If you have would like a copy of this version please contact info@davarpartners.com

The Dagbani Bible

<div class="version vid2264 iso6393dag" data-vid="2264" data-iso6393="dag">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s1">B&#603; d&#596;&#611;i Yisahaku</div><div class="p"> 1Ka Yaw&#603; daa ka Zara sanna nti ni&#331; o kaman o ni daa pun lo o alikauli y&#603;li ni o ni ni&#331; o sh&#603;m la. 2#Hib 11.11 Ka Zara daa ni&#331; pua n-d&#596;&#611;i bidibiga ti Ibrahimma o ninkurilim ni, saha sh&#603;li Naawuni ni daa pun y&#603;l&#8217; o la. 3Ka Ibrahimma daa bol&#8217; o bi&#8217; so Zara ni d&#596;&#611;i ti o maa yuli Yisahaku. 4#Pil 17.12; Tuma 7.8 O bia Yisahaku maa daba anii dali ka &#331;un&#8217; Ibrahimma daa gun&#8217; o kaman Naawuni ni daa zal&#8217; o sh&#603;m. 5Ibrahimma yuma daa ny&#603;la yuun&#8217; k&#596;biga saha sh&#603;li b&#603; ni daa d&#596;&#611;&#8217; o bia Yisahaku maa. 6Ka Zara daa y&#603;li, &#8220;Naawuni bo lari ti ma, ka &#331;unkam zaa wum di y&#603;la ni la n-s&#596;&#331; ma.&#8221; 7Zara daa lan y&#603;li, &#8220;&#330;uni n-daa naan y&#603;li Ibrahimma ni bihi ni ti m&#596;&#611;i man&#8217; Zara biha. Amaa m bahi d&#596;&#611;i bia ti o, o ninkurilim &#331;&#596; ni.&#8221;</div><div class="p"> 8Ka bia maa daa ti zooi, ka b&#603; &#331;maag&#8217; o bihili, ka Ibrahimma daa puhi chu&#611;u dahin&#8217; sh&#603;li Yisahaku ni daa &#331;maai bihili maa.</div><div class="s1">B&#603; kari Haga mini Ishimail</div><div class="p"> 9Amaa ka Zara daa ti nya ka Haga &#331;un daa ny&#603; Ijipti pa&#611;&#8217; la ni daa d&#596;&#611;i bi&#8217; so ti Ibrahimma la min&#8217; o bia Yisahaku di&#603;mda. 10#Gal 4.29-30 Ka Zara daa y&#603;li Ibrahimma, &#8220;Karim&#8217; dab&#8217; pa&#611;&#8217; &#331;&#596; min&#8217; o bia &#331;&#596;, dama dab&#8217; pa&#611;&#8217; maa bia maa mini m bia Yisahaku ku la&#611;im di fali.&#8221; 11Ka di daa bi ni&#331; Ibrahimma nya&#611;isim, dama o gba daa ny&#603;la o bia. 12#Rom 9.7; Hib 11.18 Amaa ka Naawuni daa y&#603;li Ibrahimma, &#8220;Di ch&#603; ka a bia maa min&#8217; a dab&#8217; pa&#611;&#8217; maa y&#603;la mu&#611;is&#8217; a. Zara ni kul y&#603;l&#8217; a ni a ni&#331;m&#8217; sh&#603;likam zaa, nyin&#8217; ni&#331;m&#8217; o ni y&#603;l&#8217; a sh&#603;m maa, dama Yisahaku zu&#611;u ka a zuliya y&#603;n y&#603;ligi.&#8221; 13Ka n ni ch&#603; ka dab&#8217; pa&#611;&#8217; bia maa gba nam zuliya, dama o gba ny&#603;la a zuliya.</div><div class="p"> 14Ka Ibrahimma daa ti da&#331; yibu asibaasi m-bo bindirigu, ka ni&#331; kom ni&#331; kom koligu ni n-za&#331; li nya&#611;ili Haga, ka za&#331; bia maa pah&#8217; o n-ch&#603; ka o cha&#331;. Ka Haga daa cha&#331; ti be B&#603;rishiiba y&#596;&#611;u ni dari ginda. 15Kom koligu maa ni kom ni daa ti naai, ka o za&#331; bia maa ti s&#596;&#331; tutu&#611;u gbini, 16ka ka&#611;&#8217; yi kpa&#331;&#8217; ha kaman nir&#8217; ni ni tooi to pi&#603;m ka di cha&#331; ti lu lu&#611;&#8217; sh&#603;li tariga ti &#658;ini, ka y&#603;li, &#8220;N je ni n nini nya bia &#331;&#596; bahibu.&#8221; O ni daa ka&#611;&#8217; yi kpa&#331;a nti &#658;iya ka ch&#603; o maa, ka duh&#8217; o yee kuhi.</div><div class="p"> 17Ka Naawuni daa wum bia maa kuhigu maa; ka Naawuni malaika daa be alizanda ni ka boli Haga m-b&#596;h&#8217; o, &#8220;Haga, b&#596; n-lee mu&#611;is&#8217; a? Di ch&#603; ka dabi&#603;m mal&#8217; a, dama Naawuni wum bia maa kuhigu o ni be lu&#611;&#8217; sh&#603;li maa. 18Yi&#611;isim&#8217; kpu&#611;i bia maa n-gbib&#8217; o a nuu ni vi&#603;ny&#603;li&#331;ga, dama n ni ch&#603; ka o zuliya ti galisi pam.&#8221; 19Di saha maa ka Naawuni daa ch&#603; ka o nina neei, ka o nya ka k&#596;biliga doya, ka o daa cha&#331; di ni nti tooi kom pal&#8217; o kom koligu maa na nti booi li ti bia maa ka o nyu. 20Ka Naawuni daa be bia maa sani hal ka o mali ti zooi. O daa bela m&#596;&#611;u ni n-daa ti leei t&#596;ha &#331;un mi pi&#603;m t&#596;bu vi&#603;ny&#603;li&#331;ga. 21O daa bela Paran m&#596;&#611;u ni, ka o ma daa ti bo Ijipti pa&#611;&#8217; ti o.</div><div class="s1">Ibrahimma mini Abimil&#603;k lo tab&#8217; alikauli</div><div class="p"> 22 # 
 Pil 26.26
 Di saha maa ka Abimil&#603;k min&#8217; o sapashin&#8217; kp&#603;m&#8217; Fikol daa y&#603;li Ibrahimma, &#8220;Naawuni be a sani a ni ni&#331;di sh&#603;likam ni. 23Dinzu&#611;u pump&#596;&#331;&#596;, pom&#8217; Naawuni kpe ni a ku y&#596;him m mini m bihi ni n zuliya; amaa n ni &#658;e a yim sh&#603;m, a gba zanimi m mini ti&#331;gb&#596;n sh&#603;l&#8217; ni a ni kana ti beni &#331;&#596; yim.&#8221;</div><div class="p"> 24Ka Ibrahimma y&#603;l&#8217; o, &#8220;N ni po p&#596;ri maa.&#8221;</div><div class="p"> 25Di saha ka Ibrahimma daa y&#603;li Abimil&#603;k o tumtumdiba ni daa fa &#331;un&#8217; Ibrahimma k&#596;bil&#8217; sh&#603;l&#8217; la y&#603;la. 26Ka Abimil&#603;k y&#603;l&#8217; o, &#8220;M bi mi &#331;un daa ni&#331; lala maa, ka a mi daa bi y&#603;li ma, ka n gba mi na bi wum di y&#603;la shee zu&#331;&#596; ka n ti wum li maa.&#8221; 27Ka Ibrahimma daa za&#331; pi&#603;ri mini ni&#611;i ti Abimil&#603;k, ka b&#603; niriba ayi maa daa lo tab&#8217; alikauli. 28Ka Ibrahimma daa wolig&#8217; o pi&#603;sah&#8217; ayop&#596;in zali b&#603; ko. 29Ka Abimil&#603;k b&#596;hi Ibrahimma, &#8220;A ni woligi pi&#603;sah&#8217; ayop&#596;in sh&#603;b&#8217; zali b&#603; ko maa mi gbinni lee ny&#603;la wula?&#8221;</div><div class="p"> 30Ka Ibrahimma y&#603;l&#8217; o, &#8220;Deem&#8217; pi&#603;sah&#8217; ayop&#596;in &#331;&#596; n nuu ni, ka di wuhi ni a di ma sh&#603;hira ni mani n-daa gbi k&#596;biliga &#331;&#596;.&#8221; 31Dinzu&#611;u ka b&#603; daa boli nimaani yuli B&#603;rishiiba;#21.31 B&#400;RISHIIBA: Hiburuli ni di gbinni ny&#603;la &#8220;P&#596;ri k&#596;biliga&#8221;. dama nimaani ka b&#603; niriba ayi maa zaa daa la&#611;im po p&#596;ri.</div><div class="p"> 32Lala ka b&#603; daa lo tab&#8217; alikauli B&#603;rishiiba. Di nyaa&#331;a ka Abimil&#603;k min&#8217; o sapashin&#8217; kp&#603;m&#8217; Fikol daa lab&#8217; kuli Filistia ti&#331;gb&#596;&#331; ni. 33Di saha ka Ibrahimma daa biri ti&#8217; sh&#603;li b&#603; ni booni tamarisik tia la B&#603;rishiiba, ka j&#603;m Yaw&#603; &#331;un ny&#603; saha din ka bahigu Naawuni &#331;&#596; nimaani. 34Ka Ibrahimma daa &#658;ini Filistianim&#8217; ti&#331;gb&#596;&#331; maa ni n-ny&#603; sana n-yuui pam.</div>
 </div>
 </div>
</div>

Dagbani Bible with Deuterocanonical Books © Bible Society of Ghana, 2011.

Ka Yawɛ daa ka Zara sanna nti niŋ o kaman o ni daa pun lo o alikauli yɛli ni o ni niŋ o shɛm la. Ka Zara daa niŋ pua n-dɔɣi bidibiga ti Ibrahimma o ninkurilim ni, saha shɛli Naawuni ni daa pun yɛl’ o la. Ka Ibrahimma daa bol’ o bi’ so Zara ni dɔɣi ti o maa yuli Yisahaku. O bia Yisahaku maa daba anii dali ka ŋun’ Ibrahimma daa gun’ o kaman Naawuni ni daa zal’ o shɛm. Ibrahimma yuma daa nyɛla yuun’ kɔbiga saha shɛli bɛ ni daa dɔɣ’ o bia Yisahaku maa. Ka Zara daa yɛli, “Naawuni bo lari ti ma, ka ŋunkam zaa wum di yɛla ni la n-sɔŋ ma.” Zara daa lan yɛli, “Ŋuni n-daa naan yɛli Ibrahimma ni bihi ni ti mɔɣi man’ Zara biha. Amaa m bahi dɔɣi bia ti o, o ninkurilim ŋɔ ni.”
Ka bia maa daa ti zooi, ka bɛ ŋmaag’ o bihili, ka Ibrahimma daa puhi chuɣu dahin’ shɛli Yisahaku ni daa ŋmaai bihili maa.

Amaa ka Zara daa ti nya ka Haga ŋun daa nyɛ Ijipti paɣ’ la ni daa dɔɣi bi’ so ti Ibrahimma la min’ o bia Yisahaku diɛmda. Ka Zara daa yɛli Ibrahimma, “Karim’ dab’ paɣ’ ŋɔ min’ o bia ŋɔ, dama dab’ paɣ’ maa bia maa mini m bia Yisahaku ku laɣim di fali.” Ka di daa bi niŋ Ibrahimma nyaɣisim, dama o gba daa nyɛla o bia. Amaa ka Naawuni daa yɛli Ibrahimma, “Di chɛ ka a bia maa min’ a dab’ paɣ’ maa yɛla muɣis’ a. Zara ni kul yɛl’ a ni a niŋm’ shɛlikam zaa, nyin’ niŋm’ o ni yɛl’ a shɛm maa, dama Yisahaku zuɣu ka a zuliya yɛn yɛligi.” Ka n ni chɛ ka dab’ paɣ’ bia maa gba nam zuliya, dama o gba nyɛla a zuliya.
Ka Ibrahimma daa ti daŋ yibu asibaasi m-bo bindirigu, ka niŋ kom niŋ kom koligu ni n-zaŋ li nyaɣili Haga, ka zaŋ bia maa pah’ o n-chɛ ka o chaŋ. Ka Haga daa chaŋ ti be Bɛrishiiba yɔɣu ni dari ginda. Kom koligu maa ni kom ni daa ti naai, ka o zaŋ bia maa ti sɔŋ tutuɣu gbini, ka kaɣ’ yi kpaŋ’ ha kaman nir’ ni ni tooi to piɛm ka di chaŋ ti lu luɣ’ shɛli tariga ti ʒini, ka yɛli, “N je ni n nini nya bia ŋɔ bahibu.” O ni daa kaɣ’ yi kpaŋa nti ʒiya ka chɛ o maa, ka duh’ o yee kuhi.
Ka Naawuni daa wum bia maa kuhigu maa; ka Naawuni malaika daa be alizanda ni ka boli Haga m-bɔh’ o, “Haga, bɔ n-lee muɣis’ a? Di chɛ ka dabiɛm mal’ a, dama Naawuni wum bia maa kuhigu o ni be luɣ’ shɛli maa. Yiɣisim’ kpuɣi bia maa n-gbib’ o a nuu ni viɛnyɛliŋga, dama n ni chɛ ka o zuliya ti galisi pam.” Di saha maa ka Naawuni daa chɛ ka o nina neei, ka o nya ka kɔbiliga doya, ka o daa chaŋ di ni nti tooi kom pal’ o kom koligu maa na nti booi li ti bia maa ka o nyu. Ka Naawuni daa be bia maa sani hal ka o mali ti zooi. O daa bela mɔɣu ni n-daa ti leei tɔha ŋun mi piɛm tɔbu viɛnyɛliŋga. O daa bela Paran mɔɣu ni, ka o ma daa ti bo Ijipti paɣ’ ti o.

Di saha maa ka Abimilɛk min’ o sapashin’ kpɛm’ Fikol daa yɛli Ibrahimma, “Naawuni be a sani a ni niŋdi shɛlikam ni. Dinzuɣu pumpɔŋɔ, pom’ Naawuni kpe ni a ku yɔhim m mini m bihi ni n zuliya; amaa n ni ʒe a yim shɛm, a gba zanimi m mini tiŋgbɔn shɛl’ ni a ni kana ti beni ŋɔ yim.”
Ka Ibrahimma yɛl’ o, “N ni po pɔri maa.”
Di saha ka Ibrahimma daa yɛli Abimilɛk o tumtumdiba ni daa fa ŋun’ Ibrahimma kɔbil’ shɛl’ la yɛla. Ka Abimilɛk yɛl’ o, “M bi mi ŋun daa niŋ lala maa, ka a mi daa bi yɛli ma, ka n gba mi na bi wum di yɛla shee zuŋɔ ka n ti wum li maa.” Ka Ibrahimma daa zaŋ piɛri mini niɣi ti Abimilɛk, ka bɛ niriba ayi maa daa lo tab’ alikauli. Ka Ibrahimma daa wolig’ o piɛsah’ ayopɔin zali bɛ ko. Ka Abimilɛk bɔhi Ibrahimma, “A ni woligi piɛsah’ ayopɔin shɛb’ zali bɛ ko maa mi gbinni lee nyɛla wula?”
Ka Ibrahimma yɛl’ o, “Deem’ piɛsah’ ayopɔin ŋɔ n nuu ni, ka di wuhi ni a di ma shɛhira ni mani n-daa gbi kɔbiliga ŋɔ.” Dinzuɣu ka bɛ daa boli nimaani yuli Bɛrishiiba; dama nimaani ka bɛ niriba ayi maa zaa daa laɣim po pɔri.
Lala ka bɛ daa lo tab’ alikauli Bɛrishiiba. Di nyaaŋa ka Abimilɛk min’ o sapashin’ kpɛm’ Fikol daa lab’ kuli Filistia tiŋgbɔŋ ni. Di saha ka Ibrahimma daa biri ti’ shɛli bɛ ni booni tamarisik tia la Bɛrishiiba, ka jɛm Yawɛ ŋun nyɛ saha din ka bahigu Naawuni ŋɔ nimaani. Ka Ibrahimma daa ʒini Filistianim’ tiŋgbɔŋ maa ni n-nyɛ sana n-yuui pam.

Geere nke a ntị Piligu 21