Waima - 2002 Edition (NT) Non-Drama

Waima - 2002 Edition (NT) Drama

<div class="version vid1472 iso6393rro" data-vid="1472" data-iso6393="rro">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">'Abi Hanona Maearima Hauaninai Emai.</div><div class="p"> 1Bahabana 'akinai hanopaka a'i erama baha aonai 'Abi hanona aba ua'a, 'Abi hanona Keriso, 'Abi hana Tirama ohi temiaho, 'Abi hanona Tirama. 2Ia hana bahabana 'akinai Tirama ohi temiaho. 3Tirama ebabai tabakia ikoikiai hana 'Abi weianai terama, terama tabakia ikoikiai hanona ha kipona a'i erama. 4'Abi hanona mauri pokina, ba mauri weiana hanona maearima ekia ea. 5Ea hanona e'ara wapura aonai, ia wapura hana ea a'i nihao abuna.</div><div class="p"> 6Tirama hau ha euhuna emai, ia atana hanona Ioane. 7Ia emai maearima herekiai ea pouna kehinana, ia paunai maearima ikoikiai ea pouna kateona ba katea'ikakauma. 8Ia kipona hanona ea weiana aha'i, ia ea pouna kehinana paunai emai. 9Ea tohana hanona emai hanopakai maearima ikoinai herekiai kebaeanakia.</div><div class="p"> 10Ia hanona hanopaka aonai, hanopaka hanona ia 'eunai erama, iamo hanopaka hanona ia a'i e'iobina. 11Ia ena hanopaka tohana haukia herekia emai, ia kipona ena maearima tohakia hanona a'i tea'i taeana. 12Ia tia'i taeana mai atana tia'ikakaumana haukia ikoikiai hanona bero ebenakia Tirama nahunai kateao. 13Tirama nahunai teao haukia hanona maearima ekia rama taearanai aha'i, 'ao hauani ena nuataeai aha'i, 'ao maearima ha ena nuataeai aha'i, ia Tirama ena nuataeai terama.</div><div class="p"> 14'Abi weiana hanona maearima hauaninai emai, baiatamai ai kipokia tamiaho. Ena nuabi taihana, nuabina weiana hanona Hamana herenai emai Nahuna hamohamona 'euna, ia aonai aoko'o hoana mai 'abi tohana ebonu 'auna. 15Ioane ehore ia pouna ehinana eio etibaha, &#8220;Au pouna ahinana hauna hanona neiana, atibaha, &#8216;Au muri'uai nimai hauna etara haona'u pokina ia hauna emiaho 'uai ba au arama.&#8217;&#8221;</div><div class="p"> 16Ia aoko'o hoanai ebonu 'auna ba aika ikoikai banamo ia herenai naha'ihao a'ihaona. 17Tirama rauhubu ebenaka Mose imanai, ia aoko'o hoana mai 'abi tohana hanona Iesu Keriso herenai temai. 18Hau ha Tirama a'i eiha 'apuana, 'a Nahuna hamohamona Tirama herena 'akinai nemiaho mai ia kipona abomo Tirama, ia hauna ehore Tirama eba'iobinaka.</div><div class="s">Ba'uere Robe Hauna Ioane E'abi &#8216;Au Hanona Keriso Aha'i&#8217;.</div><div class="r">(Mt 3.1-12; Mk 1.1-8; Lk 3.1-18)</div><div class="p"> 19Weia Ierusalemai Iuda haukia apa'uakia tehore robe haukia mai Lebi haukia teuhunakia teao Ioane herena katebakaina ia hanona tai. 20Ioane a'i ebuniai ia ehina pou haraina etibaha, &#8220;Au hanona Keriso#1.20 'ao Mesia aha'i.&#8221; 21Ia tebakaina tetibaha, &#8220;Ba oi hanona tai? Oi hanona Elia?&#8221; Ia e'abi etibaha, &#8220;Au Elia aha'i.&#8221; Ia tebakai muena tetibaha, &#8220;Oi mahabanai haumu 'ao?&#8221; Ekia 'abi ebamuena etibaha, &#8220;Aha'i.&#8221; 22Ua buonai ia tehina bena tetibaha, &#8220;Mohina benamai oi hanona tai. Emu 'abi kataeaoaina teuhunamai haukia katahina benakia. Oi kipomu poumu aea nohina aihona?&#8221; 23Ioane ekia 'abi ebamuena etibaha, &#8220;Au hanona mahabanai hauna Isaia ena rererere 'abina,</div><div class="q">ia e'abi etibaha,</div><div class="q">&#8216;Aia ha hano'akunai eio hauna</div><div class="q">etibaha,</div><div class="q">Obiapaka ena ka'a taearana</div><div class="q">tomobaberona kekana.&#8217;&#8221; Isa 40.3</div><div class="p"> 24Baika hanona Parisea haukia teuhunakia haukia, 25haeamona tebakaina tetibaha, &#8220;Oi Keriso aha'i 'ao Elia aha'i 'ao mahabanai haumu aha'i raninai aehoma buonai nuba'uere robe?&#8221; 26Ioane ehina benakia etibaha, &#8220;Au beiai naba'uere robenimi, 'a wai baiatamiai a'i t&#817;o'iobina hauna ha ekoroti. 27Ia hanona muri'uai nimai, iamo ia eapa'ua ba au, ia ena tamaka warokia karubunakia abomo here'uai a'i ketaina.&#8221; 28Neiakia ikoikiai hanona Ioane Ioridana ate abirana Betaniai eba'uere robe aonai terama.</div><div class="s">Iesu Hanona Tirama Ena Mamoe Nahu.</div><div class="p"> 29Erani Ioane ehore Iesu eka'a herena nimai hanona eihana ba e'abi etibaha, &#8220;Tomoihana Tirama ena mamoe nahuna hanopaka ena ki'a ibua parena hauna. 30Maraniai au robana ahuna hauna neiana atibaha, &#8216;Muri'uai nimai hauna hanona au etara haona'u, pokina ia emiaho 'uai ba au arama.&#8217; 31Au kipo'u ia a'i a'iobina, ia au amai beiai kaba'uere robe hana ia kabawaira tinana Isaraela haukia ia kate'iobina paunai.&#8221;</div><div class="p"> 32Ba Ioane ia pouna ehinana etibaha, &#8220;Au Auba Robe aihana rauria 'abana kupai eriri ia ahanai ehiri'au. 33Au a'i a'iobi bahana, ia weiana euhuna'u beiai kaba'uere robe n&#817;a ehoma Tiramana ehina bena'u etibaha, &#8216;Ahanai Auba Robe keriri kehiri'au koihana hauna ko'iobina ia hanona Auba Robe ai keba'uere robe.&#8217; 34Au maha'uai aba aihana ba nahina pouna neiana hana Tirama Nahuna.&#8221;</div><div class="s">Iesu I'abana Haukia Kori'uaikia.</div><div class="p"> 35Erani Ioane haeamona weia i'abana haukia rua kipokia tekoroti. 36Ia Iesu nikabanai eihana raninai e'abi etibaha, &#8220;Tomoihana Tirama ena mamoe nahuna.&#8221; 37Ioane i'abana haukia rua ia e'abi aiana teona raninai teao Iesu murinai teka'a. 38Iesu eiha kabe murinai tika'a haukia eihanakia ba ebakainakia etibaha, &#8220;Wai taba t&#817;onuatae aina?&#8221; Ia ena 'abi tebamuena tetibaha, &#8220;Rapi e, oi ae'eai nomiaho?&#8221; (Maeakiai Rapi anina hanona &#8216;ba'iobi hauna.&#8217;) 39Ia ehina benakia etibaha, &#8220;Tomai tomoihana.&#8221; Ba teao ena emiaho 'ekana teihana, weiana hanona beraura ebaeno hoana bani, ia kipokia temiaho.</div><div class="p"> 40Weiakia terarua Ioane e'abi aiana teona abomo Iesu murinai teao haukia ha hanona Anderea, ia hanona Simona Petero hatina. 41Anderea beronai a'ana Simona etabu ahina ba ehina bena etibaha, &#8220;Ai Mesia aba tatabu ahina.&#8221; (Mesia anina hanona Keriso, Bamauri hauna.) 42Ba ia Simona eaoaina Iesu herena. Iesu Simona eiha 'ini 'inina e'abi etibaha, &#8220;Oi atamu hanona Simona, Ioane nahuna, bariu oi atamu kateaparina Kepa.&#8221; (Kepa hanona ihobona Petero, anina hanona pihara.)</div><div class="s">Iesu Pilipo Mai Natanaela Ohi Eaparinakia.</div><div class="p"> 43Erani Iesu enuatae keao Galilea aonai, Pilipo etabu ahina ba ehina bena etibaha, &#8220;Muri'uai omai.&#8221; 44Pilipo hanona Betesaida hauna Anderea mai Petero 'abakia. 45Pilipo ehore Natanaela etabu ahina ehina bena etibaha, &#8220;Mose rauhubu aonai pouna ererena abomo mahabanai haukia ekia pukai tererena hauna ai aba tatabu ahina. Ia hanona Nasareta hauna Iesu, Iosepa nahuna.&#8221; 46Natanaela ehore ebakai bakai, &#8220;Nasareta ai taba namona ha ua'a ha kerama ketaina, u?&#8221; Pilipo etibaha, &#8220;Omai mo, moihana.&#8221;</div><div class="p"> 47Iesu Natanaela eka'a herena nimai eihana raninai pouna ehinana, &#8220;Ia hana Isaraela hauna tohana. Ia aonai bai'oi hoana ha aha'i.&#8221; 48Natanaela ehore ebakaina, &#8220;Aea o'iobi aihona'u?&#8221; Iesu ia ena 'abi ebamuena etibaha, &#8220;Oi suke matiuna ba'anai aiha 'uaini'o ba Pilipo eaparini'o.&#8221; 49Ba Natanaela e'abi etibaha, &#8220;Ba'iobi haumu e, oi hana Tirama nahuna. Oi hana Isaraela ekia obia arana.&#8221; 50Iesu ia ehina bena etibaha, &#8220;Au a'abi suke matiuna ba'anai aihani'o buonai nua'ikakaumana'u, u? Neiana mo aha'i, wairai oi hana taba rarikia koihanakia.&#8221; 51Haeamona ehina benakia etibaha, &#8220;'Abi tohana au wai nahina benimi, kupa kekaikau Tirama ena aneru katekara'au kateriri au Maearima Nahuna aha'uai katoihanakia.&#8221;</div>
 </div>
 </div>
</div>

Bahabana 'akinai hanopaka a'i erama baha aonai 'Abi hanona aba ua'a, 'Abi hanona Keriso, 'Abi hana Tirama ohi temiaho, 'Abi hanona Tirama. Ia hana bahabana 'akinai Tirama ohi temiaho. Tirama ebabai tabakia ikoikiai hana 'Abi weianai terama, terama tabakia ikoikiai hanona ha kipona a'i erama. 'Abi hanona mauri pokina, ba mauri weiana hanona maearima ekia ea. Ea hanona e'ara wapura aonai, ia wapura hana ea a'i nihao abuna.
Tirama hau ha euhuna emai, ia atana hanona Ioane. Ia emai maearima herekiai ea pouna kehinana, ia paunai maearima ikoikiai ea pouna kateona ba katea'ikakauma. Ia kipona hanona ea weiana aha'i, ia ea pouna kehinana paunai emai. Ea tohana hanona emai hanopakai maearima ikoinai herekiai kebaeanakia.
Ia hanona hanopaka aonai, hanopaka hanona ia 'eunai erama, iamo hanopaka hanona ia a'i e'iobina. Ia ena hanopaka tohana haukia herekia emai, ia kipona ena maearima tohakia hanona a'i tea'i taeana. Ia tia'i taeana mai atana tia'ikakaumana haukia ikoikiai hanona bero ebenakia Tirama nahunai kateao. Tirama nahunai teao haukia hanona maearima ekia rama taearanai aha'i, 'ao hauani ena nuataeai aha'i, 'ao maearima ha ena nuataeai aha'i, ia Tirama ena nuataeai terama.
'Abi weiana hanona maearima hauaninai emai, baiatamai ai kipokia tamiaho. Ena nuabi taihana, nuabina weiana hanona Hamana herenai emai Nahuna hamohamona 'euna, ia aonai aoko'o hoana mai 'abi tohana ebonu 'auna. Ioane ehore ia pouna ehinana eio etibaha, “Au pouna ahinana hauna hanona neiana, atibaha, ‘Au muri'uai nimai hauna etara haona'u pokina ia hauna emiaho 'uai ba au arama.’”
Ia aoko'o hoanai ebonu 'auna ba aika ikoikai banamo ia herenai naha'ihao a'ihaona. Tirama rauhubu ebenaka Mose imanai, ia aoko'o hoana mai 'abi tohana hanona Iesu Keriso herenai temai. Hau ha Tirama a'i eiha 'apuana, 'a Nahuna hamohamona Tirama herena 'akinai nemiaho mai ia kipona abomo Tirama, ia hauna ehore Tirama eba'iobinaka.


Weia Ierusalemai Iuda haukia apa'uakia tehore robe haukia mai Lebi haukia teuhunakia teao Ioane herena katebakaina ia hanona tai. Ioane a'i ebuniai ia ehina pou haraina etibaha, “Au hanona Keriso aha'i.” Ia tebakaina tetibaha, “Ba oi hanona tai? Oi hanona Elia?” Ia e'abi etibaha, “Au Elia aha'i.” Ia tebakai muena tetibaha, “Oi mahabanai haumu 'ao?” Ekia 'abi ebamuena etibaha, “Aha'i.” Ua buonai ia tehina bena tetibaha, “Mohina benamai oi hanona tai. Emu 'abi kataeaoaina teuhunamai haukia katahina benakia. Oi kipomu poumu aea nohina aihona?” Ioane ekia 'abi ebamuena etibaha, “Au hanona mahabanai hauna Isaia ena rererere 'abina,
ia e'abi etibaha,
‘Aia ha hano'akunai eio hauna
etibaha,
Obiapaka ena ka'a taearana
tomobaberona kekana.’”
Baika hanona Parisea haukia teuhunakia haukia, haeamona tebakaina tetibaha, “Oi Keriso aha'i 'ao Elia aha'i 'ao mahabanai haumu aha'i raninai aehoma buonai nuba'uere robe?” Ioane ehina benakia etibaha, “Au beiai naba'uere robenimi, 'a wai baiatamiai a'i ṯo'iobina hauna ha ekoroti. Ia hanona muri'uai nimai, iamo ia eapa'ua ba au, ia ena tamaka warokia karubunakia abomo here'uai a'i ketaina.” Neiakia ikoikiai hanona Ioane Ioridana ate abirana Betaniai eba'uere robe aonai terama.

Erani Ioane ehore Iesu eka'a herena nimai hanona eihana ba e'abi etibaha, “Tomoihana Tirama ena mamoe nahuna hanopaka ena ki'a ibua parena hauna. Maraniai au robana ahuna hauna neiana atibaha, ‘Muri'uai nimai hauna hanona au etara haona'u, pokina ia emiaho 'uai ba au arama.’ Au kipo'u ia a'i a'iobina, ia au amai beiai kaba'uere robe hana ia kabawaira tinana Isaraela haukia ia kate'iobina paunai.”
Ba Ioane ia pouna ehinana etibaha, “Au Auba Robe aihana rauria 'abana kupai eriri ia ahanai ehiri'au. Au a'i a'iobi bahana, ia weiana euhuna'u beiai kaba'uere robe ṉa ehoma Tiramana ehina bena'u etibaha, ‘Ahanai Auba Robe keriri kehiri'au koihana hauna ko'iobina ia hanona Auba Robe ai keba'uere robe.’ Au maha'uai aba aihana ba nahina pouna neiana hana Tirama Nahuna.”

Erani Ioane haeamona weia i'abana haukia rua kipokia tekoroti. Ia Iesu nikabanai eihana raninai e'abi etibaha, “Tomoihana Tirama ena mamoe nahuna.” Ioane i'abana haukia rua ia e'abi aiana teona raninai teao Iesu murinai teka'a. Iesu eiha kabe murinai tika'a haukia eihanakia ba ebakainakia etibaha, “Wai taba ṯonuatae aina?” Ia ena 'abi tebamuena tetibaha, “Rapi e, oi ae'eai nomiaho?” (Maeakiai Rapi anina hanona ‘ba'iobi hauna.’) Ia ehina benakia etibaha, “Tomai tomoihana.” Ba teao ena emiaho 'ekana teihana, weiana hanona beraura ebaeno hoana bani, ia kipokia temiaho.
Weiakia terarua Ioane e'abi aiana teona abomo Iesu murinai teao haukia ha hanona Anderea, ia hanona Simona Petero hatina. Anderea beronai a'ana Simona etabu ahina ba ehina bena etibaha, “Ai Mesia aba tatabu ahina.” (Mesia anina hanona Keriso, Bamauri hauna.) Ba ia Simona eaoaina Iesu herena. Iesu Simona eiha 'ini 'inina e'abi etibaha, “Oi atamu hanona Simona, Ioane nahuna, bariu oi atamu kateaparina Kepa.” (Kepa hanona ihobona Petero, anina hanona pihara.)

Erani Iesu enuatae keao Galilea aonai, Pilipo etabu ahina ba ehina bena etibaha, “Muri'uai omai.” Pilipo hanona Betesaida hauna Anderea mai Petero 'abakia. Pilipo ehore Natanaela etabu ahina ehina bena etibaha, “Mose rauhubu aonai pouna ererena abomo mahabanai haukia ekia pukai tererena hauna ai aba tatabu ahina. Ia hanona Nasareta hauna Iesu, Iosepa nahuna.” Natanaela ehore ebakai bakai, “Nasareta ai taba namona ha ua'a ha kerama ketaina, u?” Pilipo etibaha, “Omai mo, moihana.”
Iesu Natanaela eka'a herena nimai eihana raninai pouna ehinana, “Ia hana Isaraela hauna tohana. Ia aonai bai'oi hoana ha aha'i.” Natanaela ehore ebakaina, “Aea o'iobi aihona'u?” Iesu ia ena 'abi ebamuena etibaha, “Oi suke matiuna ba'anai aiha 'uaini'o ba Pilipo eaparini'o.” Ba Natanaela e'abi etibaha, “Ba'iobi haumu e, oi hana Tirama nahuna. Oi hana Isaraela ekia obia arana.” Iesu ia ehina bena etibaha, “Au a'abi suke matiuna ba'anai aihani'o buonai nua'ikakaumana'u, u? Neiana mo aha'i, wairai oi hana taba rarikia koihanakia.” Haeamona ehina benakia etibaha, “'Abi tohana au wai nahina benimi, kupa kekaikau Tirama ena aneru katekara'au kateriri au Maearima Nahuna aha'uai katoihanakia.”

Geere nke a ntị Ioane 1