<div class="version vid2190 iso6393hil" data-vid="2190" data-iso6393="hil">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s">Ang Kasugtanan sang Dios kay Noe</div><div class="p"> 1Ginbendisyunan#Gen. 1:28. sang Dios si Noe kag ang iya mga anak nga lalaki kag ginsingganan niya sila, &#8220;Magpamata kamo sing madamo agod ang inyo mga kaliwat maglapnag sa bug-os nga duta. 2Ang tanan nga mga sapat, mga pispis, kag mga isda, magakahadlok sa inyo. Kamo ang magagahom sa ila. 3Karon makakaon kamo sang tanan nga mga sapat kag subong man sang tanan nga mga tanom. Ginahatag ko ini tanan sa inyo nga inyo kalan-on. 4May#Lev. 7:26-27; 17:10-14; 19:26; Deut. 12:16, 23; 15:23. isa lamang ka butang nga indi ninyo pagkaunon. Ini amo ang karne nga may dugo pa, kay ang kabuhi yara sa dugo. 5Kon may magkuha sang kabuhi sang tawo, pagasilutan ko sia. Pagapatyon ko ang sapat nga magapatay sang tawo. 6Ang#Exo. 20:13; Gen. 1:26. bisan sin-o nga magpatay sang tawo pagapatyon man sang pareho niya nga tawo. Kay ang tawo ginhimo nga kaanggid sa Dios.</div><div class="p"> 7&#8220;Dapat#Gen. 1:28. kamo magbata sing madamo, agod ang inyo mga kaliwat magadamo kag magalapnag sa bug-os nga duta.&#8221;</div><div class="p"> 8Dayon ang Dios nagsiling kay Noe kag sa iya mga anak nga lalaki, 9&#8220;Karon magahimo ako sing kasugtanan sa inyo kag sa inyo mga kaliwat, 10kag sa tanan nga mga tinuga nga nagakabuhi&#8212;mga pispis, tanan nga mga sapat&#8212;ang tanan nga naggwa sa arka upod sa inyo. 11Sa sini nga mga pulong magahimo ako sing kasugtanan sa inyo: indi ko na gid liwat paglaglagon ang tanan nga nagakabuhi nga mga tinuga paagi sa anaw. Indi na gid mag-anaw liwat sa paglaglag sang duta. 12Subong tanda sang walay katapusan nga kasugtanan nga akon ginahimo upod sa inyo kag sa tanan nga mga tinuga nga nagakabuhi, 13ginabutang ko ang akon balangaw sa mga panganod. Ini mangintanda sang akon kasugtanan sa kalibutan. 14Kon magpadala ako sing panganod sa kahawaan, kag ang balangaw magapakita sa mga panganod, 15dumdomon ko ang akon saad sa inyo kag sa tanan nga mga sapat, nga wala na sing anaw nga magalaglag liwat sang tanan nga nagakabuhi nga mga tinuga. 16Kon ang balangaw magpakita sa mga panganod, makita ko ini kag dumdomon ko ang akon walay katubtoban nga kasugtanan sa tanan nga mga tinuga nga nagakabuhi sa duta.&#8221; 17Ang Dios nagsiling kay Noe, &#8220;Amo ini ang tanda sang akon saad sa tanan nga mga tinuga nga nagakabuhi sa duta.&#8221;</div><div class="s">Si Noe kag ang Iya mga Anak nga Lalaki</div><div class="p"> 18Ang mga anak ni Noe nga lalaki nga naggwa sa arka amo si Sem, si Ham, kag si Jafet. Si Ham amo ang amay ni Canaan. 19Ining tatlo ka mga anak ni Noe amo ang ginhalinan sang tanan nga mga tawo sa duta.</div><div class="p"> 20Si Noe isa ka mangungoma. Sia ang nahauna nga nagpatanom sing mga ubas. 21Sang makainom sia sang bino sang iya ubas, nahubog sia, nag-uba kag naghigda nga hublas sa iya tolda. 22Sang makita ni Ham nga amay ni Canaan nga ang iya amay hublas, naglakat sia kag ginsugiran ang duha niya ka mga utod. 23Dayon si Sem kag si Jafet nagkuha sing panapton kag gin-umbilay nila ini. Nagkadto sila sa tolda nga nagaisol kag gintabunan nila ang ila amay. Wala sila mag-atubang agod indi nila makita ang ila amay nga hublas. 24Sang naumpawan si Noe kag sang mahibal-an niya ang ginhimo sa iya sang iya kamanghuran nga anak, 25nagsiling sia:</div><div class="q1">&#8220;Ang pagpakamalaut mangin kay Canaan!</div><div class="q1">Mangin-ulipon sia sang iya mga utod.</div><div class="q1"> 26Dayawon ang Ginoo, ang Dios ni Sem!</div><div class="q1">Si Canaan mangin-ulipon ni Sem.</div><div class="q1"> 27Kabay nga ang Dios magpamuad kay Jafet!#9:27 JAFET: Ini nga ngalan pareho sang Hebreo nga pulong nga kon sayuron &#8220;muad&#8221;.</div><div class="q1">Kag kabay nga ang iya kaliwat magpuyo upod sa mga kaliwat ni Sem!</div><div class="q1">Si Canaan mangin-ulipon ni Jafet.&#8221;</div><div class="p"> 28Sa tapos ang anaw, si Noe nagkabuhi sing 350 pa ka tuig, 29kag sang nagaedad sia sing 950 ka tuig napatay sia.</div>
 </div>
 </div>
</div>

Maayong Balita nga Biblia © Philippine Bible Society, 2012

Ginbendisyunan sang Dios si Noe kag ang iya mga anak nga lalaki kag ginsingganan niya sila, “Magpamata kamo sing madamo agod ang inyo mga kaliwat maglapnag sa bug-os nga duta. Ang tanan nga mga sapat, mga pispis, kag mga isda, magakahadlok sa inyo. Kamo ang magagahom sa ila. Karon makakaon kamo sang tanan nga mga sapat kag subong man sang tanan nga mga tanom. Ginahatag ko ini tanan sa inyo nga inyo kalan-on. May isa lamang ka butang nga indi ninyo pagkaunon. Ini amo ang karne nga may dugo pa, kay ang kabuhi yara sa dugo. Kon may magkuha sang kabuhi sang tawo, pagasilutan ko sia. Pagapatyon ko ang sapat nga magapatay sang tawo. Ang bisan sin-o nga magpatay sang tawo pagapatyon man sang pareho niya nga tawo. Kay ang tawo ginhimo nga kaanggid sa Dios.
“Dapat kamo magbata sing madamo, agod ang inyo mga kaliwat magadamo kag magalapnag sa bug-os nga duta.”
Dayon ang Dios nagsiling kay Noe kag sa iya mga anak nga lalaki, “Karon magahimo ako sing kasugtanan sa inyo kag sa inyo mga kaliwat, kag sa tanan nga mga tinuga nga nagakabuhi—mga pispis, tanan nga mga sapat—ang tanan nga naggwa sa arka upod sa inyo. Sa sini nga mga pulong magahimo ako sing kasugtanan sa inyo: indi ko na gid liwat paglaglagon ang tanan nga nagakabuhi nga mga tinuga paagi sa anaw. Indi na gid mag-anaw liwat sa paglaglag sang duta. Subong tanda sang walay katapusan nga kasugtanan nga akon ginahimo upod sa inyo kag sa tanan nga mga tinuga nga nagakabuhi, ginabutang ko ang akon balangaw sa mga panganod. Ini mangintanda sang akon kasugtanan sa kalibutan. Kon magpadala ako sing panganod sa kahawaan, kag ang balangaw magapakita sa mga panganod, dumdomon ko ang akon saad sa inyo kag sa tanan nga mga sapat, nga wala na sing anaw nga magalaglag liwat sang tanan nga nagakabuhi nga mga tinuga. Kon ang balangaw magpakita sa mga panganod, makita ko ini kag dumdomon ko ang akon walay katubtoban nga kasugtanan sa tanan nga mga tinuga nga nagakabuhi sa duta.” Ang Dios nagsiling kay Noe, “Amo ini ang tanda sang akon saad sa tanan nga mga tinuga nga nagakabuhi sa duta.”

Ang mga anak ni Noe nga lalaki nga naggwa sa arka amo si Sem, si Ham, kag si Jafet. Si Ham amo ang amay ni Canaan. Ining tatlo ka mga anak ni Noe amo ang ginhalinan sang tanan nga mga tawo sa duta.
Si Noe isa ka mangungoma. Sia ang nahauna nga nagpatanom sing mga ubas. Sang makainom sia sang bino sang iya ubas, nahubog sia, nag-uba kag naghigda nga hublas sa iya tolda. Sang makita ni Ham nga amay ni Canaan nga ang iya amay hublas, naglakat sia kag ginsugiran ang duha niya ka mga utod. Dayon si Sem kag si Jafet nagkuha sing panapton kag gin-umbilay nila ini. Nagkadto sila sa tolda nga nagaisol kag gintabunan nila ang ila amay. Wala sila mag-atubang agod indi nila makita ang ila amay nga hublas. Sang naumpawan si Noe kag sang mahibal-an niya ang ginhimo sa iya sang iya kamanghuran nga anak, nagsiling sia:
“Ang pagpakamalaut mangin kay Canaan!
Mangin-ulipon sia sang iya mga utod.
Dayawon ang GINOO, ang Dios ni Sem!
Si Canaan mangin-ulipon ni Sem.
Kabay nga ang Dios magpamuad kay Jafet!
Kag kabay nga ang iya kaliwat magpuyo upod sa mga kaliwat ni Sem!
Si Canaan mangin-ulipon ni Jafet.”
Sa tapos ang anaw, si Noe nagkabuhi sing 350 pa ka tuig, kag sang nagaedad sia sing 950 ka tuig napatay sia.

Geere nke a ntị Genesis 9