Ayat-ayat Alkitab Ternama dari Mahte 21

Berbagi

Nungmoq, lumjíng myit èq dung kô é nghut jáng, haî dûng le le wó yû kó râ nghut lhê." ga tû taî ri.

Yesuq gi, "Ngò, nungmoq lé teng za taí kôlé, nungmoq, úng-âng é myit a bo é za, lumjíng kô é nghut le gi, maihpáng gâm má Ngò kut é muzó lé, nungmoq wó kut kó râ nghut é htoq agó, bùm shî lé, 'Htot mù, wuimau má ló gyó wâng aq.' ga taí jáng, taî é eq rajung za dut râ nghut lhê.

Yhâng é hí má htâng má châng sô nyi bum é bang gi, "Dawiq é Yhangzo gi, hosana nghut nyî sháng gaq ô!" "Haû Yhumsing é myìng mai jé lé lô Sû gi, hkungsô wó nyî sháng gaq ô!" "Htoq tsáng myhâng má, hosana nghut nyî sháng gaq ô!" ga luî, taî garû bum akô nghut ri.

Haú hkûn, Yhang gi, "'Ngá yhûm gi, kyûdung yhûm ga râ nghut lhê.' ga kâ to kôlhang, nungmoq gi, jowò shî lé 'damyaq hkyûng' kut nyi akô." ga, yhangmoq lé taî ri.

Myiqhtoi dang haû gi, "Zi-un byizo lé, shî su nghû keq; 'Wú aq, náng é hkohkâm gi, nú-nhâm é myit eq logúng htoq má ji mù, nghut bê, logúng zo htoq má ji mù, náng chyáng lé lô bê nghut ri.'" gâ ri.

Haû jáng, Yesuq dum taî é gi, "Chyúmdang má, 'Yhûm saí bâng èq hkyin htoq pyâm é luqgok gi, htungchyûn mâ é ahkyak dik é luqgok dut bê. Shí hkyô gi, haû Yhumsîng kut é nghut luî, nga-nhûng é myoq hí má mauhpo dut bê nghut ri.' ga bo tô é lé, nungmoq a nghap wú kó lhú?

Haû mù, Ngò, nungmoq lé taí kôlé, Garai Gasâng é mingdán lé, nungmoq chyáng mai yù mù, hau é ashi wó zui râ byuhú lé byî pyám râ nghut lhê.