Matius 3
3
Yohanes Pumpudoiꞌ
(Mrk. 1:1-8, Luk. 3:3-9, 15-17, Yoh. 1:19-28)
1Pira-pira heaꞌna masainna nai anto, lumao i padang ung tunini i Yudea ti Yohanes Pumpudoiꞌ pang mampikakoang‑ming 2moa teꞌ, “Mingkatobaꞌ‑mo: se nai dosa-dosammu se, sàbaꞌ dùkuꞌ‑mo ti kadatuang suruga!”*#3:2 I Suraꞌ Matius, palleona kadatuang suruga sibali kadatuangna Puang i suraꞌ sintàna:. 3Sàbaꞌ tau dea‑mo te ti ung nipusua: mangola: nabi Yesaya moa teꞌ,
“Ara tau ung mikako-kakoang i padang ung tunini moa teꞌ,
‘Salokaꞌi‑ingko se pang pakahulo:‑ingko se dalang ti Puang!’ ”*#3:3 Yes. 40:3.
4Dea ti Yohanes mampake kayaꞌ nai hulunna unta pang salipiꞌ nai kuliꞌ,*#3:4 Ihanang nai hulunna unta mikàraꞌ. Pakeangna Yohanes Pumpudoiꞌ sibali pakeangna nabi Elia. Hele i 2Dat. 1:8. Tu Yahudi marranung bùruꞌna pole nabi Elia mangking mampumasiloso:‑ing dalang mao i Datu: Pipasalamaꞌ. Hele i Mat. 11:7-15. pang kinannena dea‑mo kakommang pang ruo:. 5Tempo to, bùruꞌ ti tau nai lipu: Yerusalem pang nasang pangalanna Yudea pang i pangalanna Uhai Yordan. 6Mangakui dosanna‑i se pang na doiꞌ Yohanes i Uhai Yordan.
7Boso: ho tu Parisi pang tu Saduki bùruꞌ mupupidoiꞌ. Hampoꞌ to na ita‑mo Yohanes, na konai: mao i dei: se teꞌ, “E dio se ung mapangae: talubammaꞌ,*#3:7 I laling pihelena tu Ibrani, talubammaꞌ nikonai: moa teꞌ mapangae: manarang, kadetu, pang mampahùling tau. Laoangna talubammaꞌ ung nipatu: i sua: tee paipo: ho. isai ti ung massuo:‑ko se mampalai‑ing kalaemu nai kalalàkangna Puang ung bùruꞌa? 8Deanna‑mo to, pupiita‑kangko se i pingkuheoꞌ-heoꞌmu teꞌ u mingkatobaꞌ‑mo se. 9Pang hau mantangaꞌ se teꞌ, ‘Ha na leoa‑kangka kalalàkangna Puang, sàbaꞌ ki hatiꞌna Abraham.’ Hang mène:‑ida to! Ku pusua: matung teꞌ, Moi nai hatu-hatu tee teng, Puang hela mampupiluhali hatiꞌna Abraham! 10Pang i latenna, uase tokana‑mo i toaꞌna lòpo:. Deanna‑mo to, nasang lòpo: ung dang manghoa:‑ing hoa: ung belo:, nitìhìnga pang nitibe mao i api. 11Ku mudoiꞌ mampake uhai miluhali tanda teꞌ u mingkatobaꞌ se nai dosa-dosammu, hampoꞌ Dea to ung bùruꞌa i hunningku, u Na doiꞌa se Pinanaha Malìsong pang api.*#3:11 Api mading manturo: kuasanna Datu: Pipasalamaꞌ massilosoi:‑ke nai dosa, dea‑raka manturo: hukungangna Puang. Làbi iaho‑Da nai koi:. Manghungkai pòteng sapatunNa pang, ha sipatu:‑kaꞌko. 12Mantokaꞌ harang ung Na pakea mantapi: nasang gandumNa. Ung kaisinna Na patamaa i laling talukung, hampoꞌ putapiangna Na sohea, pang api to harai: podaꞌna.”
Yesu na doiꞌ Yohanes
(Mrk. 1:9-11, Luk. 3:21-22, Yoh. 1:32-34)
13Tempo to, Yesu nai Galilea lumao i Yohanes i Uhai Yordan, mangking na doiꞌ. 14Hampoꞌ na apuꞌ Yohanes moa teꞌ, “Aka pùna Kinta:‑moda sule: ti ung mao i koi:? Koi:‑ko ti ung parallu na doiꞌ Tuang.”
15Hampoꞌ na sùmui Yesu teꞌ, “Eloꞌna‑mo te i latenna e. Sàbaꞌ mène:‑mo to ti ung sipatu: ta pukauꞌ mangkannaꞌi nasang pampuinahanna Puang.” Na doiꞌNa‑mi Yohanes.
16Ladu nidoiꞌ, millanto sahe: nai uhai. Tuhangkanna‑mi ti langiꞌ, pang mangita Pinanahanna Puang*#3:16 Pinanahanna Puang manturo: Pinanaha Malìsong. minguluꞌ mène: merpati mampintoàngi‑I. 17Nisàdingna‑mi ti sua: nai langiꞌ mangkonai: moa teꞌ, “Dea‑mo te ti AnakàKu ung Ku pulemu. Ku masannang tungka mao i Dea.”
Pilihan Saat Ini:
Matius 3: skx
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
