Misima-Paneati - 2018 WBT (NT+Malachi) Drama

Misima-Paneati

<div class="version vid1482 iso6393mpx" data-vid="1482" data-iso6393="mpx">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Yeisu alona ge Sameliya Yovana Hi Baaba Wewel kaiwena</div><div class="p"> 1Palisi wasa hi hago te Yeisu iyaka gamagalau hi gewi i ahel i patohago-agil ge i pababitaisol, inoke wana tohago iyaka Diyon wana tohago hi gewi lakel. 2He Yeisu nige totona gamagal etega i papababitaiso, wana tohago ya te hi giginol. 3Sauga Yeisu i atena te iya wasana Palisi iyaka hi hago, yaka labi Yudiya i eguluwan ge i sikal al i na labi Galili.</div><div class="p"> 4Kamwasa toto Yeisu i noek, labena Sameliya elana te i nosolaa, 5inoke i na i vin Sameliya awanina etega alana Saika. Awan o nige ana bwaga i yayapu bilibili toto Yakobo i pek natuna Yosepa elana. 6Wewel kenken etega iyoho to valila Yakobo i ken. Nawanawa kaiwena Yeisu tuwana i aliga, inoke i misiyowa wewel kenken awana bebenaa. Sauga o iyaka i ola alalati bwagatau.</div><div class="p"> 7-8Sauga o Yeisu wana tohago iyaka hi na panuwaa aanan nihi pwapwamola, inoke abwe Sameliya yovana etega i nok wewel wagi kaiwena. Yaka Yeisu i baek yova elana i ba, &#8220;Tab bosowaina wewel nu wage nu pem na im?&#8221;</div><div class="p"> 9Sameliya yovana i baek Yeisu elana i ba, &#8220;Owa Yudiya gamagalina ge nau Sameliya yovana. He ga i ola ge u baem elau tage wewel na wage nu im?&#8221; Yova baaba o i baunan, kaiwena Yudiya nige avaliyau Sameliya hi heliheliyam.</div><div class="p"> 10Yeisu yova anana i lahe i ba, &#8220;Binimala nu atena hauna toto Yehoba i guyauan, ge binimala nu atena henala nau ge wewel ya awanun elam, inoke nu awanun elau ge wewel yawalina gaganina na pewa.&#8221;#4:10 Ta ba wewel yawalina gaganina na pewa, o ebo ta ba wewel toto yawalim ni pewa na pewa elam.</div><div class="p"> 11Yaka yova i ba, &#8220;Tonowak, wewel kenken ya i milau, he nige wam ewagiwagi i gagan ge tage wewel nu wage. Wewel yawalina gaganina ga nu aheya? 12Age owa tubuma Yakobo u bwata lake? Iya wewel kenken ya i pem elama, ge iya alonau natunau, avaliyau wali sipi ge wali bulumakau, valila wewel kenken ya hi imwimwa.&#8221;</div><div class="p"> 13Yeisu yova anana i lahe i ba, &#8220;Gamagalau gegewel bolo wewel ya hi im, abwe nihi walem al, 14yaa henala ebo wewel ni im toto nau na pek elana, he nige ni wawalem al. Wewel toto na pek elana ni tabwa wewel i bwanabwana pitpit ge yawal mihomihotina ni pek.&#8221;</div><div class="p"> 15Yova i ba, &#8220;Tonowak, wewel toto o u pem na im, inoke bahi na wawalem al ge bahi na nenem wewel kenken ya elana wewel na wawagi al.&#8221;</div><div class="p"> 16Yeisu i ba, &#8220;U na ga lagom u yogaan ge alom nuku nem.&#8221;</div><div class="p"> 17Yova i ba, &#8220;Nige lagou i gagan.&#8221;</div><div class="p">Yaka Yeisu yova anana i lahe i ba, &#8220;He tunahot te u ba, &#8216;Nige lagou i gagan.&#8217; 18Valila u alolon panimala panuna, ge tau toto sauga ya alom ku mina nige lagom i oola. He ewasi u ba tunahot.&#8221;</div><div class="p"> 19Yova i ba, &#8220;Tonowak, he iyaka ya atenawa age owa palopita etega. 20Ama Sameliya tubumeyau oya ya elana te hi kukululu Yabowaine elana, yaa komiu Yudiya ku ba tage abatapwalolo iyai ya te Yelusalema.&#8221;</div><div class="p"> 21Inoke Yeisu i ba, &#8220;Yova, no baaba ya nu abulilek-an. Sauga i nenem gamagalau nihi kululu Tamaliya elana, yaa nige oya ya elana i oola o ebo Yelusalema elana. 22Komiu Sameliya ku kululuek toto nige ku aatena elana; yaa ama Yudiya ha kululuek Yabowaine toto ha atena elana, kaiwena pwamwal ana aatena iyaka Yehoba i pamasala ama Yudiya eliyama. 23Yaa sauga i nenem ge iyaka i vin, inoke Yayaluwa Bwabwalena wana gasisi elana gamagalau nihi tapwalolo tunahot Tamaliya elana alona ge wali ginol tutunahotina. He totapwalolo ololal o heliya Tamala i loyaagil. 24Yehoba iya yayaluwa, inoke bolo hi kululu elana Yayaluwa Bwabwalena wana gasisi elana te nihi tapwalolo, alona ge wali ginol tutunahotina.&#8221;</div><div class="p"> 25Yova i ba, &#8220;Ya atena te Mesaiya iyoho i nenem, ge sauga ebo ni nem, inoke abwe bugul gegewena ni pwamwananal eliyama.&#8221; (He &#8220;Mesaiya&#8221; pana Gilik elana hi ba &#8220;Keliso.&#8221;)</div><div class="p"> 26Yeisu anana i lahe i ba, &#8220;He nau te ya baaba elam e.&#8221;</div><div class="s1">Tohago Hi Sikal Yeisu elana</div><div class="p"> 27Sauga o wana tohago hi sikal elana, ge ateliya i you kaiwena hi kite Yeisu i baaba yova etega elana. Yaa nige etega tage ni nel yova elana ni ba, &#8220;Hauna nuwam?&#8221; o ebo ni nel Yeisu elana ni ba, &#8220;Ga i ola ge u baaba yova elana?&#8221;</div><div class="p"> 28Yaka yova wana ulubwal i eguluwai ge etimwawa i sikal i na panuwaa. Inoke i baek gamagalau elal i ba, 29&#8220;Ku nem ga gamagal etega ku kite, iya pagan gegewena bolo ya ginolil i baunan elau. Bi ola ge iya Mesaiya?&#8221; 30Yaka gamagalau hi gewi panuwa hi eguluwai ge hi nowanik nihi na Yeisu elana.</div><div class="p"> 31Sauga yova i egon enaa, inoke tohago hi baek Yeisu elana hi ba, &#8220;Topankite, aanan ga etega u an.&#8221;</div><div class="p"> 32Yaa analiya i lahe i ba, &#8220;Au i gan, toto komiu nige ku aatena.&#8221;</div><div class="p"> 33Yaka tohago hi pebaaba-agil hi ba, &#8220;Age gamagal etega aanan i pwatanim elana?&#8221;</div><div class="p"> 34Inoke Yeisu i ba, &#8220;Au heiya te toto i patunau wana nuwatu na ginol ge wana tuwalali na pwamowasi. 35Komiu wami baaba etega ku ba ola hiwe: &#8216;Waikena esopali iyoho i mina yaka abwe lovetomwa ge pahi ana sauga.&#8217; Yaa na baewa eliyamiu, matamiu ni nok eyowa ku kite! Enona iyaka i matuwa ge bosowaina pahi. 36Sauga e topahi molana i ahiahi, eyowa enona i pahipahi yawal mihomihotina kaiwena. Inoke togalauma ge topahi nihi yaliyaya pamaisena. 37Baaba toto i ba, &#8216;Etega i galauma, ge etega al i pahi,&#8217; he iyaka i tunahot i ola hiwe. 38Sauga ya na patunamiu nuku nok nuku na eyowa toto valila nige ku tutuwalali-an enona nuku pahi. Gamagalau getogal eyowa hi tuwalali-an, ge komiu wali tuwalali enona ku pwawa.&#8221;</div><div class="s1">Sameliya Hi Gewi Hi Abulilek Yeisu elana</div><div class="p"> 39Sameliya awanina o elana gamagalau hi gewi Yeisu hi abulilek-an yova wana wasa kaiwena, toto i ba, &#8220;No pagan gegewena bolo ya ginolil i baunan elau.&#8221; 40Inoke sauga hi na Yeisu elana, yaka hi awanun elana avaliya ga nihi minamina, inoke lan labui Yeisu i minaa ga awan o elana, 41ge gamagalau hi gewi al hi abulilek Yeisu wana panpankiti kaiwena.</div><div class="p"> 42Yaka gamagalau hi baek yova elana hi ba, &#8220;Nige tage wam baaba ya kaiwena ge ha abulilek, he iyaka totoma wana baaba ha hago ge ha atena tunahot tau ya iya panayawi ana Topwamwal.&#8221;</div><div class="s1">Yeisu Gamaman ana Totuwalali Natuna I Pwamolu</div><div class="p"> 43Lan labui o i mowasi, yaka Yeisu labi Sameliya i eguluwai ge i nok i na labi Galili. 44(He Yeisu iyaka i ba haba wana tohago elal i ba, &#8220;Palopita etega totona wana panuwa gamagaliliyau nige hi aawatauwan.&#8221;) 45Sauga i na i vin Galili, yaka Galili gamagaliliyau Yeisu wana vin hi yaliyaya-an, kaiwena valila hi na Yelusalema Nopalegi Hagalena kaiwena ge wana ginol gegewena hi kite bolo i ginolil sauga o elana.</div><div class="p"> 46Yeisu i nok al i na Kena, Galili awanina, awan o elana valila wewel i pil ge i tabwa oine. Sauga o elana gamaman ana totuwalali bwabwatana etega natuna melutauina i kasiyebwa Kapeniyama elana. 47Sauga tau o Yeisu wasana i hago te iyaka i sikalem Yudiya ge i vin Galili, inoke i nok i na elana, ge i awanun ni nok ni na natuna ni pwamolu, kaiwena wawaya o ana kasiyebwa iyaka i pulowan.</div><div class="p"> 48Yeisu i baek elana i ba, &#8220;Ebo nige ginol yawiyawi ge abanuwa ahi nuku kikite, he nige nuku aabulilek.&#8221;</div><div class="p"> 49Yaka gamaman ana totuwalali i ba, &#8220;Tonowak, u nem ga ta na natu u kite abwe mulaa ni aliga.&#8221;</div><div class="p"> 50Yeisu i baek elana i ba, &#8220;U sikal, natum nige ni aaliga.&#8221;</div><div class="p">Tau o Yeisu wana baaba i abulilek-an inoke i egon. 51Iya iyoho ya i nawanawa kamwasaa, yaka wana totuwalali i pwawal ge wana wasa hi pek hi ba, &#8220;Geman iyaka i molu.&#8221; 52Inoke i nelil hauna kilok matana elana ge natuna tuwana i heluwan, yaka hi ba, &#8220;Nolu kokoyavi wan kilok te tuwana i heluwan ge i tultul.&#8221;</div><div class="p"> 53Inoke wawaya tamana i nuwatu nolu kilok matana toto o elana te Yeisu i baek elana i ba, &#8220;Natum nige ni aaliga.&#8221; Yaka tau o alonau ge wana limi ana heniheni gegewel hi abulilek.</div><div class="p"> 54He ginol yawiyawi labuina to Yeisu i ginol sauga i sikalem Yudiya ge i na Galili.</div>
 </div>
 </div>
</div>

Palisi wasa hi hago te Yeisu iyaka gamagalau hi gewi i ahel i patohago-agil ge i pababitaisol, inoke wana tohago iyaka Diyon wana tohago hi gewi lakel. He Yeisu nige totona gamagal etega i papababitaiso, wana tohago ya te hi giginol. Sauga Yeisu i atena te iya wasana Palisi iyaka hi hago, yaka labi Yudiya i eguluwan ge i sikal al i na labi Galili.
Kamwasa toto Yeisu i noek, labena Sameliya elana te i nosolaa, inoke i na i vin Sameliya awanina etega alana Saika. Awan o nige ana bwaga i yayapu bilibili toto Yakobo i pek natuna Yosepa elana. Wewel kenken etega iyoho to valila Yakobo i ken. Nawanawa kaiwena Yeisu tuwana i aliga, inoke i misiyowa wewel kenken awana bebenaa. Sauga o iyaka i ola alalati bwagatau.
Sauga o Yeisu wana tohago iyaka hi na panuwaa aanan nihi pwapwamola, inoke abwe Sameliya yovana etega i nok wewel wagi kaiwena. Yaka Yeisu i baek yova elana i ba, “Tab bosowaina wewel nu wage nu pem na im?”
Sameliya yovana i baek Yeisu elana i ba, “Owa Yudiya gamagalina ge nau Sameliya yovana. He ga i ola ge u baem elau tage wewel na wage nu im?” Yova baaba o i baunan, kaiwena Yudiya nige avaliyau Sameliya hi heliheliyam.
Yeisu yova anana i lahe i ba, “Binimala nu atena hauna toto Yehoba i guyauan, ge binimala nu atena henala nau ge wewel ya awanun elam, inoke nu awanun elau ge wewel yawalina gaganina na pewa.”
Yaka yova i ba, “Tonowak, wewel kenken ya i milau, he nige wam ewagiwagi i gagan ge tage wewel nu wage. Wewel yawalina gaganina ga nu aheya? Age owa tubuma Yakobo u bwata lake? Iya wewel kenken ya i pem elama, ge iya alonau natunau, avaliyau wali sipi ge wali bulumakau, valila wewel kenken ya hi imwimwa.”
Yeisu yova anana i lahe i ba, “Gamagalau gegewel bolo wewel ya hi im, abwe nihi walem al, yaa henala ebo wewel ni im toto nau na pek elana, he nige ni wawalem al. Wewel toto na pek elana ni tabwa wewel i bwanabwana pitpit ge yawal mihomihotina ni pek.”
Yova i ba, “Tonowak, wewel toto o u pem na im, inoke bahi na wawalem al ge bahi na nenem wewel kenken ya elana wewel na wawagi al.”
Yeisu i ba, “U na ga lagom u yogaan ge alom nuku nem.”
Yova i ba, “Nige lagou i gagan.”
Yaka Yeisu yova anana i lahe i ba, “He tunahot te u ba, ‘Nige lagou i gagan.’ Valila u alolon panimala panuna, ge tau toto sauga ya alom ku mina nige lagom i oola. He ewasi u ba tunahot.”
Yova i ba, “Tonowak, he iyaka ya atenawa age owa palopita etega. Ama Sameliya tubumeyau oya ya elana te hi kukululu Yabowaine elana, yaa komiu Yudiya ku ba tage abatapwalolo iyai ya te Yelusalema.”
Inoke Yeisu i ba, “Yova, no baaba ya nu abulilek-an. Sauga i nenem gamagalau nihi kululu Tamaliya elana, yaa nige oya ya elana i oola o ebo Yelusalema elana. Komiu Sameliya ku kululuek toto nige ku aatena elana; yaa ama Yudiya ha kululuek Yabowaine toto ha atena elana, kaiwena pwamwal ana aatena iyaka Yehoba i pamasala ama Yudiya eliyama. Yaa sauga i nenem ge iyaka i vin, inoke Yayaluwa Bwabwalena wana gasisi elana gamagalau nihi tapwalolo tunahot Tamaliya elana alona ge wali ginol tutunahotina. He totapwalolo ololal o heliya Tamala i loyaagil. Yehoba iya yayaluwa, inoke bolo hi kululu elana Yayaluwa Bwabwalena wana gasisi elana te nihi tapwalolo, alona ge wali ginol tutunahotina.”
Yova i ba, “Ya atena te Mesaiya iyoho i nenem, ge sauga ebo ni nem, inoke abwe bugul gegewena ni pwamwananal eliyama.” (He “Mesaiya” pana Gilik elana hi ba “Keliso.”)
Yeisu anana i lahe i ba, “He nau te ya baaba elam e.”

Sauga o wana tohago hi sikal elana, ge ateliya i you kaiwena hi kite Yeisu i baaba yova etega elana. Yaa nige etega tage ni nel yova elana ni ba, “Hauna nuwam?” o ebo ni nel Yeisu elana ni ba, “Ga i ola ge u baaba yova elana?”
Yaka yova wana ulubwal i eguluwai ge etimwawa i sikal i na panuwaa. Inoke i baek gamagalau elal i ba, “Ku nem ga gamagal etega ku kite, iya pagan gegewena bolo ya ginolil i baunan elau. Bi ola ge iya Mesaiya?” Yaka gamagalau hi gewi panuwa hi eguluwai ge hi nowanik nihi na Yeisu elana.
Sauga yova i egon enaa, inoke tohago hi baek Yeisu elana hi ba, “Topankite, aanan ga etega u an.”
Yaa analiya i lahe i ba, “Au i gan, toto komiu nige ku aatena.”
Yaka tohago hi pebaaba-agil hi ba, “Age gamagal etega aanan i pwatanim elana?”
Inoke Yeisu i ba, “Au heiya te toto i patunau wana nuwatu na ginol ge wana tuwalali na pwamowasi. Komiu wami baaba etega ku ba ola hiwe: ‘Waikena esopali iyoho i mina yaka abwe lovetomwa ge pahi ana sauga.’ Yaa na baewa eliyamiu, matamiu ni nok eyowa ku kite! Enona iyaka i matuwa ge bosowaina pahi. Sauga e topahi molana i ahiahi, eyowa enona i pahipahi yawal mihomihotina kaiwena. Inoke togalauma ge topahi nihi yaliyaya pamaisena. Baaba toto i ba, ‘Etega i galauma, ge etega al i pahi,’ he iyaka i tunahot i ola hiwe. Sauga ya na patunamiu nuku nok nuku na eyowa toto valila nige ku tutuwalali-an enona nuku pahi. Gamagalau getogal eyowa hi tuwalali-an, ge komiu wali tuwalali enona ku pwawa.”

Sameliya awanina o elana gamagalau hi gewi Yeisu hi abulilek-an yova wana wasa kaiwena, toto i ba, “No pagan gegewena bolo ya ginolil i baunan elau.” Inoke sauga hi na Yeisu elana, yaka hi awanun elana avaliya ga nihi minamina, inoke lan labui Yeisu i minaa ga awan o elana, ge gamagalau hi gewi al hi abulilek Yeisu wana panpankiti kaiwena.
Yaka gamagalau hi baek yova elana hi ba, “Nige tage wam baaba ya kaiwena ge ha abulilek, he iyaka totoma wana baaba ha hago ge ha atena tunahot tau ya iya panayawi ana Topwamwal.”

Lan labui o i mowasi, yaka Yeisu labi Sameliya i eguluwai ge i nok i na labi Galili. (He Yeisu iyaka i ba haba wana tohago elal i ba, “Palopita etega totona wana panuwa gamagaliliyau nige hi aawatauwan.”) Sauga i na i vin Galili, yaka Galili gamagaliliyau Yeisu wana vin hi yaliyaya-an, kaiwena valila hi na Yelusalema Nopalegi Hagalena kaiwena ge wana ginol gegewena hi kite bolo i ginolil sauga o elana.
Yeisu i nok al i na Kena, Galili awanina, awan o elana valila wewel i pil ge i tabwa oine. Sauga o elana gamaman ana totuwalali bwabwatana etega natuna melutauina i kasiyebwa Kapeniyama elana. Sauga tau o Yeisu wasana i hago te iyaka i sikalem Yudiya ge i vin Galili, inoke i nok i na elana, ge i awanun ni nok ni na natuna ni pwamolu, kaiwena wawaya o ana kasiyebwa iyaka i pulowan.
Yeisu i baek elana i ba, “Ebo nige ginol yawiyawi ge abanuwa ahi nuku kikite, he nige nuku aabulilek.”
Yaka gamaman ana totuwalali i ba, “Tonowak, u nem ga ta na natu u kite abwe mulaa ni aliga.”
Yeisu i baek elana i ba, “U sikal, natum nige ni aaliga.”
Tau o Yeisu wana baaba i abulilek-an inoke i egon. Iya iyoho ya i nawanawa kamwasaa, yaka wana totuwalali i pwawal ge wana wasa hi pek hi ba, “Geman iyaka i molu.” Inoke i nelil hauna kilok matana elana ge natuna tuwana i heluwan, yaka hi ba, “Nolu kokoyavi wan kilok te tuwana i heluwan ge i tultul.”
Inoke wawaya tamana i nuwatu nolu kilok matana toto o elana te Yeisu i baek elana i ba, “Natum nige ni aaliga.” Yaka tau o alonau ge wana limi ana heniheni gegewel hi abulilek.
He ginol yawiyawi labuina to Yeisu i ginol sauga i sikalem Yudiya ge i na Galili.

Geere nke a ntị Diyon 4