Ayat-ayat Alkitab Ternama dari KAOBAK 17

Berbagi

Hobaje ladang Abram po anjinngao to gü onkei, BUNYUBOU hao jungto longan laukei, “Ngo pendou Thükenbou Mühghaü, kü thedanga paiashi, hoba ashedko kishi.

Touje kaibü nyen Abram anyenlabü, lausikei Abraham dogo nyenlabü, aieilausi phang juongeibü bou ngei no yeitia.

“Hobaje ka shanga hoba ka phainei kaibü thensilen shanga Mühghaü kila shanga seti kanglanga hoba ka phainei kaibü thensilen ham kanglanga meten pendoua thon akibü theyolanyobü kila shanga ngeibü thesilan kümlabü.

“Chühashi, ngeibü thesilan ka yoa kia, hoba ho phang juongeibü bou la yeilabü.

Hobaje Mühghaüei laukei, “Aying, kayak Saraei ka la jayangshou che bukkulabü, hoba nyi hao nyen Isak dogo nyenkulabü; hoba hao phainei haoeibü lilabü shanga thon akibü theyolanyobü kilabü lele ngei hao yoa ngeibü thebülanbü kümlabü.

Hobaje ngei ka la hoba ka phainei kaibü thensilen la, no paishang kaodak, Kanan kaodak pendou, ponpen kaneibü yingla kulabü, hoba ngo haoeneibü Mühghaü kilabü.”

Kheijinei Abraham the khüman nyikei hoba haoeibü maanga laukei, “Müt che bukan po saongao onan bousushou buklep lo? Hobaje Sara po anjinngao onan saoei shou buklep lo?”

Hobaje Mühghaüei Abraham to laukei, “Kayak Sarai shangakei saoeibü nyen Sarai dogo tenyen, lausikei sao Sara dogo kilabü.

Kan kiplabü, hoba ho ngo hoba kan kanglanga thebülanbü tetsida kilabü.

Lausikei Isak, ao Saraei ngiempo ho jih tükdea buklabü ki, hao yoa ngeibü thesilan kümlabü.”

Loulabü metena kan yo kabü chalou set onbü bousushou, kan chema bukbü ayingsi yenbou ka namei jekbü, kaibü thensilen ayingsikei, haoen pendou kiplabü. Kaibü chema bukbü yingasikei, kaibü namei jekbü yingasikei pendou kiplabü. Hobaje ngeibü thebülanbü kaibü phea thon akibü thesilan shanga kilabü.