Ayat-ayat Alkitab Ternama dari Mateo 19

Berbagi

As isaji ve't u Jesús chajnaj. As ech tal ve't Aak ile': —As vatz unq'a uxhchile', as a' chite' ye' la uchi. Pet ech koj vatz u Tiixhe', tan la chit ib'ane',— ti'k u Jesús.

As jit ve't ka'va'l. Pet eela kuxh stuk' uva' uma'l kuxh ve'te' vatz Aak. Esti'e' la val sete, tan ab'il uva' a' u Tiixhe' kat b'anon uva' kat teq'o tib', as ye'xheb'il la jatxon ivatz,— ti'k u Jesús.

Ech tal ve't u Jesús ile': —Tan tixe'teb'al u vatz tx'ava'e' kat icheesa u Tiixhe' u naje' as kat icheesa Aak u ixoje'. As ech kat tal ve't u Tiixh ile': «Esti'e' la taq' kan u naje' vitxutxe' tuk' vib'aale'. As la teq'o tib' naj tuk' u tixqele'. As unvatzul kuxh ve'te' tuk' u tixqele',» ti'k u Tiixhe'.

As ech tal ve't u Jesús ile': —Echajputaj ok tzan unq'a talaj intxa'e' sunk'atz. As ye' kuxh emaj chiintxa', tan ab'il uva' ech itxumb'ale' eche' vitxumb'al unq'a talaj intxa'e', as a'e' uve' at tokeb'al xo'l unq'a tename' uva' at jaq' u tijle'm u Tiixhe',— ti'k u Jesús.

As la val sete, tan nimal unq'a uxhchile' uva' ni toksal iq'ii ta'n unq'a tename', as tul a'e' uva' jit nim talpe' vatz u Tiixhe'. Pet ech koj unq'a uxhchile' uva' ye'l iq'ii vatz unq'a tename', as a'e' uva' nim talche' vatz u Tiixhe'.

tan ab'il uva' la taq' kan ikab'al ti' ixekeb' svi', moj la taq' kan titz'in tatzik, moj itxutx, moj ib'aal, moj tixqel, moj me'al ik'aol, as moj itx'ava'; as o'k'alal (100) ich'exel u tetze' la aq'ax ve't ste ti' unq'a tetze' uva' kat taq' kan svi'. As at ve't itiichajil uva' ye'l iya'teb'al.

—Asoj a' nasa' uva' jik chit axh vatz u Tiixhe', as kuxh k'ayi kan unq'a tx'iib'al aq'iie' skajayil. As la ajatx ve't vija'mile' xo'l unq'a meeb'a'e'. As si'u. Xekeb'en svi'. As nimal u b'a'nile' lak'ul tu almika',— ti'k u Jesús.

Ech tal ve't u Jesús ile': —¿Kam q'i uva', «B'a'nla Chusul,» ch'axh sve? Tan ye'l umaj b'a'nla chusul ati. Pet ta'ne' u Tiixhe'. Pet asoj nasa' uva' at atiichajil k'atz Aak, as nima unq'a tzaq'ite' uve' ni tal Aak,— ti'k u Jesús.

As tuk val sete unpajte, tan oora kuxhe' la pal umaj camello tu vixoto'lil umaj tz'isb'al b'aj ti' uva' la ok umaj tx'ioliq'ii xo'l u tename' uva' at jaq' u tijle'm u Tiixhe',— ti'k u Jesús.

As tuk val sete, u naje' uva' kat ijatxe'l u tixqele' as tul ye'l ixoj kat iyansa tib' tuk' uma'toj naj, asoj la teq'o tib' naj tuk' uma't ixoj, as la paavin ve't naj vatz u Tiixhe'. As echat la ib'an uma't u naje', tan la paavin ve't naj asoj la tixqeli naj u ixoje' uve' jatxel tib' tuk' vitzumele',— ti'k u Jesús.

As ech tal ve't u Jesús ile' te unq'a ichusulib'e': —Jik chit tuk val sete, tan ka'l tzii sti' uva' at tokeb'al umaj tx'ioliq'ii xo'l u tename' uva' at jaq' u tijle'm u Tiixhe'.