मत्ती 2

पुरूब हनवरी ज्योतिसिकू मेजेना

1हेरोदेस राजा#लूका 1:5 राजे तोलोग अहूदिया जिला राः बयतुलम गाँव रे ईसु राः जनम होया एना, #मीका 5:2; लूका 2:4-7 तहाँ ञेंल पे, पुरूब देस हनवरी केय झन ज्योतिसिकू एरुसलेम रे मेजकेन तेकू होंबोर तेडा, 2“एहूदिकू रेनिय राजा जनम केन हेंय करेया?#ईरिमयाह 23:5; जकरिया 9:9; मत्ती 27:11; मरकुस 15:2; लूका 2:11; 23:38; एहुन्‍ना 1:49; 18:33-37 कहेकि हेंय राः बारे ते लायेअय इपिल, अले पुरूब हँडे ले ञेंलकेडिया, अवुर अले हेंय जोहार वय लगड ले मेजकेना।” 3नआँ अँजोम केते हेरोदेस राजा अवुर एरुसलेम रेनकू सूकुड़दुम यनकू। 4अवुर हेंय होड़कू रेनकू सींड़ बड बडे आजककू#2 इति 36:14 अवुर एहूदी नियम चेचेडकू जवर केडकू तेय होंबोर तेडकुआ, “मसीहा#2:4 नआँ सब्द हिन्दी वरिआ, नआँ राः मतलोब हवे कि कनारा खास उदेस्य लगड भगवान राः दोवारा ते ठहरोविया चहे अभिसेकिया होड़।इबरानी भासा रे नआँ पद ईसुय ओवाडा, नेय मेजुः राः बारे ते मनाड़ंग ते भविस्यवक्‍ताकू भविस्यवाड़ी तडा। उनानी भासा ते ख्रिस्त मेनाआँ ने-ना मतलोब हवे। करेय जनामुआँ?” 5हेना वरी हेंकू हेरोदेस थरे कू कहनी तेडा, “अहूदिया जिला राः बयतुलम गाँव रेय जनामुआँ, #एहुन्‍ना 7:42 कहेकि भविस्यवक्‍ता नआँ घयतेय लिखो केडा।”

6“ओ बयतुलम, अम अहूदिया परदेस रेमा, अम कनर याःते एहूदा रेनकू अधिकारिकू मेंडे सींड़कू वरी होडिंञ कोवा मिआँ; कहेकि अम वरी मियाँहोड़ बडेअय राजा उडूंगुआ, हेंय, जेयसे चरवाह भेड़ीकुय डगरोआ, हेन घयते ईंञाःकू इसराएलिकुय डगरोआ।”#मीका 5:2 7तहाँ हेरोदेस राजा ज्योतिसिकू कलेकल ते राःकेड कुते इपिल ठीक तीमिन जुवर पे ञेंलवाडिया, मेनतेय होंबोर तेडकुआ, 8अवुर हेंय न याःते कहनी केते बयतुलम गाँव हनतेय कुलतेड कुआ, “जू, हेंय चोंडिज राः बिसेय ते बढ़ियाँ तेपे पतायू, अवुर पे ञँमेय रेदो, इंञ होपे लाय वञूँ, ताकि इंञ हो सेनकोः तेंञ जोहार वयू।”

9हेंकू राजा राः टेबोः अँजोम केतेकू चलो यनु, अवुर जे इपिल हेंकू पुरूब हँडे कू ञेंलवाडिया, हेंय हेंकू मड़ंग मड़ंग तेय सेनतेडा; अवुर जे जघा रे चोंडिज दोहो एना, हेन थव रे तयाः केतेय चड़ाँ यनु। 10हेंय इपिल ञेंलकेते हेंकू अखीर कू खुसी एना। 11हेंकू हेना ओड़ाः तयाः केते बले इंगत मरियोम सुदा कू ञेंलतेडिया, अवुर हेंकू लोजोर केनते बलेकू जोहार वडिया, #एसा 60:3 अवुर अपन अपन बटू वरी हेंय लगड अखीर किमती चीज सोना, लोबान#एसा 60:6 अवुर गन्धरस राः भेंट कू रकब तेडा। 12तहाँ हेरोदेस थरे अलोपे मिड़ाः मेनते, हेंकू सपन रे चेतोनी#मत्ती 27:19; इबरानी 8:5; 11:7 ञँमेना, हेना वरी हेंकू एटाः होर ते अनाकू राः देस हनतेकू मिड़ाः चलो एना।

मिसरी देस कू चलो एना

13हेंकू चलोयन राः बाद रे उसुफ थरे परभु रेनिय मियाँटंग सरगदूत सपन रे मेजकेन तेय कहनी वडियू, “रिमुःमी, नेय बले अवुर इंगत सुदा अम मिसरी देस हनतेम ञींरू; अवुर इंञ अनायीनिंञ कहनी वम मेन दिन हें-डेम दोहोनू, कहेकि हेरोदेस राजा नेय बले छपा ञँम केयतेय ञेंड गोजेय मेनते।”

हेरोदेस राः दोवारा ते होडहोडिंञ चोंडिजकू ञेंडेना

14तहाँ हेंय ञीनिंद रिमकेनते बले अवुर इंगत सुदा मिसरी देस हनतेय चलो यनु। 15अवुर हेरोदेस अनायिन गोजुः मेन दिन हेन हँडेय दोहो एना। हेनाते परभु, भविस्यवक्‍ता राः दोवारा तेय कहनी तड हेना टेबोः पूरा होया एना। हेना टेबोः नआँ घयतेआ, “इंञ होपोनिंञ मिसरी देस वरिंञ राःकेडिया।”#होसे 11:1

16हेरोदेस राजा ज्योतिसिकू इंञ कू छरो केडा मेनाआँ ञेंल तेय धको यनु। अवुर सिपाहिकू कुलकेते, ज्योतिसिकू लाय तडा सही सही समय राः अनुसार ते बयतुलम अवुर आस पास रेनकू कोड़ा चोंडिजकू भर दोय एर ञेंड गोजतेड कू दोहो एनु। अवुर नेंकू दूदुय साल तेनकू अवुर हेना वरी हो होड होडिंञकू दोहो एना। 17तहाँ जे टेबोः ईरिमयाह भविस्यवक्‍ता राः दोवारा तेय कहनी तड हेना पूरा होया एना, हेना टेबोः नआँ याःतेआ, 18“रामाह गाँव रे ईयाम अवुर अखीर दुख राः मियाँटंग आवाज अँजोम एना;

राहेल चोंडिज कुतय लगाडिय ईयाम दोहो एनु,

अवुर मेने असेन गिसन गडिया, कहेकि हेंकू अब कोवा कुआ।”#ईरिमयाह 31:15

मिसरी देस वरी कू मिड़ाआ

19हेरोदेस गोजकेन रे, परभु रेनिय सरगदूत मिसरी देस रे उसुफ थरे सपन रे मेजकेन तेय कहनी तेडा, 20“रिमुःमी, बले अवुर इंगत सुदा अम इसराएलिकू देस हनतेम चलोऊ, कहेकि बले ञेंड गोज मेनते कू उनेहतन हेंकू, गोजियानकू।” 21हेंय रिमकेनते, बले तेकींञ इंगा होन सुदा इसराएलिकू देस हनतेय चलो एना। 22लेकिन हेंय अरखिलाउस अनेज अपत हेरोदेस राः जघा अहूदिया रेय राज यडा मेनाअय अँजोम तेडा, तहाँ हेना सेनुः लगाडिय बोरो एना। हेना वरी फेर सपन रे चेतोनी ञँमकेते, गलील परदेस हनतेय चलो एना, 23अवुर नसरेत मेनते कू ञुमू तडा हेना गाँव रे सेनकेन तेय बसो एना, ताकि भविस्यवक्‍ताकू राः दोवारा ते न याःते कहनी तड हेना टेबोः पूरा होयाऊ, “हेंय नासरी#2:23 डाँड़ मेनतेय कू कहनी वया।”#मरकुस 1:9,24; लूका 2:39,51; 4:16; एहुन्‍ना 1:45,46

Pilihan Saat Ini:

मत्ती 2: ksz

Sorotan

Berbagi

Salin