Ayat-ayat Alkitab Ternama dari Maleko 1

Berbagi

I te pogipogi uhu, kae kei hegihegi, nee tuu ia Sesu o alu ki tua, pea fagona ia ki he potu lavaki, pea faikole i ai.

“Kua hoko te temi, pea ko te Puleaga o te Atua e ovi‐mai: ke koutou fakahemala pea mo koutou tui ki te Logo Lelei aia.”

I te lakaga tonu nee alu‐ake ai mai te vai, nee sio ia ki te lagi kua ava, pea mo te Laumalie Maonioni nee hage he lupe, nee haele‐ifo kia te ia, pea nee logo, mai selo, he leo nee ui maana: “Ko koe ko toku Alo ofaina, e ia te koe oku ofa fuli.”

Ko au nee au papitemai koutou aki te vai, kae ko ia e ina papitemai anai koutou aki te Laumalie Maonioni.”

Pea nee folafola e Sesu kia naua: “Koulua mulimuli‐mai kia te au pea e au fakaliliu koulua ko te u tautai tagata.” Pea nee na tuku‐atu aipe ona kupega o mulimuli kia te ia.

Pea nee punamauli aupito te hahai i tana akonaki aia, koteuhi nee lea ia kia natou o hage he tagata e ia te ia pule, kae mole o hage ko te mea nee tautau fai e te kau sekelipa.