Giryama - 2004 Edition (Drama NT)

<div class="version vid2207 iso6393nyf" data-vid="2207" data-iso6393="nyf">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Jesu anahoza mukongo wa mahana</div><div class="r"> Mariko 1:40-45; Luka 5:12-16</div><div class="p"> 1Vikara Jesu arihokala adzagonya kufundisha, watharamuka kula ho dzulu murimani, na go makundi ga at'u gakikwatya kumuthuwa. 2Bai lola hachambola mut'u mumwenga ariyekala ana mahana, akidzapiga mavindi ho mbere za Jesu akiamba, &#8220;Bwana, ukihendza unadima ukanihoza!&#8221;#8:2 Haha ro neno renye ra Kiyunani rinaamba, &#8216;kunitsusa.&#8217; Enye mahana were manahalirwa kukala ni achafu, kulengana na sheria za Kiyahudi. 3Jesu akigoloza mukono akimugut'a akimwamba, &#8220;Ninahendza, hola.&#8221; Na haho na haho kare, ye mut'u akihola. 4#Alaw 14:2-32; Math' 12:16; Mar 7:36; Luk 17:14Bai Jesu akimwamba, &#8220;Vivi be usizhambire mut'u bule, ela enda ukamwanyese mulombi, gonya umboze sadaka ya ko kuholako, iryahu ariyolagiza Musa, ili kila mut'u amanye kukala udzahola jeri.&#8221;</div><div class="s">Jesu anamuhoza muhumiki wa mubomu wa jeshi</div><div class="r"> Luka 7:1-10; Johana 4:43-54</div><div class="p"> 5Vikara, Jesu arihokala anangira mudzini Kaperinaumu, mubomu mumwenga wa jeshi ra Kirumi wamwendera, akimuvoya akimwamba, 6&#8220;Bwana, muhumiki wangu ni mukongo sana. Vilungozhe zhaholoza na analumwa k'azhadimikika.&#8221; 7Jesu akimudzigidzya akimwamba, &#8220;Nidzasikira, nadza nimuhoze.&#8221; 8Ye mubomu wa shikari akimwamba Jesu, &#8220;Bwana, mimi siv&#817;irya kukala udze wangire nyumbani mwangu, ela nena neno thu, na muhumiki wangu andahola. 9Kwani mimi nami ni ts'ini za abomu angu, kidza nina shikari mario ts'ini zangu. Nikimwamba mumwenga, &#8216;Enda hat'u hasiku,&#8217; anenda. Na yoyosi nindiyemwamba &#8216;Ndzo,&#8217; anadza. Nikimwamba muhumiki wangu &#8216;Henda ut'u usiku&#8217; anauhenda.&#8221; 10Jesu arihomusikira wangalala, gonya akinena na o at'u mariokala manamuthuwa akiamba, &#8220;Ninamwambira ujeri, sidzangwe kuona mut'u mwenye kuluhiro dza riri hatha kahi za ts'i ya Iziraeli. 11#Isa 25:6Nami namwambira kukala, at'u anji mandambola mwambolero wa dzuwa, na mutserero wa dzuwa, madze makelesi hamwenga na Burahemu, na Isaka, na Jakobu chakuryani kahi za uthawali wa mulunguni. 12#13:42, 50; 22:13; 24:51; 25:30Ela o mariotengezerwa wo uthawali enye, mandatsufwa ko ndze kizani, na kuko kundakala na kurira na kwafuna meno.&#8221; 13#9:22, 29; 15:28Arihogonya kunena viryahu, Jesu wamugalukira ye mubomu wa shikari akimwamba, &#8220;Enda, navikale here udzizhokuluhira.&#8221; Na wakathi uwo wenye ye muhumikiwe akihola.</div><div class="s">Jesu anahoza at'u anji</div><div class="r"> Mariko 1:29-34; Luka 4:38-41</div><div class="p"> 14 # 
 1 Akor 9:5
 Jesu arihombola haho, wakwenda hatha nyumbani kwa P'et'ero, achendamuthekeza mutsedza wa P'et'ero wa kiche a kitandani, ana homa. 15Bai, Jesu wamugut'a wo mukono, na haho henye ro homa rikimuricha, hatha akiuka akimuhikirahikira. 16K'uzhona dzulo riro, Jesu akireherwa at'u anji mariokala mana p'ep'o. O p'ep'o akiachemera makimbola, na akihoza akongo osi. 17#Isa 53:4Bai gaga gahendeka, ili garyahu maneno garigonenwa ni nabii Isaya gathimire. Kwani Isaya waamba, &#8220;Wagahala manyonge gehu, na akigahoza makongo gehu.&#8221;</div><div class="s">Garama za kumuthuwa Jesu</div><div class="r"> Luka 9:57-62</div><div class="p"> 18Jesu arihoona ro kundi ra at'u mariokala madzamudengereka, akiaamurisha anafundzie kukala mavuke ro ziya mende nyangamo nyingine. 19Kabila k'amadzaandza kuvuka, mwalimu mumwenga wa Sheria akidzamwamba kukala, &#8220;Mwalimu, mimi nindakuthuwa kila undikokwenda.&#8221; 20#2 Akor 8:9Ela Jesu akimudzigidzya akimwamba, &#8220;Makala gana p'anga, na unyama una vitsunji zhao, ela Mwana wa Mudamu k'ana hat'u ha kuika mbavu.&#8221; 21#4:20, 22; 9:9; 19:21; Mar 1:18, 20; 2:14; 10:21; Luk 5:11, 28; 18:22; Joh 1:43; 21:19, 22Kumbola iye, mwanafundzi mungine akiamba, &#8220;Bwana, niricha nikamuzike baba kwandza be nidze nikuthuwe.&#8221; 22Ela Jesu akimudzigidzya akimwamba, &#8220;Nithuwa. Ariche at'u mariofwa mazike nyufu zao.&#8221;</div><div class="s">Jesu anahuriza luv&#817;utho</div><div class="r"> Mariko 4:35-41; Luka 8:22-25</div><div class="p"> 23Bai arihogonya kunena, Jesu akingira dauni na anafundzie makimuthuwa. 24Marihofika kahikahi ya ro ziya, lola kukidza luv&#817;utho lukali, maimbi gakikala ganamala kuridzaza madzi ro dau. Vinakala vizho, Jesu ye tha were arere. 25Bai o anafundzi marihoona viryahu machendamulamusa Jesu makimwamba, &#8220;Huthizhe Bwana, hunahoha!&#8221; 26#Zabu 89:9; Math' 14:30-32Jesu akiamba, &#8220;H'enwi at'u a kuluhiro thithe mbona mu aoga.&#8221; Akirungarara akiluchemera lo luv&#817;utho na go maimbi, nazho hu vikihurira. 27Bai marihoona vizho, o anafundzi makingalala zhomu makiamba, &#8220;Ni mut'u ariyedze yuno! Hatha luv&#817;utho na maimbi kidza nazho vinamusikira!&#8221;</div><div class="s">Jesu anahoza at'u airi enye p'ep'o</div><div class="r"> Mariko 5:1-20; Luka 8:26-39</div><div class="p"> 28Jesu na anafundzie marihothima yo nyangamo nyingine, iriyo kahi za ts'i ya Agadari, wadhanwa ni anaalume airi mariokala na p'ep'o. At'u ao were makala makaburini, kidza were ni av&#817;ara hatha yo ngira ya kuko were k'aikirirwa kaheri kwa ao. 29#Mar 3:11; 1 Akor 15:24Bai marihomona Jesu anadza, lola makipiga k'ululu makimwamba, &#8220;Unani naswi h'ewe Mwana wa Mulungu? Hedu udzire uhutese kare, na wakathi k'audzafika?&#8221; 30Vikara ho kimberembere, kure nao vichache, were hanarisa ribadhi ra nguluwe. 31Bai, o p'ep'o makimuvoya Jesu makimwamba, &#8220;Kala undafwamboza, furiche fukaangire aryahu nguluwe.&#8221; 32Jesu akiadzigidzya, akiamba, &#8220;H'aya, endani.&#8221; Bai o p'ep'o makiambola o at'u na machendaangira o nguluwe. Lola ro badhi rosi ra nguluwe rikitharamuka malo kula ko ngokani, rikivoromoka mo ziyani, rikifwa.</div><div class="p"> 33Kuona vizho, o arisa makichimbira, machangira mumo mudzini, makisema gosi garigokala gadzahendeka kwa o at'u mariokala na p'ep'o. 34Na lola at'u osi kula ko midzini bagabaga makidzamulola Jesu. Bai marihomona makimuvoya kukala akulae kuko kwao.</div>
 </div>
 </div>
</div>

Vikara Jesu arihokala adzagonya kufundisha, watharamuka kula ho dzulu murimani, na go makundi ga at'u gakikwatya kumuthuwa. Bai lola hachambola mut'u mumwenga ariyekala ana mahana, akidzapiga mavindi ho mbere za Jesu akiamba, “Bwana, ukihendza unadima ukanihoza!” Jesu akigoloza mukono akimugut'a akimwamba, “Ninahendza, hola.” Na haho na haho kare, ye mut'u akihola. Bai Jesu akimwamba, “Vivi be usizhambire mut'u bule, ela enda ukamwanyese mulombi, gonya umboze sadaka ya ko kuholako, iryahu ariyolagiza Musa, ili kila mut'u amanye kukala udzahola jeri.”


Vikara, Jesu arihokala anangira mudzini Kaperinaumu, mubomu mumwenga wa jeshi ra Kirumi wamwendera, akimuvoya akimwamba, “Bwana, muhumiki wangu ni mukongo sana. Vilungozhe zhaholoza na analumwa k'azhadimikika.” Jesu akimudzigidzya akimwamba, “Nidzasikira, nadza nimuhoze.” Ye mubomu wa shikari akimwamba Jesu, “Bwana, mimi siv̱irya kukala udze wangire nyumbani mwangu, ela nena neno thu, na muhumiki wangu andahola. Kwani mimi nami ni ts'ini za abomu angu, kidza nina shikari mario ts'ini zangu. Nikimwamba mumwenga, ‘Enda hat'u hasiku,’ anenda. Na yoyosi nindiyemwamba ‘Ndzo,’ anadza. Nikimwamba muhumiki wangu ‘Henda ut'u usiku’ anauhenda.” Jesu arihomusikira wangalala, gonya akinena na o at'u mariokala manamuthuwa akiamba, “Ninamwambira ujeri, sidzangwe kuona mut'u mwenye kuluhiro dza riri hatha kahi za ts'i ya Iziraeli. Nami namwambira kukala, at'u anji mandambola mwambolero wa dzuwa, na mutserero wa dzuwa, madze makelesi hamwenga na Burahemu, na Isaka, na Jakobu chakuryani kahi za uthawali wa mulunguni. Ela o mariotengezerwa wo uthawali enye, mandatsufwa ko ndze kizani, na kuko kundakala na kurira na kwafuna meno.” Arihogonya kunena viryahu, Jesu wamugalukira ye mubomu wa shikari akimwamba, “Enda, navikale here udzizhokuluhira.” Na wakathi uwo wenye ye muhumikiwe akihola.


Jesu arihombola haho, wakwenda hatha nyumbani kwa P'et'ero, achendamuthekeza mutsedza wa P'et'ero wa kiche a kitandani, ana homa. Bai, Jesu wamugut'a wo mukono, na haho henye ro homa rikimuricha, hatha akiuka akimuhikirahikira. K'uzhona dzulo riro, Jesu akireherwa at'u anji mariokala mana p'ep'o. O p'ep'o akiachemera makimbola, na akihoza akongo osi. Bai gaga gahendeka, ili garyahu maneno garigonenwa ni nabii Isaya gathimire. Kwani Isaya waamba, “Wagahala manyonge gehu, na akigahoza makongo gehu.”


Jesu arihoona ro kundi ra at'u mariokala madzamudengereka, akiaamurisha anafundzie kukala mavuke ro ziya mende nyangamo nyingine. Kabila k'amadzaandza kuvuka, mwalimu mumwenga wa Sheria akidzamwamba kukala, “Mwalimu, mimi nindakuthuwa kila undikokwenda.” Ela Jesu akimudzigidzya akimwamba, “Makala gana p'anga, na unyama una vitsunji zhao, ela Mwana wa Mudamu k'ana hat'u ha kuika mbavu.” Kumbola iye, mwanafundzi mungine akiamba, “Bwana, niricha nikamuzike baba kwandza be nidze nikuthuwe.” Ela Jesu akimudzigidzya akimwamba, “Nithuwa. Ariche at'u mariofwa mazike nyufu zao.”


Bai arihogonya kunena, Jesu akingira dauni na anafundzie makimuthuwa. Marihofika kahikahi ya ro ziya, lola kukidza luv̱utho lukali, maimbi gakikala ganamala kuridzaza madzi ro dau. Vinakala vizho, Jesu ye tha were arere. Bai o anafundzi marihoona viryahu machendamulamusa Jesu makimwamba, “Huthizhe Bwana, hunahoha!” Jesu akiamba, “H'enwi at'u a kuluhiro thithe mbona mu aoga.” Akirungarara akiluchemera lo luv̱utho na go maimbi, nazho hu vikihurira. Bai marihoona vizho, o anafundzi makingalala zhomu makiamba, “Ni mut'u ariyedze yuno! Hatha luv̱utho na maimbi kidza nazho vinamusikira!”


Jesu na anafundzie marihothima yo nyangamo nyingine, iriyo kahi za ts'i ya Agadari, wadhanwa ni anaalume airi mariokala na p'ep'o. At'u ao were makala makaburini, kidza were ni av̱ara hatha yo ngira ya kuko were k'aikirirwa kaheri kwa ao. Bai marihomona Jesu anadza, lola makipiga k'ululu makimwamba, “Unani naswi h'ewe Mwana wa Mulungu? Hedu udzire uhutese kare, na wakathi k'audzafika?” Vikara ho kimberembere, kure nao vichache, were hanarisa ribadhi ra nguluwe. Bai, o p'ep'o makimuvoya Jesu makimwamba, “Kala undafwamboza, furiche fukaangire aryahu nguluwe.” Jesu akiadzigidzya, akiamba, “H'aya, endani.” Bai o p'ep'o makiambola o at'u na machendaangira o nguluwe. Lola ro badhi rosi ra nguluwe rikitharamuka malo kula ko ngokani, rikivoromoka mo ziyani, rikifwa.
Kuona vizho, o arisa makichimbira, machangira mumo mudzini, makisema gosi garigokala gadzahendeka kwa o at'u mariokala na p'ep'o. Na lola at'u osi kula ko midzini bagabaga makidzamulola Jesu. Bai marihomona makimuvoya kukala akulae kuko kwao.

Geere nke a ntị Math'ayo 8