Matiu 1

Jisas ile velpoling ake ru a ulue

(Vonge 1:1–4:16)

Jisas ititeviere oionre.

(Luk 3:23-38)

1Ake ini a Jisas Krais ititeviere oionre. Jisas ini a Devit itevinga na Devit ini a Abraham itevinga.

2Na Abraham ini a Aisak itema.

Na Aisak ini a Jekop itema.

Na Jekop ini a Juda ome ititeinre otema.

3Na Juda ini a Peres ome a Sera otema, na onina ini a Tamar.

Na Peres ini a Hesron itema.

Na Hesron ini a Ram itema.

4Na Ram ini a Aminadap itema.

Na Aminadap ini a Nason itema.

Na Nason ini a Salmon itema.

5Na Salmon ini a Boas itema, na inina ini a Rahap.

Na Boas ini a Obet itema, na inina ini a Rut.

Na Obet ini a Jesi itema.

6Na Jesi ini a Nepes a Devit itema.

Na Devit ini a Solomon itema.

Na Solomon inina ini a Batsiba ako Devit i pamuespot i a Uria nge.

7Na Solomon ini a Rehoboam itema.

Na Rehoboam ini a Abija itema.

Na Abija ini a Asa itema.

8Na Asa ini a Jehosapat itema.

Na Jehosapat ini a Jehoram itema.

Na Jehoram ini a Usia itema.

9Na Usia ini a Jotam itema.

Na Jotam ini a Ahas itema.

Na Ahas ini a Hesekia itema.

10Na Hesekia ini a Manase itema.

Na Manase ini a Emon itema.

Na Emon ini a Josaia itema.

11Na Josaia ini a Jehoiakin ome ititeinre otema.

Na nge wop lemi aken Babilonre o pun tomo e Israelre ma o wolpot ir a Babilon la.

12Babilonre o wolpot Israelre lale a Babilon la, ma Israelre ole vothong a Babilon i patea nge a Jehoiakin.

Na Jehoiakin ini a Sealtiel itema.

Na Sealtiel ini a Serubabel itema.

13Na Serubabel ini a Abiut itema.

Na Abiut ini a Eliakim itema.

Na Eliakim ini a Asor itema.

14Na Asor ini a Sadok itema.

Na Sadok ini a Akim itema.

Na Akim ini a Eliut itema.

15Na Eliut ini a Eleasar itema.

Na Eleasar ini a Matan itema.

Na Matan ini a Jekop itema.

16Na Jekop ini a Josep itema.

Na Josep ini toko ako iewo sengenga ini a Maria ako i pop a Jisas, ini toko aken te apeta i ini a Mesaia, ini toko ako God i ateal i ve aro i el werer ile tokokoere.

17Jisas ititeviere ako i patea nge a Abraham ma me i mulalu nge a Devit kene or ini toko or mule pa omole pothoi or penel. Na i patea mun nge a Devit ma me i mulalu nge owolpotnga a Babilon kene or ini toko or mule pa omole pothoi or penel. Na i patea mun nge owolpotnga a Babilon ma me i mulalu nge a Krais ile velpoling kene or ini toko or mule pa omole pothoi or penel mun.

Jisas ipopnga.

18Jisas Krais ipopnga kene i velpol vene: Inina Maria o ateal i ve aro i ewoa a Josep, ave o ela pel rongan, na tokokoere o thepol ako Maria iopo lale. Ini Oni Riringa ile omaing a i nge ma iopo. 19Na iewo a Josep ini toko vengvenga ma ini plong ve aro i palemara a Maria a tokokoere otheki, mako ilemi ve aro i mothong kine i.

20Rongan Josep ilemi rum nge aken, nako Toko Pomnga ile ensel i velpoltun i nge ile oni theong, ma i ria i ve, “Josep, Nepes a Devit itevinga, mothong tova lomum kerenga nge a Maria ielanga mo ini ewom. Ke Maria iopo aken nge Oni Riringa ile omaing. 21Aro i pop itun tomonnga e, naro ong apeta iion a Jisas ako i mirenga ve, ‘Pamimionga’, eneke aro i el werer ile tokokoere nge ole vothung kerengare.”

22Na ur alavusnga areken o velpol vene re ake, mo i pavelpol nunganga

ur alavusnga ako Toko Pomnga ile riong elnga i ri nge ve,

23“Ovote ako i ngo tomo e toko rongan

aro iopo mo i pop itun tomonnga e,

naro o apeta iion a Emanuel.”

Ako i mirenga ve, “God i voth tomo nge it.” Aisaia 7:14

24Mako Josep i vurpola ma i ewoa ol a Maria ranga ve ako Toko Pomnga ile ensel i ritet a i nge lale. Ma i peange e iewo sengenga ma i wol i a ile vel la. 25Ave o ngo tomo e pel avele, i pavurvur ako la i pop itun tomonnga aken, mako Josep i apeta iion a Jisas.

Pilihan Saat Ini:

Matiu 1: mhb

Sorotan

Berbagi

Salin