मत्ती 3
3
बतिस्मा देबावाळा यहुन्ना का काम
(मरकुस 1:1–8; लूका 3:1–18; यहुन्ना 1:19–28)
1वाँ दनाँ में बतिस्मा देबावालो यहुन्नो यहूदियाँ परदेस का हुन्ना काँकड़ में आयो, 2#मत्ती 4:17; मर 1:15अन परच्यार करबा लागो, “पापऊँ मन फेरो, काँके हरग को राज#3:2 हरग को राज परमेसर के राज करबा को राज। आबावाळो हे।” 3#यसा 40:3यो यहुन्नो वोईस हो जिंका वाते परमेसर का आड़ीऊँ बोलबावाळे यसाया बताते तके क्यो हो के,
“हुन्ना काँकड़ में एक बोलबावाळा को हाको हुणारियो हो के,
‘परबू को गेलो त्यार करो
अन वींकी हड़क हुदी करो।’”
4यहुन्नो का गाबा ऊँट की ऊन का बण्या तका हा अन वणी कमर में खालड़ा को कमरपट्यो बांद मेल्यो हो। टिड़्या अन हुन्ना काकड़ को हेंत वींको खाणो हो। 5तद्याँ यरूसलेम अन हाराई यहूदियाँ का मनक अन यरदन नंदी का अड़े-भड़े का मनक वींका नके आन अगेटा व्या। 6वाँकाणी आपणाँ पापाँ ने मान्याँ अन यरदन नंदी में यहुन्ने आपणाँ हाताऊँ वाँने बतिस्मो दिदो।
7 #
मत्ती 12:34; 23:33 जद्याँ यहुन्ने यो देक्यो के, नरई फरीसी अन सदुकी#3:7 सदुकी मनक यहूदी मनकाँ को एक अस्यो समू हे, ज्यो किंके मर जाया केड़े पाछो जीवतो वेवे हे, ईं बात ने ईं ने माने हे। वाँका नके बतिस्मो लेबा ने आरिया हे तो वणी वाँकाऊँ क्यो, “ओ, हाँप का बच्या। थाँने कणी हेंचेत कर दिदा हे के, थाँ परमेसर की आबावाळी रीसऊँ बंच निकळो? 8थाँने ईं बात को परमाण देणो पड़ी के, हाचेई थाँका मन बदल्या हे के कोयने। 9#यहु 8:33अन आपणाँ-आपणाँ मन में यो ने होचो के, ‘आपीं अबराम का बंसज हा’ काँके, मूँ थाँकाणी केवूँ हूँ के, परमेसर अबराम का वाते अणा भाटाऊँ भी बाळक पेदा कर सके हे। 10#मत्ती 7:19अबे रूँकड़ा की जड़ा में कराड़ो मेल दिदो ग्यो हे अन ज्यो हव फल ने देवे हे वाँने काट दिदा जाई। 11मूँ तो थाँने मन फेरबा का वाते पाणीऊँ बतिस्मो दूँ हूँ पण वीं ज्यो मारा केड़े आबावाळो हे, वो माराऊँ भी हेलो मोटो हे। मूँ तो वाँका पगरख्याँ का कसणा खोलबा के जोगो भी ने हूँ। वो थाँने पुवितर आत्मा अन वादीऊँ बतिस्मो देई। 12वींका हाताँ में वींको हुपड़ो हे जणीऊँ वो धानऊँ हुंकला ने अलग करी अन आपणाँ खेत मेंऊँ होजा किदो तका गव भेळा करन, कोठा में भरी अन हुंकला ने वीं वादी में बाळी, ज्याँ कदी ने बजे हे।”
ईसू को यहुन्नाऊँ बतिस्मो लेणो
(मरकुस 1:9–11; लूका 3:21–22)
13वीं टेम ईसू गलीलऊँ चालन यरदन नंदी का कनारे यहुन्ना का नके बतिस्मो लेबा ने आया। 14पण यहुन्ने ईसू ने रोकता तके क्यो के, “मने तो खुद थाँराऊँ बतिस्मो लेबा की जरूत हे, तो पछे थूँ मारा नके काँ आयो हे?”
15ईसू वींने क्यो, “अबाणू तो अस्यानीस वेबा दे। माने ज्यो परमेसर छावे हे वींने पूरो करबा का वाते योईस करणो हे।” तद्याँ यहुन्ने वींकी बात मान लिदी।
16अन तद्याँ ईसू बतिस्मो लिदो अन जस्यानी वो पाणीऊँ बारणे आयो तो आकास खुलग्यो अन वणी परमेसर की आत्माने एक परेवड़ा का जस्यान रेटे उतरती अन आपणाँ माता पे आती देकी। 17#उत्प 22:2; भज 2:7; यसा 42:1; मत्ती 12:18; 17:5; मर 1:11; लूका 9:35तद्याँ आ आकासवाणी वी के, “यो मारो लाड़लो पूत हे, जणीऊँ मूँ घणो राजी हूँ।”
Pilihan Saat Ini:
मत्ती 3: एम टी आर
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
(c) 2010-2017, New Life Computer Institute. All rights reserved
