Ayat-ayat Alkitab Ternama dari Lk 5

Bagikan

Naq kiraqe'k chi aatinak, kixye re laj Simón: —Jilosi laajukub' toj sa' xchamal li palaw ut kutomaq leeyooy re naq texkarab'q.

Kichaq'ok laj Simón ut kixye: —At Tzolonel, xqatawasi qib' chiru jun q'oqyink ut maak'a' xqakara. Ab'an, sa' xk'ab'a' laawaatin, tinkut li yooy. Ut naq ke'xb'aanu chi jo'kan, k'ajo' xk'ihal li kar ke'xchap: ki'ok chi t'upe'k li xyooyeb'.

A'ut li Jesus naxik sa'eb' li junesal na'ajej ut aran natijok chaq.

Ink'a' xinchalk chi xb'oqb'aleb' li tiikeb' xch'ool, a'eb' b'an laj maak re naq te'xyot' xch'ool te'xjal xk'a'uxl.

Naq kiril a'an laj Simón Pedro, koxkut rib' chi roq li Jesus ut kixye: —Elen chink'atq, at Qaawa', xb'aan naq laa'in jun winq aj maak!

Kichaq'ok li Jesus ut kixye reheb': —Ink'a' neke'raj aj b'anonel li kaweb', a'eb' b'an li yaj neke'ajok re.

Toja' naq ke'xk'am eb' li jukub' chi ch'och'el, ke'xkanab' chixjunil ut ke'xtaaqe.

Naq wan chaq li Jesus sa' jun li tenamit, kiwulak aran jun li winq saqlep chixjunil li rix ut, naq kiril li Jesus, kixhupub' rib' ut kirelaji ru: —Qaawa', wi taawaj, truuq tinaak'irtasi, chan re. Li Jesus kixye' li ruq', kixch'e' ut kixye re: —Twaj, tatk'iraaq. Ut sa' junpaat ki'elk li saqlep chirix.

Ab'anan q'axal chik kisutunk resil li Jesus, ut naab'aleb' li tenamit neke'xch'utub' rib' chi rab'inkil jo' ajwi' re naq te'k'irtasiiq li xyajeleb'.