ዮሃኒሳ 3
3
ዬሱሳኔ ኒቆዲሞሳ
1ፋሪሳዌታ ያራፔ ጊዲዳ፥ ኣይሁዴታ ሃላቃይ፥ ኒቆዲሞሳ ጊያ ኢሲ ኣዴይ ዴዔስ። 2ኒቆዲሞሲ ቃማ ዬሱሳኮ ዪዲ፥ «ኣስታማሪያው፥ ኔኒ ፆሳይ ኪቲዳ ኣስታማሬ ጊዴይሳ ኑኒ ኤሮስ። ኣይስ ጊኮ፥ ፆሳይ ኢያራ ዶና ኢፂኮ ሃ ኔኒ ኦያ ማላታ ኦናው ዳንዳዒያ ኣሲ ባዋ» ያጊስ።
3ዬሱሲ ዛሪዲ፥ «ታኒ ኔው ቱማ ኦዳይስ፤ ኦኒካ ዛሪ ዬሌቶና ኢፂኮ ፆሳ ካዎቴ ቤዓናው ዳንዳዔና» ያጊስ።
4ኒቆዲሞሲ፥ «ጬጋ ኣሲ ዋኒዲ ዛሪ ዬሌታናው ዳንዳዒ? ባ ኣዬ ኡሎ ሲሚ ጌሊዲ ዛሪ ዬሌታናው ዳንዳዒ?» ያጊስ።
5ዬሱሲ ዛሪዲ፥ «ታኒ ኔው ቱማ ኦዳይስ፤ ኦኒካ ሃፌኔ ጌሻ ኣያናፔ ዬሌቶና ኢፂኮ፥ ፆሳ ካዎቴ ጌላናው ዳንዳዔና። 6ኣሾ ናዓቴ ኣዉፔኔ ኣዪፔ ዬስ፤ ፆሳ ናዓቴ ጌሻ ኣያናፔ ኢሜቴስ። 7ታኒ፥ ‹ሂንቴ ዛሪ ዬሌታናው ቤሴስ› ጋዳ ሂንቴው ኦዲዳ ጊሾ ኔኒ ማላሌቶፋ። 8ጫርኮይ ባ ኮዪዳ ቤሲ ጫርኬስ። ኔኒ ኢያ ኮሺንቻ ሲዓሳፔ ኣቲን ኢ ኣዉፔ ያኮ ዎይኮ ኣው ቢያኮ ኤራካ። ኣያናፔ ዬሌቲዳ ኡባይ ሄሳ ሜላ» ያጊስ።
9ያቲን ኒቆዲሞሲ፥ «ሄሲ ዋኒዲ ሃናናው ዳንዳዒ?» ያጊዲ ኦይቺስ።
10ዬሱሲ ዛሪዲ፥ «ኔኒ ኢስራዔላታ ኣስታማሬ ጊዳሼ ሃይሳ ኤሪኪ? 11ታኒ ኔው ቱማ ኦዳይስ፤ ኑ ኤሪያባ ኦዶሲኔ ቤዒዳባ ማርካቶስ፥ ሺን ኑ ማርካቴ ሂንቴ ኤኬኬታ። 12ታኒ ሂንቴው ሳዓባ ኦዲን ሂንቴ ኣማኖናባ ጊዲኮ ሳሎባ ኦዲን ዋቲ ኣማናኔ? 13ሳሎፔ ዎዳ ኣሳ ናዓፔ ኣቲን ሳሎ ኬዪዳይ ኦኒካ ባዋ፤ [ሳሎን ዴዒያ ኣሳ ናዓይ ታና]» #3፡13 ሳሎን ዴዒያ ኣሳ ናዓይ ታና፡ ኢሲ ኢሲ ቤኒ ማፃፋቲ ጉጆሶና። ያጊስ።
14-15ሙሴይ ባዞ ቢታን ቢራታ ሾሺ ካቂዳይሳዳ ታና ኣማኒዳ ኡባይ ሜሪና ዴዑዋ ኤካና ሜላ ኣሳ ናዓይ ቁ ጋናው ቤሴስ።#ታይ 21፡9
16ፆሳ ናዓ ኣማኒያ ኡባይ ሜሪና ዴዑዋ ላታናፔ ኣቲን ዮና ሜላ ፆሳይ ሃ ኣላሚያ ዳሮ ዶሲዳ ጊሾ ባ ኢሲ ናዓ ኢሚስ። 17ፆሳይ ባ ናዓ ሃ ኣላሚያ ኪቲዳይ ኣላሚያ ፒርዳናው ጊዶናሺን ኣላሚያ ኢያ ባጋራ ኣሻናሳ።
18ናዓ ኣማኒያ ኦኒካ ፒርዴቴና፥ ሺን ናዓ ኣማኖና ኦኒካ ኢሲ ፆሳ ናዓ ኣማኒቦና ጊሾ ሃዒ ፒርዴቲስ። 19ፒርዳይካ ሃይሳ፡ ፖዖይ ኣላሚያ ዪስ፥ ሺን ኣሳ ኦሶይ ኢታ ጊዲያ ጊሾ ኣሳይ ፖዑዋፔ ኣዲ ማ ዶሴስ። 20ኢታባ ኦያ ኦኒካ ፖዖ ኢፄስ። ኣይስ ጊኮ፥ ባ ኦሶይ ቆንጮና ሜላ ፖዑዋኮ ዬና። 21ሺን ቱማ ኦያ ኦኒካ ፆሳይ ኪቲዳይሳዳ ኢ ኦዳይሳ ፖዖይ ቆንጪሳና ሜላ ፖዑዋኮ ዬስ።
ዬሱሳኔ ፃማቂያ ዮሃኒሳ
22ሄሳፌ ጉዬ፥ ዬሱሲኔ ኢያ ታማሬቲ ዪሁዳ ቢታ ቢዶሶና። ዬሱሲ ያን ፃማቂሼ ኤንታራ ጉ ዎዴ ኡቲስ።
23ቃሲ ዮሃኒሲ ሳሌሜ ማታን ዴዒያ ሄኖና ጊያሶን ጊዲያ ሃ ዴዒያ ጊሾ ኣሳ ያን ፃማቄስ። ኣሳይካ ያ ቢዲ ፃማቄቶሶና። 24ሄ ዎዴ ዮሃኒሲ ቡሮ ቃሼቲቤና።#ማቶ 14፡3፤ ማር 6፡17፤ ሉቃ 3፡19-20
25ሄሳፌ ጉዬ፥ ዮሃኒሳ ታማሬቲኔ ኢሲ ኣይሁዴ ኣዴይ #3፡25 ኢሲ ኣይሁዴ ኣዴይ፡ ኢሲ ኢሲ ማፃፋቲ «ጉ ኣይሁዴ ኣሳቲ» ያጎሶና። ጌሾ ዎጋባ ፓላሚዶሶና። 26ኤንቲ ዮሃኒሳኮ ቢዲ፥ «ኣስታማሪያው፥ ዮርዳኖሴ ሻፋፔ ሄፊንን ኔራ ዴዔይሲ፥ ኔኒ ኢያባ ማርካቲዳይሲ፥ ሄኮ ፃማቄስ። ኣሳይ ኡባይካ ኢያኮ ቦሶና» ያጊዶሶና።
27ዮሃኒሲ ዛሪዲ፥ «ፆሳይ ኢሞና ኣሲ ኣይቢባካ ኤካናው ዳንዳዔና። 28‹ታኒ ኪሪስቶሳ ጊዲኬ፥ ሺን ኢያፔ ሲን ኪቴታስ› ጊዳይሳስ ሂንቴ፥ ሂንቴ ሁዔን ታው ማርካ።#ዮሃ 1፡20 29ጌሎስ ጊጊዳራ ኤኬናው ጊጊዳይሳሳ። ኤኬይሳ ላጌይ ኢያ ማታን ኤቂዲ ኢ ጌይሳ ሲዒያ ዎዴ ዳሮ ኡፋይቴስ። ሄሳ ጊሾ፥ ሃይሲ ታ ኡፋይሳይ ፖሌቲስ። 30ኢ ጊታታናው ታኒ ጉፃናው ቤሴስ» ያጊስ።
31ቦላፌ ዬይሲ ኡባፌ ቦላ። ሳዓፔ ቤንቲዳይሲ ሳዓባ። ኢ ሳዓባ ኦዴስ። ሳሎፔ ዬይሲ ኡባፌ ቦላ። 32ኢ ባ ቤዒዳባኔ ሲዒዳባ ማርካቴስ፥ ሺን ኢያ ማርካቴ ኤኬይ ባዋ። 33ኢያ ማርካቴ ኤኪያ ኦኒካ ፆሳይ ቱማ ጊዴይሳ ቆንጪሴስ። 34ፆሳይ ባ ጌሻ ኣያና ኢያው ኩሜ ኢሚያ ጊሾ ፆሳይ ኪቲዳይሲ ፆሳ ቃላ ኦዴስ። 35ኣዋይ ባ ናዓ ዶሲዲ ኡባባ ኢያ ኩሼን ዎስ።#ማቶ 11፡27፤ ሉቃ 10፡22 36ናዓ ኣማኒያ ኡራስ ሜሪና ዴዖይ ዴዔስ። ሺን ናዓ ኣማኖናይሳ ቦላ ፆሳ ሃንቆይ ዴዔሲፔ ኣቲን ኢ ዴዖ ዴሜና።
Pilihan Saat Ini:
ዮሃኒሳ 3: gofENT
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© 2011, Wycliffe Bible Translators, Inc. All rights reserved.
Pelajari Selebihnya Tentang ኦራ ጫቁዋ ጎፋ
