Ayat-ayat Alkitab Ternama dari Matey 13

Berbagi

Me atziꞌn ijaj, a kux awet toj tbꞌanil txꞌotxꞌ, ikytziꞌn tzeꞌnqe xjal nxi kynimin nyola, ex nkubꞌ kybꞌinchin tzeꞌnku nqꞌmaꞌn. Nchi chꞌiy toj kynimbꞌil, tzeꞌnku triy, a s-el jweꞌ kꞌal twutz junjun, ex junjuntl el ox kꞌal, ex junjuntl el lajaj toj kaꞌwnaq.

Atzin ijajjo pon tzꞌaq toj txꞌiꞌx, ikytziꞌn tzeꞌn jun xjal n-ok tbꞌiꞌn nyola. Me oꞌkx nchi bꞌisin tiꞌj tkyaqiljo tkubꞌ twutz txꞌotxꞌ. Ex kyaj tuꞌn tten tkyaqil tiꞌchaqku tiꞌ kye ex jniꞌ kyqꞌinmil. Tuꞌntzintzjo anetziꞌn, n-el naje kynimbꞌil tiꞌj Dios, ikyxsin tzeꞌnku triy njaw chꞌiy toj txꞌiꞌx. Noq n-el xkyꞌiꞌsix ex ntiꞌ toj n-el.

Quꞌn ayetziꞌn nxi kybꞌiꞌn Tbꞌanil Tqanil tiꞌj Tkawbꞌil Dios, me mi n-el kynikyꞌ te, ikyqetziꞌn tzeꞌnku ijaj i kubꞌ tzꞌaq toj bꞌe. Jun paqx tzul tajaw il, tzeꞌnku jun pichꞌ, ex k-elil tiꞌn Tbꞌanil Tqanil, a kux awet toj kyanmin.

Ex atzin ijaj, a kubꞌ tzꞌaq kyxol abꞌj, ikyqetziꞌn tzeꞌnqe xjal jun paqx nxi kynimin Tyol Dios ex tukꞌa tzaljbꞌil. Me quꞌn tuꞌn ntiꞌxix kykꞌuꞌj tiꞌj, mi nchi kujix toj kynimbꞌil. Qa akux saj jun tiꞌ toj kychwinqil, mo qa akux ẍi ok lipinxjal kyiꞌj noq tuꞌn tpajjo nyola, bꞌeꞌx kchi kꞌwel tzꞌaq toj kynimbꞌil.

A Tkawbꞌil Dios, a at toj kyaꞌj, ikytziꞌn tzeꞌnku jun qꞌinimil ewin toj jun txꞌotxꞌ. Jun ichin, qa ma knetjo qꞌinimil tuꞌn, bꞌeꞌx aku meltzꞌaj ewilte axsa. Maꞌx tzeꞌjix tiꞌj wen, ex noq tuꞌn ttzyetkuꞌ txꞌotxꞌ tuꞌn anetziꞌn, kbꞌaj xel tkꞌayin tkyaqiljo at te, tuꞌn ttzaj tlaqꞌoꞌn.

Me anteꞌ pon chitj toj tbꞌanil txꞌotxꞌ, tbꞌanilx ele toj. At junjun tqan el jweꞌ kꞌal twutz, ex junjuntl el ox kꞌal, ex junjuntl el lajaj toj kaꞌwnaq.

Qalaꞌ kyqꞌonkja ax tzqijkuj junx tukꞌa triy, tzmaxi kꞌaꞌ jatz skꞌetjo, aj tjaw joyit. Atzin te triy kxel kꞌuꞌyit teꞌ toj txꞌutxꞌ. Atzin teꞌ maꞌ kꞌul, kjawil kꞌlet, exsin kꞌwel patit tuꞌn qꞌaqꞌ.