ga mupishi ugwa kimanya amanofu na mavi, kwa kiiva ilijuva lina ukhalya hela, shiyooli ukhafwa.&#8221;</div><div class="p"> 18Baheene uMutwa uNguluvi wa&#769;hiiva kiija, &#8220;Lusili lunofu umugoosi uyu ave mwene duguli. Nisimugahile umutanjilisaaji umunofu uwa kihwanana nu mwene.&#8221; 19Wa&#769;wumbaga kihuma mu lilongo inkhanu soona ni nyuni soona. Wa&#769;mutwalila umugoosi uyo, kiija aloleele, asisipeele mataawa mashi. Shila litaawa lina akhandi ikisitambulila, lyava litaawa lyanave. 20Ndeeno, umugoosi uyo wa&#769;sipeela amataawa inkhanu soona isa kidiimwa, inkhanu soona isa mu lihakha ni nyuni soona. Leelo, asikhawoneeshe umutanjilisaaji umunofu uwa kihwanana nu mugoosi uyo.</div><div class="p"> 21Baheene, uMutwa uNguluvi wa&#769;muleetela umugoosi utulo tufuno, woope wa&#769;goneelela mandu. Apo wa&#769;toola uluvafu lwakwe lumo, pa luvafu pala wa&#769;gubikha inyama. 22UNguluvi wa&#769;lugaha uluvafu lula ulwa mugoosi lwava mudala, baheene wa&#769;mutwala kwa mugoosi. 23Umugoosi uyo wa&#769;aja,</div><div class="b"></div><div class="q">&#8220;Lino, uyu lifupa kihuma mu mafupa gangu,</div><div class="q">nyama kihuma mu nyama yangu!</div><div class="q">Uyu asiive itambulwa &#8216;mudala&#8217;,</div><div class="q">kiiva ahumile mwa mugoosi.&#8221;</div><div class="b"></div><div class="p"> 24Lulwene umugoosi akhamulekha uwiihe nu maayi waakwe, asiikhale nu mudala waakwe, ndeeno vavili awo vasiive muvili gumo.</div><div class="p"> 25Umugoosi uyo nu mudala waakwe vakhandi bwinda, hata ndeeno vasikhaweene nsoni.</div>
 </div>
 </div>
</div>

Baheene uwulanga, inyi ni fiinu fyona fina fili umo fyakwilana.

Ilijuva lya fungati uNguluvi akhandi amalile insengo yaakwe iya kiwumba, ndeeno ilijuva ilyo wátuuyaga. UNguluvi wáliyimiilila ilijuva ilyo ilya fungati, wálibaagula live linofu kwa kiiva wátuuyaga.

Isi siseene mola sa kiwumbwa kwa wulanga ni nyi. Ilijuva lilila uMutwa uNguluvi pina wáwumbaga uwulanga ni nyi, kukhandi kusiina fimelo fyofyona pashaanya ya nyi, kwa kiiva umwene akhandi asitonyeese inoonya mu nyi. Khanji, kukhandi kusiina umuunu wa kilima. Leelo, ifisansa fyahumyaga amalenga pansi pa nyi, gayalaalila mu nyi yoona.
Baheene, uMutwa uNguluvi wámuwumbile umuunu mugoosi kwa lilongo lya nyi. Wámupuuhila mu mula imuyila ya wuumi, umuunu wáava muumi.
Khanji wávyala ishiisi sha Edeni kunena. Umo wámuviikha umuunu uyo yuna akhandi amuwumbile. Mu shiisi umo, wálemfya shila mupishi guna gudobokhwa pa meeho na gufwaya kiliiwa. Paakhati naakhati ya shiisi kukhandi kuna mupishi gwa wuumi nu mupishi ugwa kimanya amanofu na mavi.
Lino, ukho ku Edeni kukhandi kuna mukhoga guna guveyula amalenga mu shiisi. Kihuma apo, gwabagunkhana gaava makhoga gana. Ilitaawa lya mukhoga gwa wutasi gutambulwa Pishoni, ugo gugwene gupilima inyi yoona ya Havila, pina pana sahaabu. Isahaabu ya nyi yila nofu. Khanji kuna ngaagulwa yina yinunshilila yitambulwa Bedola na mangʼanga gina gingʼaala ngʼaala mandu aga lifungu likhome gina gitambulwa Shohamu. Ilitaawa lya mukhoga gwa wuvili gutambulwa Gihoni na gupilima inyi yoona iya Kushi. Ilitaawa lya mukhoga gwa wutatu gutambulwa Tigilisi na malenga gijenda ulubali lwa kunena lwa nyi ya Ashuulu. Ilitaawa lya mukhoga gwa wuna gutambulwa Efulaati.
Ndeeno uMutwa uNguluvi akhandi amuviishile umuunu umugoosi uyo mu shiisi sha Edeni, ave iilima na kiyiyangalila. Wámulajisa umuunu uyo, wáaja, “Amakhomo ga mupishi gogoona ugwa mu shiisi ukwiliile kiilya. Leelo, usikhajelaga kiilya amakhomo ga mupishi ugwa kimanya amanofu na mavi, kwa kiiva ilijuva lina ukhalya hela, shiyooli ukhafwa.”
Baheene uMutwa uNguluvi wáhiiva kiija, “Lusili lunofu umugoosi uyu ave mwene duguli. Nisimugahile umutanjilisaaji umunofu uwa kihwanana nu mwene.” Wáwumbaga kihuma mu lilongo inkhanu soona ni nyuni soona. Wámutwalila umugoosi uyo, kiija aloleele, asisipeele mataawa mashi. Shila litaawa lina akhandi ikisitambulila, lyava litaawa lyanave. Ndeeno, umugoosi uyo wásipeela amataawa inkhanu soona isa kidiimwa, inkhanu soona isa mu lihakha ni nyuni soona. Leelo, asikhawoneeshe umutanjilisaaji umunofu uwa kihwanana nu mugoosi uyo.
Baheene, uMutwa uNguluvi wámuleetela umugoosi utulo tufuno, woope wágoneelela mandu. Apo wátoola uluvafu lwakwe lumo, pa luvafu pala wágubikha inyama. UNguluvi wálugaha uluvafu lula ulwa mugoosi lwava mudala, baheene wámutwala kwa mugoosi. Umugoosi uyo wáaja,

“Lino, uyu lifupa kihuma mu mafupa gangu,
nyama kihuma mu nyama yangu!
Uyu asiive itambulwa ‘mudala’,
kiiva ahumile mwa mugoosi.”

Lulwene umugoosi akhamulekha uwiihe nu maayi waakwe, asiikhale nu mudala waakwe, ndeeno vavili awo vasiive muvili gumo.
Umugoosi uyo nu mudala waakwe vakhandi bwinda, hata ndeeno vasikhaweene nsoni.

Geere nke a ntị Shiyanso 2