Mato - WBT Version (NT) Non Drama

Mato - WBT Version (NT) Drama

<div class="version vid2360 iso6393met" data-vid="2360" data-iso6393="met">
 <div class="book bkMAT">
 <div class="chapter ch15" data-usfm="MAT.15">
 <div class="label">15</div><div class="s1">Axamang Sigixingana, Axamang Musuna</div><div class="r">(Mak 7:1-23)</div><div class="p"> 1Mana bungina baguba, Parisi teladi digabu lipu hanaunaunga tubatubainganam teladi diyunga Yerusalem dima rangua Yesu. Duxusunga ba, 2&#8220;Baruta lipuximdi dinaxu maung didali mugangaradi kuboludinga? Bungina dibo ba daxang, didamia rimadingdi maringina mana kubolua ba te!&#8221;</div><div class="p"> 3Yesu haxuya ba, &#8220;Baruta adali Urana hanaunaunganoa bu asu mana mugangaradi kuboludinga? 4Namua na Urana harua ba, &#8216;Uwa hawa mana baumtibumdi,&#8217;#Xapdi Muli (Kisim Bek) 20:12; Hanaunaunga (Lo) 5:16 xaung &#8216;Lipu gaxarea daharua diana na baudingtibudingdi bing dungdi mati.&#8217;#Xapdi Muli (Kisim Bek) 21:17; Lipu Hananiangam Oxatanoa (Wok Pris) 20:9 5Ne ang ba, ang gaharua ba maring nabu lipu tela bala baungtibundi ba, &#8216;Ngausinga, sanga ba ngahauliang te. Namua na ngahau haruangua ba ngaulia Urana axadi sanga ba ngahauliang manadi.&#8217; 6Bila balau, aharua ba heku mana duwa hawa mana baudingtibudingdi. Baing ina naga, aunia Urana Xuanoa saing ata kuboluima ba xap yabanoa. 7Ang lipu manang luwamdi! Ang ba waleu sibuna Aisaya harua maxung sibuna mang bungina bung Urana haruanganoa mari bila li:</div><div class="b"></div><div class="q1"> 8&#8220;&#8202;&#8216;Bakbakka baguli diti yagua suxungudingia ing ganina,</div><div class="q2">ne hatumingadingdi duwa hasoya manga.</div><div class="q1"> 9Disabu manga olang,</div><div class="q2">namua na tubatubaingadingdi dima rangua lipudi ing ganina.&#8217;#Aisaya (Aisaia) 29:13 &#8202;&#8221;</div><div class="b"></div><div class="p"> 10Tauna, Yesu wagi lipudi dima rangua saing harua ba, &#8220;Alungu saing ahatumia xai to. 11Baraxinta luxu lipua suxungunia sanga ba libu ina musuna Urana maxania te. Ne baraxinta sok sangua lipua suxungunoa libu ina musuna.&#8221;</div><div class="p"> 12Baing lipudi dinaxu mana dima rangua saing duxusunga ba, &#8220;Bola uxabia ba Parisidi dilungu haruangama saing gamodingdi didoa mana?&#8221;</div><div class="p"> 13Haxuya ba, &#8220;Parisidi ba bila xauyangadi Tibugu wa long xaiya xumadi te, saing bagula xup ding longgalo. 14Asauyadi. Ding bila lipu maxa haxatiandi dimuga mana lipu maxa haxatiandi, daxaidi mala. Nabu lipu maxa haxatiang tela xai lipu maxa haxatiana mala, bing bagula dingtang xauna xungdi mari banggumia.&#8221;</div><div class="p"> 15Pita harua ba, &#8220;Ubaxanga haruanga babunoa namuxina nam.&#8221;</div><div class="p"> 16Xusungadi ba, &#8220;Baruta? Hatumingaimdi dimaring teguyu? 17Axadi axangdi diluxu suxunguimia, didali gamoimdi, saking diri mala tinrungia. 18Ne haruanga sok hatumingaimia ma. Axa ba libuang musuim. 19Namua na axamandi disok sangua lipu hatumingania bing: hatum doa, ung lipua mati, kinu rangua gaxarea yau teguyu, libu kubolu miaxuam, hanai, langua xaung hanggalangia lipu tela yanoa. 20Axadi bagudi li dilibuang musuim. Ne bungina axang xaung rimaim damianga teguamdi, axa ba sanga ba libuang musuim Urana maxania te.&#8221;</div><div class="s1">Haing Siroponisiam Tela Hatum Haringina Mana Yesu</div><div class="r">(Mak 7:24-30)</div><div class="p"> 21Tauna, Yesu sauya titia Galili saing ila titia long sabangga Taya xaung Saidon tang duwa mana ba. 22Haing Kenanggam tela (ina Yuda Teguam), wa mana titia ba ma rangua, wagi ba, &#8220;Toxoratamona, Xaitamoxi Debit Garanoa#15:22 Xaitamoxi Debit Garanoa&#8212;Haingga ba hatum haringina ba Yesu Debit sibinoa naga, binabu ina Urana Lipuxing Mogunganama. ba, usinga nga! Nanuhangigua xap salak sabanga mana xaungua wa mana.&#8221;</div><div class="p"> 23Ne Yesu haxuya haruanga tela na te. Baing lipuxindi dinaxu mana dima rangua dibala ba, &#8220;Usoxi mala, namua na tautiti kira, ma kimuya makira xabaxaba haringina buk.&#8221;</div><div class="p"> 24Harua na haingga ba, &#8220;Urana soxi nga ma bu ngahauli Isreldi ding ganiding. Ding bila sipsipdi dahanggalang.&#8221;</div><div class="p"> 25Hainga ma saing gung king tuxundi maxania, xusunga muli ba, &#8220;Toxoratamona, uhauli nga!&#8221;</div><div class="p"> 26Haxuya ba, &#8220;Garagudi daxang muga to, namua na maring te mana ngaxap garadi angiadingdi saing ngatingdi mala na komadi.&#8221;</div><div class="p"> 27Harua ba, &#8220;Toxoratamona, maxung sibuna. Ne axamang tela xauna maxunau, komadi daxang anginga xuxundi diri saxumingia bungina moxodingdi daxang kabukabia!&#8221;</div><div class="p"> 28Baing Yesu haxuya ba, &#8220;Haing, hatumingam haringina tubu! Xusungangama ngalibu baing.&#8221; Baing hata sibuna li nanuhanginoa sok xai dup.</div><div class="s1">Yesu Hamaringia Lipu Xumana</div><div class="p"> 29Yesu goxoya mala Lang Gamolingana Galili, haxa rubinia. Baing haing mana xaxagang tela saing rung mari. 30Buranga sabangadi dima rangua, daxap lipu kidingdi dahamati, lipu maxa haxatiandi, lipu kidingdi didoa, lipu mumgutingamdi, xaung xumana muli ma. Dahakinudi mari Yesu maxania, saing hamaringia ding longgalo. 31Buranga dihixi mana! Lipu gaxarea mumgutingamdi daharua, lipu gaxarea kidingdi didoa disok xai, lipu gaxarea kidingdi dahamati dahaxa, saing lipu gaxarea maxa haxatiandi dibagu muli! Baing diti Urana Isreliam yanoa.</div><div class="s1">Yesu Haxang Lipu 4,000</div><div class="r">(Mak 8:1-10)</div><div class="p"> 32Yesu wagi lipuxindi dinaxu mana dima rangua saing harua ba, &#8220;Gamogua usinga lipuadi li. Duwa rangua nga xaidap tuwa, saing anginga disup. Gesagiding ba. Hauxagu ba ngasoxidi mala bila ba, nam dimakmatia daxangia.&#8221;</div><div class="p"> 33Lipuxindi dinaxu mana dahaxuya ba, &#8220;Ne maluxu mana long xoliana li, bagula kira taxap anginga bi bu tahaxang buranga sabanga bila li?&#8221;</div><div class="p"> 34Yesu xusungadi ba, &#8220;Ang salangaimdi baru?&#8221;</div><div class="p">Dahaxuya ba, &#8220;7 xaung song kaxukang teladi, xumana buk te.&#8221;</div><div class="p"> 35Baing bala burangua ba dirung titia. 36Baing xap salanga 7 xaung songdi, harua xai sibuna na Urana manadi, saing utu sahadi. Sinadi na lipudi dinaxu mana, saing dituxu sinak na lipudi. 37Ding longgalo daxang sanga ba. Kimuya, lipudi dinaxu mana digugunia hataindi duwauyu, digam daba 7 dibaxagi. 38Mana lipu longgalo daxang, lupdi titingadinga bila 4,000. Dititi haing garadi te. 39Yesu harua xai sibuna saing buranga dahatibaxaya, saking haing wagia saing luki mala titia Magadan.</div>
 </div>
 </div>
</div>

Mana bungina baguba, Parisi teladi digabu lipu hanaunaunga tubatubainganam teladi diyunga Yerusalem dima rangua Yesu. Duxusunga ba, “Baruta lipuximdi dinaxu maung didali mugangaradi kuboludinga? Bungina dibo ba daxang, didamia rimadingdi maringina mana kubolua ba te!”
Yesu haxuya ba, “Baruta adali Urana hanaunaunganoa bu asu mana mugangaradi kuboludinga? Namua na Urana harua ba, ‘Uwa hawa mana baumtibumdi,’ xaung ‘Lipu gaxarea daharua diana na baudingtibudingdi bing dungdi mati.’ Ne ang ba, ang gaharua ba maring nabu lipu tela bala baungtibundi ba, ‘Ngausinga, sanga ba ngahauliang te. Namua na ngahau haruangua ba ngaulia Urana axadi sanga ba ngahauliang manadi.’ Bila balau, aharua ba heku mana duwa hawa mana baudingtibudingdi. Baing ina naga, aunia Urana Xuanoa saing ata kuboluima ba xap yabanoa. Ang lipu manang luwamdi! Ang ba waleu sibuna Aisaya harua maxung sibuna mang bungina bung Urana haruanganoa mari bila li:

“ ‘Bakbakka baguli diti yagua suxungudingia ing ganina,
ne hatumingadingdi duwa hasoya manga.
Disabu manga olang,
namua na tubatubaingadingdi dima rangua lipudi ing ganina.’  ”

Tauna, Yesu wagi lipudi dima rangua saing harua ba, “Alungu saing ahatumia xai to. Baraxinta luxu lipua suxungunia sanga ba libu ina musuna Urana maxania te. Ne baraxinta sok sangua lipua suxungunoa libu ina musuna.”
Baing lipudi dinaxu mana dima rangua saing duxusunga ba, “Bola uxabia ba Parisidi dilungu haruangama saing gamodingdi didoa mana?”
Haxuya ba, “Parisidi ba bila xauyangadi Tibugu wa long xaiya xumadi te, saing bagula xup ding longgalo. Asauyadi. Ding bila lipu maxa haxatiandi dimuga mana lipu maxa haxatiandi, daxaidi mala. Nabu lipu maxa haxatiang tela xai lipu maxa haxatiana mala, bing bagula dingtang xauna xungdi mari banggumia.”
Pita harua ba, “Ubaxanga haruanga babunoa namuxina nam.”
Xusungadi ba, “Baruta? Hatumingaimdi dimaring teguyu? Axadi axangdi diluxu suxunguimia, didali gamoimdi, saking diri mala tinrungia. Ne haruanga sok hatumingaimia ma. Axa ba libuang musuim. Namua na axamandi disok sangua lipu hatumingania bing: hatum doa, ung lipua mati, kinu rangua gaxarea yau teguyu, libu kubolu miaxuam, hanai, langua xaung hanggalangia lipu tela yanoa. Axadi bagudi li dilibuang musuim. Ne bungina axang xaung rimaim damianga teguamdi, axa ba sanga ba libuang musuim Urana maxania te.”


Tauna, Yesu sauya titia Galili saing ila titia long sabangga Taya xaung Saidon tang duwa mana ba. Haing Kenanggam tela (ina Yuda Teguam), wa mana titia ba ma rangua, wagi ba, “Toxoratamona, Xaitamoxi Debit Garanoa ba, usinga nga! Nanuhangigua xap salak sabanga mana xaungua wa mana.”
Ne Yesu haxuya haruanga tela na te. Baing lipuxindi dinaxu mana dima rangua dibala ba, “Usoxi mala, namua na tautiti kira, ma kimuya makira xabaxaba haringina buk.”
Harua na haingga ba, “Urana soxi nga ma bu ngahauli Isreldi ding ganiding. Ding bila sipsipdi dahanggalang.”
Hainga ma saing gung king tuxundi maxania, xusunga muli ba, “Toxoratamona, uhauli nga!”
Haxuya ba, “Garagudi daxang muga to, namua na maring te mana ngaxap garadi angiadingdi saing ngatingdi mala na komadi.”
Harua ba, “Toxoratamona, maxung sibuna. Ne axamang tela xauna maxunau, komadi daxang anginga xuxundi diri saxumingia bungina moxodingdi daxang kabukabia!”
Baing Yesu haxuya ba, “Haing, hatumingam haringina tubu! Xusungangama ngalibu baing.” Baing hata sibuna li nanuhanginoa sok xai dup.

Yesu goxoya mala Lang Gamolingana Galili, haxa rubinia. Baing haing mana xaxagang tela saing rung mari. Buranga sabangadi dima rangua, daxap lipu kidingdi dahamati, lipu maxa haxatiandi, lipu kidingdi didoa, lipu mumgutingamdi, xaung xumana muli ma. Dahakinudi mari Yesu maxania, saing hamaringia ding longgalo. Buranga dihixi mana! Lipu gaxarea mumgutingamdi daharua, lipu gaxarea kidingdi didoa disok xai, lipu gaxarea kidingdi dahamati dahaxa, saing lipu gaxarea maxa haxatiandi dibagu muli! Baing diti Urana Isreliam yanoa.


Yesu wagi lipuxindi dinaxu mana dima rangua saing harua ba, “Gamogua usinga lipuadi li. Duwa rangua nga xaidap tuwa, saing anginga disup. Gesagiding ba. Hauxagu ba ngasoxidi mala bila ba, nam dimakmatia daxangia.”
Lipuxindi dinaxu mana dahaxuya ba, “Ne maluxu mana long xoliana li, bagula kira taxap anginga bi bu tahaxang buranga sabanga bila li?”
Yesu xusungadi ba, “Ang salangaimdi baru?”
Dahaxuya ba, “7 xaung song kaxukang teladi, xumana buk te.”
Baing bala burangua ba dirung titia. Baing xap salanga 7 xaung songdi, harua xai sibuna na Urana manadi, saing utu sahadi. Sinadi na lipudi dinaxu mana, saing dituxu sinak na lipudi. Ding longgalo daxang sanga ba. Kimuya, lipudi dinaxu mana digugunia hataindi duwauyu, digam daba 7 dibaxagi. Mana lipu longgalo daxang, lupdi titingadinga bila 4,000. Dititi haing garadi te. Yesu harua xai sibuna saing buranga dahatibaxaya, saking haing wagia saing luki mala titia Magadan.

Geere nke a ntị Matyu 15