Ayat-ayat Alkitab Ternama dari Génesis 18

Berbagi

¿Tejan tol cꞌam tzet chi skeꞌ wu je naꞌoni? Yabꞌ wal jaxca tiꞌ yet junxa abꞌil, oj jin jul junelxa jaach jul wiloni. Jaꞌ yet tuꞌ, oj aloj junoj yuneꞌ ix Sara tiꞌ, winaj unin oj aloj, ẍi Jehová.

Tucꞌal jix stzee ix yul scꞌul, yet jix yabꞌen ix yal-le tuꞌ, catuꞌ jix snaꞌon ix jaxca tiꞌ: ¿Tzet to wal oj yun wochen jun tiꞌ, ilaꞌ tol jaꞌ naj wichamil yetoj jin caw icham ánima jon xa? ẍi ix.

Yutol jaꞌ ebꞌ yicꞌaal Abraham tiꞌ, jaꞌ ebꞌ oj oc yin mimej conobꞌal tol caw ey yip. Jaꞌ masanil ebꞌ conobꞌlaj sat yul yibꞌankꞌinal tiꞌ oj ẍaꞌ syaaxilal ebꞌ yu naj.

Jix sjitzon xacꞌal oc sbꞌa Abraham scꞌatan Jehová, catuꞌ jix skꞌanlen naj jaxca tiꞌ: ¿Tumi oj ja qꞌueyel ebꞌ ánima cꞌam spenail yetoj ebꞌ ey spenail? Kꞌinaloj ta ey 50 ánima watxꞌ sbꞌeybꞌal yul conobꞌ tuꞌ. ¿Tumi oj ja qꞌueyel jun conobꞌ tuꞌ? ¿Cꞌam mi cha wakꞌ mimancꞌulal yin ebꞌ yu ebꞌ 50 cꞌam spenail tuꞌ?

Catuꞌ jix takꞌwi Jehová tet naj jaxca tiꞌ: —Ta ey 50 ánima watxꞌ yul conobꞌ Sodoma tuꞌ, yu ebꞌ 50 tuꞌ chi wakꞌ mimancꞌulal yin masanil ánima caan bꞌey tituꞌ, ẍi Naj.