 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

عِيسَى يٜحِ حٛوسٜىٰرٜ جَيْتُنْجٜ؞ عَمَّا ڢَجِرِ شُبْ عٛلٛرْتِ حَا حَيْکَلِيرُ ، عُمَّاتٛورٜ ڢُو وَرِ حَا مَاکٛ؞ عٛجٛوطِ، عٛڢُطِّ عٜکِّتِنْغٛ ࢡٜ؞ ندٜنْ مٛودِࢡّٜ تَوْرٜىٰتَ عٜ ڢَرِسَعٜنْ نغَدَّنِمٛ دٜبّٛ مٛ ࢡٜنَنغِ ندٜرْ نجٜىٰنُ؞ ࢡٜندَرْنِمٛ يٜىٰسٛ يِمْࢡٜ ڢُو، ࢡٜمبِعِ عِيسَى‏: «مٛودِبّٛ، مِنْ نَنغِ دٜبّٛ عٛو ندٜرْ نجٜىٰنُ؞ مُوسَى عُمْرِ مِنْ ندٜرْ تَوْرٜىٰتَ مِنْ ݠِطَ عِرِنْ دٜبّٛ عٛو بٜى کَاعٜ حَا عٛمَايَ؞ عٜ عَنْ، طُمٜ عَوِعَتَ؟» ࢡٜمبِعِ نٛنْ نغَمْ ڢٛونْدُغٛ مٛ، حَا ࢡٜکٜࢡَ دَلِيلَ وُلَّاغٛ مٛ؞ عَمَّا عِيسَى تُرِ، ڢُطِّ وِنْدُغٛ حَا لٜسْدِ بٜى حٛوندُ مُوطُمْ؞ ندٜ ࢡٜتٛکِّ ࢨَمُغٛ مٛ، عٛدَرِ، عٛوِعِ ࢡٜ‏: «غٛطّٛ مٛوطٛنْ مٛ وَلَا حَکّٜ سَمْ، عَارْتَ ڢِطُغٛ مٛ بٜى حَيْرٜ؞» ندٜنْ عٛتُرِ ڢَحِنْ، عٛڢُطِّتِ وِنْدُغٛ حَا لٜسْدِ؞ ندٜ ࢡٜنَنِ بٛلّٜ طٜعٜ، ࢡٜندِلِّ غٛوتٛ غٛوتٛ، ندٛتِّعٜنْ عَارْتِ دِلُّغٛ؞ عِيسَى ڢٜىٰرٜ مُمْ لُتِّ، دٜبّٛ غٛ طٛنْ دَرِ يٜىٰسٛ مَاکٛ؞ ندٜنْ عِيسَى دَرِ، وِعِمٛ‏: «دٜبّٛ، تٛيْ ࢡٜ؟ وَلَا دٛعُّطٛ مَ کِيتَ نَ؟» دٜبّٛ جَابِ‏: «وَلَا کٛو غٛوتٛ، جَوْمِرَاوٛ؞» عِيسَى وِعِمٛ‏: «مِنْ بٛو، مِحِيتَتَاکٛ مَ؞ دِلُّ، عَمَّا تَا مٜىٰتُ وَطُغٛ حَکّٜ‏!»

عِيسَى وٛلْوَنِ يِمْࢡٜ ڢَحِنْ، عٛوِعِ‏: «مِنْ، مِ أَلنّٛورَ دُنِيَارُ؞ کٛو مٛيْ تٛکِّ يَمْ، يَحَتَا ندٜرْ ࢩِࢡْرٜ ڢَحِنْ، عَمَّا عٛحٜࢡَنْ أَلنّٛورَ ندٛکَّنْکَ نغٜىٰندَمْ؞» ڢَرِسَعٜنْ مبِعِمٛ‏: «عَطٛنْ سٜىٰدَنٛ حٛورٜ مَاطَ، سٜىٰدَمْکُ مَ لَاتَاکِ غٛونغَ؞» عِيسَى جَابِ ࢡٜ‏: «کٛو تٛ مِطٛنْ سٜىٰدَنٛ حٛورٜ عَمْ، سٜىٰدَمْکُ عَمْ طُمْ غٛونغَ، نغَمْ مِعَنْدِ حَا مِعِوِ، مِعَنْدِ حَا مِيَحَتَ بٛو؞ عَمَّا عٛنٛنْ، عٛنْ عَنْدَا حَا مِعِوِ، عٛنْ عَنْدَا حَا مِيَحَتَ بٛو؞ عٛنٛنْ عٛنْ طٛنْ مبَطَ کِيتَ ڢٛدّٜ نُمٛوجِ نٜطّٛ، مِنْ، مِحِيتَتَاکٛ کٛو مٛيْ؞ کٛو تٛ مِحِيتَکٜ غٛطّٛ بٛو، کِيتَ عَمْ غٛونغْطَنْ، نغَمْ مِحِيتَتَاکٛ ڢٜىٰرٜ عَمْ، عَمَّا بَابِرَاوٛ نٜلْطٛ يَمْ طٛنْ وٛنْدِ بٜى عَمْ؞ طُمْ بِنْدَاطُمْ ندٜرْ تَوْرٜىٰتَ مٛوطٛنْ‏: تٛ طِطٛ شٜىٰدَکٜ، سٜىٰدَمْکُ مَنْ طُمْ غٛونغَ؞ مِنْ، مِطٛنْ سٜىٰدَنٛ حٛورٜ عَمْ، بَابِرَاوٛ نٜلْطٛ يَمْ بٛو طٛنْ سٜىٰدَنٛ يَمْ؞» ࢡٜمبِعِمٛ‏: «تٛيْ بَابِرَاوٛ مَ وٛنِ؟» عِيسَى جَابِ ࢡٜ‏: «عٛنْ عَنْدَا يَمْ، عٛنْ عَنْدَا بَابِرَاوٛ عَمْ بٛو؞ تٛ عٛنْ عَنْدِنٛ يَمْ، عٛنْ عَنْدَنّٛ بَابِرَاوٛ عَمْ بٛو؞»
عِيسَى وٛلْوِ بٛلّٜ طٜعٜ سَاعِ عٛطٛنّٛ عٜکِّتِنَ يِمْࢡٜ ندٜرْ حَيْکَلِيرُ، حَا نٛکُّورٜ سُنْدُکْرُ دٛکّٜ شٜىٰدٜ وٛنِ؞ وَلَا مٛ مٜىٰمِمٛ، نغَمْ وَکَّتِ مَاکٛ وَرَايْ تَوٛنْ؞

ڢَحِنْ عِيسَى وِعِ ࢡٜ‏: «مِدِلَّنْ؞ عٛنْ تٜڢَتَمْ، عَمَّا عٛنْ مَايَنْ ندٜرْ حَکّٜىٰجِ مٛوطٛنْ؞ عٛنْ مبَاوَتَا يَحُغٛ حَا نجَحَنْمِ؞» يَحُودُعٜنْ مبِعْمبِعْتِرِ حَکُّندٜ مُوطُمْعٜنْ‏: «عٛمبَرْتٛيَنْ نَ؟ نغَمْ عٛوِعِ‏: عٛنْ مبَاوَتَا يَحُغٛ حَا نجَحَنْمِ؞» عِيسَى وِعِ ࢡٜ‏: «عٛنٛنْ عٛنْ عِوِ حَا لٜسْ، مِنْ مِعِوِ حَا دٛوْ؞ عٛنٛنْ عٛنْ يِمْࢡٜ دُنِيَارُ ندُ، عَمَّا مِنْ مِلَاتَاکِمٛ دُنِيَارُ ندُ؞ نغَمْ مَاجُمْ مِوِعِ عٛنْ‏: عٛنْ مَايَنْ ندٜرْ حَکّٜىٰجِ مٛوطٛنْ؞ نغَمْ تٛ عٛنْ نُطِّنَايْ مِنْ وٛنِ مٛ نغٛنْمِ، عٛنْ مَايَنْ ندٜرْ حَکّٜىٰجِ مٛوطٛنْ؞» ࢡٜمبِعِمٛ‏: «عَنْ، عَ مٛيْ؟» عِيسَى وِعِ ࢡٜ‏: «مِتٛکِّ وِعُغٛ عٛنْ طُمْ دِغَ ڢُطَّمْ؞ وٛودِ کُوجٜ طُوطّٜ طٜ مِيِطِ وِعْغٛ دٛوْ مٛوطٛنْ عٜ حِيتٛرَاغٛ عٛنْ بٜى مَاجُمْ، عَمَّا نٜلْطٛ يَمْ عٛ غٛونغَاجٛ، مِطٛنْ وٛلْوَنَ دُنِيَارُ کٛ مِنَنِ حَا مَاکٛ تَنْ؞»
ࢡٜݠَامَايْ عٛطٛنْ وٛلْوَنَ ࢡٜ دٛوْ بَابِرَاوٛ؞ ندٜنْ عِيسَى وِعِ ࢡٜ‏: «تٛ عٛنْ ࢡَنغْتِ ࢡِي-نٜطّٛ ، عٛنْ عَنْدَنْ مِنْ وٛنِ مٛ نغٛنْمِ، عٛنْ عَنْدَنْ مِوَطَتَا کٛو طُمٜ بٜى مُويٛ عَمْ، عَمَّا مِطٛنْ وٛلْوَ کٛ بَابِرَاوٛ عٜکِّتِنِ يَمْ تَنْ؞ نٜلْطٛ يَمْ طٛنْ وٛنْدِ بٜى عَمْ، عٛعَشَّايْ يَمْ ڢٜىٰرٜ عَمْ، نغَمْ ڢٛرٛيْ مِطٛنْ وَطَ کٛ ڢٛتَّنْتَ مٛ؞» ندٜ عِيسَى وٛلْوِ بَنَ نِي، طُوطْࢡٜ نُطِّنِمٛ؞

ندٜنْ عِيسَى وِعِ يَحُودُعٜنْ نُطِّنْࢡٜ مٛ‏: «تٛ عٛنْ طٛنْ تَبِتِ ندٜرْ وٛلْدٜ عَمْ، ندٜنْ کَمْ عٛنْ لَاتٛتٛ ݠُکَرَعٜنْ عَمْ ڢَکَتْ؞ عٛنْ عَنْدَنْ غٛونغَ، غٛونغَ بٛو رِمْطِنَنْ عٛنْ؞» ࢡٜنجَابِمٛ‏: «مِنِنْ مِنْ ࢡِࢡّٜ إِبْرَاهِيمَ، مِنْ مٜىٰطَايْ لَاتَاغٛ جٜيَاࢡٜ غٛطّٛ؞ نٛيْ عَوِعْرَتَ مِنْ‏: عٛنْ لَاتٛتٛ رِمْࢡٜ؟» عِيسَى وِعِ‏: «غٛونغَ مِطٛنْ وِعَ عٛنْ‏: بَطّٛ حَکّٜ ڢُو عٛ جٜيَاطٛ حَکّٜ؞ جٜيَاطٛ وٛنْدَتَا بٜى يِمْࢡٜ سَارٜ ڢٛرٛيْ، عَمَّا ࢡِطّٛ وٛنْدَنْ بٜى يِمْࢡٜ سَارٜ ڢٛرٛيْ؞ تٛ ࢡِطّٛ رِمْطِنِ عٛنْ، ندٜنْ کَمْ عٛنْ لَاتٛتٛ رِمْࢡٜ ڢَکَتْ؞ مِعَنْدِ عٛنْ ࢡِࢡّٜ إِبْرَاهِيمَ؞ عَمَّا عٛنْ طٛنْ طَࢡَّ مبَرُغٛ يَمْ، نغَمْ عٛنْ نجَࢡَايْ بٛلّٜ عَمْ؞ مِنْ مِطٛنْ وٛلْوَ دٛوْ کٛ مِيِعِ حَا بَابِرَاوٛ عَمْ، عَمَّا عٛنٛنْ عٛنْ طٛنْ مبَطَ کٛ نَنْطٛنْ حَا بَابَ مٛوطٛنْ؞»
ࢡٜمبِعِمٛ‏: «إِبْرَاهِيمَ وٛنِ بَابِرَاوٛ عَمِنْ؞» عِيسَى وِعِ ࢡٜ‏: «تٛ عٛنْ ࢡِࢡّٜ إِبْرَاهِيمَ، عٛنْ کُووَنّٛ کُوغَلْ نغَلْ عٛحُووِ؞ عَمَّا جٛنْتَ، عٛنْ طٛنْ طَࢡَّ مبَرُغٛ يَمْ، مِنْ مٛ وٛلْوَنِ عٛنْ غٛونغَ کَ نَنْمِ حَا اَللَّه؞ إِبْرَاهِيمَ مٜىٰطَايْ وَطُغٛ عِرِنْ مَاجُمْ؞ عٛنْ طٛنْ کُووَ کُوطٜ بَابَ مٛوطٛنْ؞» ࢡٜمبِعِمٛ‏: «مِنِنْ مِنْ لَاتَاکِ نجَالُعٜنْ، مِنْ نغٛودِ بَابِرَاوٛ غٛوتٛ، طُمْ اَللَّه؞» عِيسَى وِعِ ࢡٜ‏: «تٛ اَللَّه وٛنّٛ بَابِرَاوٛ مٛوطٛنْ، عٛنْ نغِطَنّٛ يَمْ، نغَمْ دِغَ اَللَّه عِوْمِ، دَلِيلَ مَاکٛ نغَرْمِ؞ مِوَرَايْ بٜى نغِطَ عَمْ، عَمَّا کَنغْکٛ نٜلِ يَمْ؞ نغَمْ طُمٜ عٛنْ ݠَامَتَا کٛ مِوِعَتَ عٛنْ؟ نغَمْ عٛنْ مبَاوَتَا حٜطِتَاغٛ کٛ مِوٛلْوَنْتَ عٛنْ؞ عِبْلِسَ وٛنِ بَابَ مٛوطٛنْ، عٛنْ نغِطِ وَطُغٛ کٛ بَابَ مٛوطٛنْ يِطِ؞ عٛ مبَرٛووٛ کٛعٜ دِغَ ڢُطَّمْ، عٛمٜىٰطَايْ وٛلْوُغٛ غٛونغَ، نغَمْ غٛونغَ وَلَا ندٜرْ مَاکٛ؞ تٛ عٛطٛنْ وٛلْوَ ڢٜوْرٜ، طُمْ طَبِيَ مَاکٛ، نغَمْ عٛ ݠٜوٛووٛ، عٛ بَابَ ڢٜوْرٜ؞ عَمَّا مِنْ، غٛونغَ مِوِعَتَ، کَنْجُمْ وَطِ عٛنْ نُطِّنْتَا يَمْ؞ مٛيْ ندٜرْ مٛوطٛنْ وَاوَتَ سٜىٰدَاغٛ مِوَطِ حَکّٜ؟ عَمَّا تٛ غٛونغَ مِوٛلْوَتَ، کٛنِ عٛنْ نُطِّنْتَا يَمْ؟ غٛطّٛ اَللَّه حٜطِتِتّٛ بٛلّٜ اَللَّه؞ عَمَّا عٛنٛنْ عٛنْ لَاتَاکِ يِمْࢡٜ اَللَّه، نغَمْ مَنْ، عٛنْ کٜطِتَتَاکٛ طٜ؞»

يَحُودُعٜنْ مبِعِ عِيسَى‏: «نَا غٛونغَ مِنْ مبِعِ‏: عَ سَمَرِيَاجٛ، عَ غِنَّاطٛ؟» عِيسَى جَابِ ࢡٜ‏: «نَا مِ غِنَّاطٛ؞ عَمَّا مِطٛنْ تٜدِّنَ بَابِرَاوٛ عَمْ، عٛنٛنْ بٛو عٛنْ طٛنْ نجَوٛ يَمْ؞ مِنْ، مِطَࢡَّنْتَا حٛورٜ عَمْ تٜدُّنغَلْ؞ وٛودِ مٛ طَࢡَّنْتَمِّ تٜدُّنغَلْ، کَنغْکٛ وٛنِ کِيتٛووٛ بٛو؞ غٛونغَ مِوِعَتَ عٛنْ‏: کٛو مٛيْ طٛوْتَنِ وٛلْدٜ عَمْ، مَايَتَا سَمْ؞» يَحُودُعٜنْ مبِعِمٛ‏: «جٛنْتَ مِنْ عَنْدِ عَ غِنَّاطٛ؞ إِبْرَاهِيمَ مَايِ، اَلنَّبِعٜنْ بٛو مَايِ، ندٜنْ عَنْ عَوِعَ‏: کٛو مٛيْ طٛوْتَنِ بٛلّٜ عَمْ، مَايَتَا سَمْ؞ عَࢡُرِ إِبْرَاهِيمَ کَاکَ عَمِنْ مٛ مَايِ مَنغُ کَدِ نَ؟ کَنغْکٛ عٛمَايِ؞ اَلنَّبِعٜنْ بٛو مَايِ؞ کَدِ عَنْ عَطٛنْ لَارَ حٛورٜ مَ عَ مٛيْ؟» عِيسَى جَابِ‏: «تٛ مِطٛنْ تٜدِّنَ حٛورٜ عَمْ، تٜدُّنغَلْ عَمْ وَلَا سَمَنْ؞ مٛ تٜدِّنْتَمِّ وٛنِ بَابِرَاوٛ عَمْ، مٛ مبِعْطٛنْ عٛ اَللَّه مٛوطٛنْ؞ عَمَّا عٛنْ عَنْدَا مٛ، مِنْ مِعَنْدِمٛ؞ تٛ مِوِعْنٛ مِعَنْدَا مٛ، مِلَاتٛتٛنٛ ݠٜوٛووٛ بَنَ مٛوطٛنْ؞ عَمَّا مِعَنْدِمٛ، مِطٛنْ طٛوْتَنٛ بٛلّٜ مَاکٛ؞ إِبْرَاهِيمَ کَاکَ مٛوطٛنْ سٜيٛرِ يِعُغٛ ࢩَلَادٜ عَمْ، عٛيِعِ ندٜ، عٛسٜيِ؞» يَحُودُعٜنْ مبِعِمٛ‏: «عَوَطَايْ دُوࢡِ شَݠَّنْطٜ جٛوِ تَوٛنْ، ندٜنْ عَوِعِ عَيِعِ إِبْرَاهِيمَ؟» عِيسَى وِعِ ࢡٜ‏: «غٛونغَ مِوِعَتَ عٛنْ‏: دِغَ إِبْرَاهِيمَ دَࢩَاکَ، مِنْ مِطٛنْ؞» ندٜنْ ࢡٜکٛوعِ کَاعٜ نغَمْ ࢡٜݠِطَ مٛ، عَمَّا عِيسَى سُوطِ، وُرْتِ حَيْکَلِيرُ ؞

Geere nke a ntị يُحَنَّ 8