 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

عِيسَى نَسْتِ يٜرِکٛ، سَالِ ندٜرْ بٜرْنِوٛلْ؞ ندَا، غٛطّٛ بِعٜتٜىٰطٛ جَکَيُسْ، مَوْطٛ جٛمْنٛوࢡٜ طٛنْ تٛنْ عٜ عٛ دِسْکُطٛ؞ عٛتٜڢِ يِعُغٛ مٛيْ وٛنِ عِيسَى، عَمَّا عٛوَاوَايْ نغَمْ دَلِيلَ مٛوࢡْرٜ، نغَمْ عٛ دَمُّطٛ؞ عٛدٛغِّ حَا يٜىٰسٛ، عٛوَعِّ دُندٜىٰحِ نغَمْ حَا عٛيِعَ مٛ، نغَمْ عِيسَى سَالٛتٛ تٛنْ؞ ندٜ عِيسَى يٛتِّ حَا نٛکُّورٜ مَنْ، عٛتِجِّ، عٛوِعِمٛ‏: «جَکَيُسْ، يَاوْطَ جِݠَّ، نغَمْ حَنْدٜ سٜيْ مِوٜىٰرَ حَا سَارٜ مَاطَ؞» جَکَيُسْ يَاوْطِ جِݠِّ، جَࢡِّمٛ بٜى سٜيٛ؞ ندٜ يِمْࢡٜ نغِعِ طُمْ، ࢡٜ ڢُو ࢡٜنغُرْنغُرْتِ، ࢡٜمبِعِ‏: «عٛدِلِّ وٜىٰرُغٛ حَا غٛطّٛ حَکّٜىٰجٛ؞» عَمَّا جَکَيُسْ دَرِ يٜىٰسٛ جَوْمِرَاوٛ، وِعِ‏: «جَوْمِرَاوٛ، مِحٛکَّنْ رٜىٰتَ جَوْدِ عَمْ حَا تَلَکَعٜنْ؞ تٛ وٛودِ مٛ مِحٛوسِنٛ طُمْ حُوندٜ بٜى ڢَاسِکَارٜ، مِلٛرْنَنَنْ مٛ طُمْ شٛوِ نَيِ؞» عِيسَى وِعِمٛ‏: «کِسْندَمْ نَسْتِ ندٜرْ سَارٜ ندٜعٜ حَنْدٜ، نغَمْ کَنغْکٛ بٛو عٛ ࢡِي إِبْرَاهِيمَ؞ نغَمْ ࢡِي-نٜطّٛ وَرِ طَࢡِّتِتْغٛ، حِسْنُغٛ کٛ مَجِّ؞»


يِمْࢡٜ طٛنْ نَنَ بٛلّٜ عِيسَى؞ ندٜ عٛطٛنْ ࢡَدِتٛ عُرُسَلِيمَ، عٛوٛلْوَنِ ࢡٜبَلْنْدٛلْ ڢٜىٰرٜ نغَمْ ࢡٜتَمِّ نٛ لَامُ اَللَّه وَرَنّٛ ندٜرْ وَکَّتِ مَنْ ندٜنْ؞ عٛوِعِ‏: «غٛطّٛ تٜدَّ-عَسْنغٛلْجٛ دِلِّ لٜسْدِ ندَايِيندِ نغَمْ عٛحٜࢡَنَ حٛورٜ مَاکٛ لَامُ، ندٜنْ عٛلٛرٛ؞ عٛعٜوْنِ سَݠّٛ ندٜرْ سُکَعٜنْ مَاکٛ، عٛحٛکِّ کٛو مٛيْ مَࢡّٜ سُلٜيْرٜ کَنغّٜىٰرِ طُوطَ-سَمَنْرٜ، عٛوِعِ ࢡٜ‏: مبَطٜ ڢِلُ بٜى مَاجٜ حَا تٛ مِوَرْتِ؞ عَمَّا يِمْࢡٜ لٜسْدِ مَاکٛ نغَࢩِمٛ، ࢡٜنٜلِ نٜلَاࢡٜ ࢡَاوٛ مَاکٛ نغَمْ ࢡٜمبِعَ‏: مِنْ نغِطَا غٛرْکٛ عٛو لَامَنٛ مِنْ؞
«ندٜ ࢡٜلَامِنِمٛ، عٛوَرْتِ لٜسْدِ مَاکٛ، عٛعٜوْنِ سُکَعٜنْ ࢡٜ عٛ حٛکُّنٛ شٜىٰدٜ غٛ نغَمْ عَنْدُغٛ رِبَ کَ کٛو مٛيْ مَࢡّٜ حٜࢡِ؞ عَرَنٛ وَرِ، وِعِ‏: جَاغٛرْطٛ، سُلٜيْرٜ مَاطَ وَدِّ سُلٜيْجٜ غٛطّٜ سَݠّٛ؞ جَاغٛرْطٛ وِعِمٛ‏: بٛوطُّمْ، عَ سُکَ بٛوطّٛ‏! عَحُووِ کُوغَلْ ݠَمَرَلْ بٜى حٛولَارٜ، نغَمْ مَاجُمْ لَامَنَ بٜرْنِيجِ سَݠّٛ‏! طِطَࢡٛ وَرِ، وِعِ‏: جَاغٛرْطٛ، سُلٜيْرٜ مَاطَ وَدِّ سُلٜيْجٜ غٛطّٜ جٛوِ؞ عٛوِعِمٛ‏: عَنْ بٛو لَامَنَ بٜرْنِيجِ جٛوِ‏! غٛطّٛ بٛو وَرِ، وِعِ‏: جَاغٛرْطٛ، ندَا سُلٜيْرٜ مَاطَ، مِسِغِ ندٜ ندٜرْ لٜݠّٛلْ، نغَمْ مِحُلِ مَ، نغَمْ عَ غٛطّٛ شَاتُطٛ، عَحٛوسَنْ کٛ عَجٛعِّنَايْ، عَسٛدَنْ کٛ عَعَاوَايْ؞ جَاغٛرْطٛ وِعِمٛ‏: مِحِيتٜتٜ دٛوْ بٛلّٜ مَ، سُکَ کَلُّطٛ‏! عَعَنْدِ مِنْ مِ غٛطّٛ شَاتُطٛ، مِحٛوسَنْ کٛ مِجٛعِّنَايْ، مِسٛدَنْ کٛ مِعَاوَايْ؞ نغَمْ طُمٜ عَجٛعِّنَايْ شٜىٰدٜ عَمْ حَا سِغٛرْدُ شٜىٰدٜ، تٛ مِوَرْتِ مِحٜࢡْتَنّٛ طٜ بٜى رِبَ؟ عٛوٛلْوَنِ وٛنْࢡٜ تٛنْ‏: نجَࢡْتٜ مٛ سُلٜيْرٜ مَنْ، ندٛکّٜ ندٜ مَرْطٛ سُلٜيْجٜ سَݠّٛ غٛ‏! ‏[‏ ࢡٜمبِعِمٛ‏: جَاغٛرْطٛ، عٛوٛودِ سُلٜيْجٜ سَݠّٛ تِمِّ؞]‏ مِطٛنْ وِعَ عٛنْ، نغَمْ مَرْطٛ حُوندٜ، ࢡٜࢡٜسْدَنَنْ مٛ، عَمَّا مٛ وَلَا کٛو طُمٜ، ࢡٜکٛوشَنْ کٛو ݠٜىٰتُمْ مَاکٛ؞ کٛنّٜعٜنْ عَمْ ࢡٜعٜ، ࢡٜنغِطَانٛ مِلَامٛ دٛوْ مَࢡّٜ غٛ، نغَدّٜ ࢡٜ، مبَرٜ ࢡٜ يٜىٰسٛ عَمْ‏!»


ࢡَاوٛ بٛلّٜ طٜعٜ، عِيسَى عَرْدِ يِمْࢡٜ، دِلِّ عُرُسَلِيمَ؞ ندٜ عٛࢡَدَکٜ بَيْتِڢَاجِ عٜ بَيْتَنِيَ، کٛمْبِ حٛوسٜىٰرٜ وِعٜتٜىٰندٜ حٛوسٜىٰرٜ جَيْتُنْجٜ، عِيسَى نٜلِ ݠُکَرَعٜنْ مُوطُمْ طِطٛ، وِعِ ࢡٜ‏: «نجٜحٜ حَا وُرٛ يٜىٰسٛ تٛو؞ تٛ عٛنْ نَسْتِ نغٛ، عٛنْ تَوَنْ وَمْندٜ مٛلْدٜ حَࢡَّاندٜ، ندٜ غٛطّٛ مٜىٰطَايْ وَعَّاغٛ؞ ݠِيسْتٜ ندٜ، نغَدَّنٜىٰطَمْ؞ تٛ غٛطّٛ ࢨَمِ عٛنْ کٛنِ ݠِيسْتٛتٛنْ ندٜ؟ نجَابٜ مٛ‏: جَوْمِرَاوٛ وٛودِ حَاجٜ مَارٜ؞» نٜلَاࢡٜ نجٜحِ، تَوِ کُوجٜ مَنْ ڢُو بَنَ عِيسَى وِعْنٛ ࢡٜ؞ ندٜ ࢡٜطٛنْ ݠِيسْتَ وَمْندٜ، جَوْمِيرٜ وِعِ ࢡٜ‏: «نغَمْ طُمٜ ݠِيسْتٛتٛنْ وَمْندٜ؟» ࢡٜنجَابِ‏: «جَوْمِرَاوٛ وٛودِ حَاجٜ مَارٜ؞» ࢡٜنغَدِّ وَمْندٜ غٛ حَا عِيسَى، ࢡٜ شَࢡِّ لِمْشٜ مَࢡّٜ دٛوْ مَارٜ، ࢡٜمبَعِّنِ عِيسَى؞ ندٜ عٛڢُطِّ يَحُغٛ، يِمْࢡٜ مبٜعِّتِ لِمْشٜ مُوطُمْعٜنْ دٛوْ لَاوٛلْ؞ ندٜ عٛطٛنْ ࢡَدِتٛ عُرُسَلِيمَ حٜىٰدِ دِيرْتٛرْدٜ حٛوسٜىٰرٜ جَيْتُنْجٜ، مٛوࢡْغَلْ ݠُکَرَعٜنْ ڢُو شٜيِ، ࢡٜݠُطِّ مَنغْتُغٛ اَللَّه بٜى سَوْتُ، نغَمْ کَايٜىٰڢِيجِ طِ ࢡٜنغِعِ ڢُو؞ ࢡٜمبِعِ‏: «بَرْکَ لَاتَنٛ لَامِيطٛ غَرَنْطٛ بٜى عِنْدٜ جَوْمِرَاوٛ‏! سَلَامَنْ حَا عَسَمَ، تٜدُّنغَلْ حَا اَللَّه ࢡَنغِيطٛ‏!»
ڢَرِسَعٜنْ وٛطْࢡٜ دِغَ شَکَ يِمْࢡٜ مبٛلْوَنِ عِيسَى‏: «مٛودِبّٛ، تٜلْࢡَنْ ݠُکَرَعٜنْ مَاطَ نجٜىٰطٛ‏!» عِيسَى جَابِ‏: «مِطٛنْ وِعَ عٛنْ، تٛ کَمْࢡٜ ࢡٜنجٜىٰطَکٜ، کَاعٜ نغٛوکَنْ‏!»

ندٜ عِيسَى ࢡَدِتِ بٜرْنِوٛلْ، عٛيِعِ نغٛلْ، عٛوٛيِ دَلِيلَ مَاغٛلْ، عٛوِعِ‏: «مِيِطِ عَعَنْدَنٛ عَنْ بٛو کٛ وٛنِ سَلَامَنْ مَاطَ حَنْدٜىٰرٜ ندٜعٜ‏! عَمَّا جٛنْتَ طُمْ سُوطَامَ حَا غِتٜ مَاطَ؞ ࢩَلْطٜ نغَرَنْتٜ، حَا کٛنّٜعٜنْ مَ تَارٛ مَ بٜى بَلْمِ، ࢡٜکِݠّٜتٜ، ࢡٜࢡِطّٜتٜ بَکٜىٰجٜ ڢُو؞ ࢡٜندٛعّٜتٜ، عَنْ بٜى ࢡِکّٛيْ مَاطَ؞ ࢡٜعَشَّتَا حَيْرٜ دٛوْ حَيْرٜ حَا مَاطَ، نغَمْ عَعَنْدِتَايْ سَاعِيرٜ ندٜ اَللَّه وَرِ وَلُّغٛ مَ‏!»


ندٜنْ عِيسَى نَسْتِ حَيْکَلِيرُ ، عٛڢُطِّ ڢَارْتُغٛ سٛرّٛوࢡٜ، عٛوِعِ ࢡٜ‏: «ندَا کٛ وِنْدَ حَا دٜڢْتٜرٜ‏: سُودُ عَمْ لَاتٛتٛ سُودُ وَطُغٛ دٛعَ، عَمَّا عٛنٛنْ عٛنْ لَاتِنِ ندُ لٛوٛلْ ڢَسٛوࢡٜ؞»
عٛطٛنْ عٜکِّتِنَ ندٜرْ حَيْکَلِيرُ ࢩَلَادٜ ڢُو؞ مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ عٜ عَرْدِيࢡٜ يِمْࢡٜ طٛنّٛ تٜڢَ مبَرُغٛ مٛ؞ عَمَّا ࢡٜعَنْدَا طُمٜ ࢡٜمبَطَتَ، نغَمْ يِمْࢡٜ ڢُو طٛنْ شُکْلَنِ نَنُغٛ مٛ؞

Geere nke a ntị لُکَ 19