ମାତିଉ 7
7
ଆଇ ଲୋକାଙ୍ଗ୍ ବିସାର୍କିନିକା
(ଲୁକ ୬:୩୭-୩୮,୪୧-୪୨)
1“ଆଇୱାରି ଦସ୍ ପୟ୍ଜିବୁଲାମାଟ୍ । ଆରିଙ୍ଗ୍ ମାପୁରୁ ବା ମି ଦସ୍ ଆସ୍ଏନ୍ ।” 2#ମାର୍କ ୪:୨୪.ଆଇୱାରି ଦସ୍ ବିସୟ୍ତାନ୍ ମିର୍ ଏଣ୍ତେସ୍ ବିସାର୍ କିଜିମାନିଦେର୍, ମାପୁରୁ ଆୟାୱାଜା ମି ବିସାର୍ କିନାନ୍ । ମିର୍ ଆଇୱାରି ଉଣ୍ତିଙ୍ଗ୍ ଏମେ ନିୟମ୍ କିନିଦେର୍, ଆୟା ନିୟମ୍ ମାପୁରୁ ମି ଉଣ୍ତିଙ୍ଗ୍ ବା କିନାନ୍ । 3ମି କାଣ୍ଗାଦୁ କାଣ୍ତିପିଲା ମାନିୱାଲେ ଏନ୍ଧା ମି ତଡ଼ାନ୍ତି କାଣ୍ଗାଦୁ ମାନି ଇସ୍ରିକାସ୍ରାଦି ଉଣ୍ତିଙ୍ଗ୍ ମିର୍ ଏନ୍ଦା ମନ୍ସିଜିନିଦେର୍ ? 4ନିଜେଦି କାଣ୍ଗାଦୁ କାଣ୍ତିପିଲା ମାନ୍ବୁ ମାନ୍ବୁ ମିର୍ ଆମା ସାହାସ୍ତାନ୍ ମି ତଡ଼ାନ୍ତି କାଣ୍ଗାଦାନ୍ ଇସ୍ରିକାସ୍ରା କାଣ୍ତିଦିଙ୍ଗ୍ କୁତ୍ନା ପୋକ୍ନାପ୍ ଇଜି ଇଜିନିଦେର୍ ? 5ଏ ପୁଲାପୁଲି କିନିକିନ୍ଦେର୍ ! ମି କାଣ୍ଗାଦାନ୍ କାଣ୍ତିପିଲାଦିଙ୍ଗ୍ ଆଗ୍ଡ଼ି ସପ୍ସ ପକ୍ତୁ । ଆରିଙ୍ଗ୍ ମି ତଡ଼ାନ୍ତି କାଣ୍ଗାଦୁ ମାନି ଇସ୍ରିକାସ୍ରା କାଣ୍ତିଦିଙ୍ଗ୍ ମିର୍ ଉସାସ୍ତାନ୍ ସୁଡ଼୍ଜି କୁତ୍ତେଙ୍ଗ୍ ଆଟ୍ନିଦେର୍ ।
6ନୁକୁଡ଼ିଆଙ୍ଗ୍ଁ ପବିତ୍ର କାଦି ସିମାଟ୍ । ଇରିଙ୍ଗ୍ ୱାକ୍ ମାର୍ଜି ମିଙ୍ଗିଁ କାଟ୍ନେପକ୍ନେ । ପାନ୍ଣ୍ତ୍ରିଙ୍ଗାଁ ଆଗ୍ଡ଼ି ୱେଣ୍ତି ପକ୍ମାଟ୍ । ତାନି ଦାରା ବୁଜାଏଣ୍ତା ତାନିଙ୍ଗ୍ ୱାକ୍ କେବଲ୍ ପାଦାମ୍ତୁ ମାଟ୍ନାପକ୍ନାତ୍ ।
ଲୋସ୍ତୁ, ପୟ୍ଦୁ ମାରି ସେର୍ଲାଦୁ କତ୍ତୁ
(ଲୁକ ୧୧:୯-୧୩)
7ଲୋସ୍ତୁ, ଆରିଙ୍ଗ୍ ମିଙ୍ଗିଁ ସିଆଇଆନାତ୍; ପୟ୍ଦୁ ମିର୍ ପୟ୍ନିଦେର୍; ସେର୍ଲାଦୁ କତ୍ତୁ, ଆବେଟ୍କୁ ମି ଉଣ୍ତିଙ୍ଗ୍ ସେର୍ଲା ରେନାସିନାନ୍ । 8ଏନ୍ ଲୋସ୍ନାନ୍, ୱାନିଙ୍ଗ୍ ସିଆଇଆନାତ୍; ଏନ୍ ପୟ୍ନାନ୍, ୱାନ୍ ପୟ୍ନାନ୍; ଏନ୍ ସେର୍ଲାଦୁ କତ୍ନାନ୍, ୱାନି ଉଣ୍ତିଙ୍ଗ୍ ସେର୍ଲା ରେଆଇଆନାତ୍ । 9ମି ଲୋଇ ଇୟାୱାଜା ଏମେ ବୁବା ମାନାନ୍, ଏନ୍ ନିଜେଦି କଡ଼ ରୁଟି ଲୋସ୍ତିଙ୍ଗ୍ ୱାନିଙ୍ଗ୍ କାଲୁ ସିନାନ୍ ? 10ମାରି ୱାନ୍ ମିନି ଲୋସ୍ତିଙ୍ଗ୍ ୱାନିଙ୍ଗ୍ ଇନିକା ସାରାସ୍ ସିନାନ୍ ? 11ମିର୍ ତାଗ୍ଇ ଲୋକୁ ଆତିଙ୍ଗ୍ବା ଏସ୍ତିୱାଲେ ନିଜେଦି ନିଜେଦି କଡ଼ରିଙ୍ଗ୍ ନେଗି ନେଗି ଜିନିସ୍ ସିଦେଙ୍ଗ୍ ନେସ୍ନିଦେର୍, ଆରିଙ୍ଗ୍ ମି ମୁସ୍କୁପୁର୍ତି ବୁବା ୱାନି ମାନୁ ଲୋସ୍ନି ଲୋକାଙ୍ଗ୍ ଏସ ନାଣ୍ତ ନେଗି ନେଗି ଜିନିସ୍ ସିଏନ୍ନ !
12ମି ଉଣ୍ତିଙ୍ଗ୍ ଆଇକାର୍ ଆମାକା କିପିର୍ ଇଜି ମିର୍ ବଦା କିନିଦେର୍, ମିର୍ ଆଇୱାରି ଉଣ୍ତିଙ୍ଗ୍ ଆୟାୱାଜା କିଦୁ । ଇରିଙ୍ଗ୍ ମସା ସିତିମାନି ନିୟମ୍ ନି ବାବବାଦିରି ଦାର୍ମୁସାସ୍ତ୍ରଦି ସିକିୟା ଆଜିନାତ୍, ତେନି ସତ୍ ମାଟା ।
ସିପଡ଼ି ସାରି
(ଲୁକ ୧୩:୨୪)
13ସିପଡ଼ି ସେର୍ଲା ସିଜି ସାନ୍ଡ୍ରୁ । ଇରିଙ୍ଗ୍ ସାନି ସାରିଦୁ ଅନି ନରକଦି ସାରି ଅସାର୍ ନି ପେରିକା । ନାଣ୍ତ ଲୋକୁ ଆୟା ସାରି ସିଜି ସନାର୍ । 14ମାତର୍ ଏସାଙ୍ଗ୍ ୱିଜ୍ଇ ଜିବନ୍ତୁ ସନି ରାସ୍ତା ଆଟ୍ୱା ମାରି ତାନି ସେର୍ଲା ସିପଡ଼ି ମାରି ବେସିଉଣା ଲୋକୁ ଇୟା ସାରି ପୟ୍ଜି ପୟ୍ନାର୍ ।
ମାରାନ୍ ନି ତାନି ପଲ୍
(ଲୁକ ୬:୪୩-୪୪)
15ବଣ୍ତ ବାବବାଦିରି ମାଣ୍କୁ ସାବ୍ଦାନ୍ ! ୱାର୍ ଆତ୍ରେ ମେଣ୍ତାଦିରୁପ୍ ୱାଜା ତରାନାର୍, ମାତର୍ ୱାର୍ ମନ୍ତୁ ଉଣ୍ତ୍ରି ଉଣ୍ତ୍ରି ବେନ୍ଡ୍ର ୱାଜା । 16ୱାରି ପାଣିସୁଣିଦାନ୍ ମିର୍ ୱାରିଙ୍ଗ୍ ସିନିସ୍କିନିଦେର୍ । ସାମ୍ ଦୁପାଦୁ ଅଙ୍ଗୁର୍ ଆସ୍ଏତ୍ ମାରି କଡ଼ି ମାରାତୁ ତଗା ପଲ୍ ଆସ୍ଏତ୍ । 17ନେଗି ମାରାତୁ ନେଗି ପଲ୍ ଆସ୍ନାତ୍ । ତାଗ୍ଇ ମାରାତୁ ତାଗ୍ଇ ପଲ୍ ଆସ୍ନାତ୍ । 18ନେଗି ମାରାତୁ ତାଗ୍ଇ ପଲ୍ ଆସ୍ଏତ୍ ବା ତାଗ୍ଇ ମାରାତୁ ନେଗି ପଲ୍ ଆସ୍ଏତ୍ । 19#ମାତିଉ ୩:୧୦; ଲୁକ ୩:୯.ନେଗି ପଲ୍ ଆସ୍ଏତିଙ୍ଗ୍ ମାରାନ୍ କାତାଇଆଜି ସିସୁଦୁ ପକାୟ୍ ଆନାତ୍ । 20#ମାତିଉ ୧୨:୩୩.ଆୟାୱାଜା ବଣ୍ତ ବାବବାଦିରି ପାଣିସାଣିଦାନ୍ ୱାରିଙ୍ଗ୍ ମିର୍ ସିନିସ୍କିଦେଙ୍ଗ୍ ଆଟ୍ନିଦେର୍ ।
ନାନ୍ ମିଙ୍ଗିଁ ଏସାଙ୍ଗ୍ ନେସେଏ
(ଲୁକ ୬:୨୫-୨୭)
21ଏମେକାର୍ ନାଙ୍ଗିଁ ପ୍ରବୁ, ପ୍ରବୁ, ଇଜି କୁକ୍ନାର୍, ୱାରି ମାଣ୍କୁ ୱିଜେରେ ମୁସ୍କୁପୁର୍ତୁ ଡ଼ୁଗୁଦେଙ୍ଗ୍ ଆଟ୍ଏର୍ । ଏମେକାର୍ ନା ମୁସ୍କୁପୁର୍ତି ବୁବାଦି ବଦାଦାନ୍ ପାଣି କିନାର୍, କେବଲ୍ ୱାର୍ ମୁସ୍କୁପୁର୍ତୁ ଡ଼ୁଗୁଦେଙ୍ଗ୍ ଆଟ୍ନାର୍ । 22ମାପୁରୁଦି ବିସାର୍ ଦିନ୍ ଇଗା ୱାତିଙ୍ଗ୍ ୱିଜେରେ ନାଙ୍ଗିଁ ଇନାର୍, ପ୍ରବୁ, ପ୍ରବୁ, ନି ଦର୍ତାନ୍ ମାପ୍ ଇନିକା ବାବବାଦିର୍ ମାପୁରୁଦି ନେଗିକାବୁର୍ ୱେର୍ଏପ୍ମାର୍ହାପ୍, ପ୍ରବୁ, ନି ଦର୍ତାନ୍ ଦୁବେଙ୍ଗ୍ ଡ଼ିସିସ୍ତାମାର୍ହାପ୍ ମାରି ନାଣ୍ତ କାବାଆନି ପାଣି କିତାମାର୍ହାପ୍ । 23ନାସ୍ତିୱାଲେ ୱାରିଙ୍ଗ୍ ନାନ୍ ଇନା, ମିଙ୍ଗିଁ ନାନ୍ ଏସାଙ୍ଗ୍ ନେସେଏ । ଏ ତାଗ୍ଇ ପାଣିକିନି ୱିଜେରେ ନା ଲାକ୍ତୁରାନ୍ ଆକ ଆଦୁ !
ରିଏର୍ ଇଲୁ ରସ୍ନିକାର୍
(ଲୁକ ୬:୪୭-୪୯)
24“ଏନ୍ ନା ମାଟା ୱେନ୍ଞ୍ଜି ମାନାନାନ୍, ୱାନ୍ ପିଡ଼ିପି ମୁସ୍କୁ ଇଲୁ ତର୍ତିମାନି ବୁଦିମାନି ଲୋକୁ ୱାଜା । 25ନାଣ୍ତ ପିରୁ ୱାତାତ୍, ଗାଡାଦି ଏର୍ ପୁରୁଣ୍ ଆଜିସର୍ହାତ୍ ମାରି ଆୟା ଇଲୁ ମୁସ୍କୁ ନାଣ୍ତ ଡାକ୍ତାତ୍ ଗାଲି ୱାତାତ୍, ମାତର୍ ଆୟା ଇଲୁଦି ମୁଲ୍କୁନାଦି ୱିର୍ଜ୍ଏତାତ୍ ।
26“ମାତର୍ ଏମେକାର୍ ନା ମାଟା ୱେନ୍ଞ୍ଜି ମାନାଏନ୍, ୱାର୍ ବାଲିବୁମି ମୁସ୍କୁ ଇଲୁ ରସ୍ତିମାନି ମୁର୍କୁ ୱାଜା । 27ନାଣ୍ତ ପିରୁ ୱାତାତ୍, ଗାଡା ଏରୁ ପାଡ଼ି ସତେ । ନାଣ୍ତ ଗାଲି ୱାତାତ୍ ମାରି ଇଲୁ ୱିର୍ଜିତାତ୍ । ଆକା ଏସା ବୟ୍ଙ୍କାର୍ ସତେ ।”
ଜିସୁଦି ଅଦିକାର୍
28 #
ମାର୍କ ୧:୨୨; ଲୁକ ୪:୩୨. ଜିସୁ ଇୟାୱିଜୁ ମାଟା ଇର୍ଇୱିସ୍ତି ୱେନ୍କା, ଲୋକ୍ ୱିଜେରେ ୱାନି ସିକିୟାଦିଙ୍ଗ୍ କାବାଆତାର୍ । 29ଜିସୁ ଆଇ ଦାର୍ମୁଗୁରୁରି ୱାଜା ସିକିୟା ସିଏନ୍ଣ୍ତା ଅଦିକାର୍ ପୟ୍ତିମାନି ଲୋକ୍ତି ୱାଜା ସିକିୟା ସିଜିମାର୍ହାନ୍ ।
Pilihan Saat Ini:
ମାତିଉ 7: NTKoo20
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
The New Testament in Konda Porja Language © The Word for the World International and Konda Porja Translation Samithi, Dasamanthpur, Odisha 2020
