မၤတၢ် 9:17-18

အန့ၣ်သတးဒီး, စီၤအနၤနံလဲၤဝဲဒီးလဲၤနုာ်ဝဲဆူဟံၣ်လၢ စီၤစီလူးအိၣ်ဝဲလၢအပူၤန့ၣ်လီၤ. အဝဲဒၣ်ပာ်ထီၣ်အစုလၢစီၤစီလူးအလိၤဒီးစံးဘၣ်အီၤ, “ယဒီပုၢ်ဝဲၢ်စီၤစီလူးဧၢ, ကစၢ်ယ့ၣ်ၡူးလၢနထံၣ်ဘၣ်အီၤလၢ ကျဲလၢနဟဲန့ၣ်, မၢလီၤယၤလၢနကထံၣ်ထီၣ်က့ၤတၢ်ဒီး နကလၢထီၣ်ပှဲၤထီၣ်ဒီးသးစီဆှံအဂီၢ်လီၤ.” တကီၢ်ခါဖဲန့ၣ်, တၢ်လၢအလီၤဂာ်ဒီးညၣ်သဒံၣ်တဖၣ်ဟဲလီၤတဲာ်ကွံာ်လၢစီၤ စီလူးအမဲာ်ချံဒီးအဝဲဒၣ်ထံၣ်ထီၣ်က့ၤတၢ်လီၤ. အဝဲဒၣ်ဂဲၤဆၢထၢၣ်ဒီးဘၣ်တၢ်ဘျၢအီၤလၢထံလီၤ.