Ayat-ayat Alkitab Ternama dari โยฮัน 10

Bagikan

อูรัก ปือญูรี อีตู_ ญา มาแรฮ ซือมาตา บีดา นะ จูรี_ นะ บูนอฮ_ นะ บูวัจ บรี บือนาซา ฮาบิฮ. ตาปี กู นี_ มาแรฮ บีดา กาเญา นะ บือเลฮ ลาฆู ฮีโดะ_ ฌาดี จะ_ ลาฆู ฮีโดะ นู ปือนอฮ ซูโงฮ เลอ.

“กู นี เลอ_ ฌาดี ซือมียา ปือบือลา กาเมก_ นู บาฌิ. ซือมียา ปือบือลา นู บาฌิ อีตู เตอ_ ญา ยอม ซรัฮ ญาวา_ กรานา กาวัด กาเมก เลอ.

โกะ กาเมก นะ กู_ กูญา มือนีงัย กะ ซือวารา นะ กู. กู โปด_ กราลา กูญา ฌูฆา เลอ.

กู บรี กะ ลูมอฮ กาเมก นะ กู_ บรี กูญา นะ ฮีโดะ ซูโงฮ ซือลาลู. กะฆีเตอ_ กูญา นะ เตด ฌาฮานัม ลาลู เลอ. ฮอย ซือมียา ดีฮา นะ บือเลฮ ราปัซ โกะ กาเมก อีตู_ เดะ ตางัน นะ กู.

กู นี เลอ_ ฌาดี ปีตู ดัฮ. ซือมียา ดีฮา นู มาโซะ_ ฌาลัด โซะ กู_ ซือมียา อีตู นะ ฮีโดะ ลือปัซ บาฌิ. ญา นะ มาโซะ ซือนัง_ ตรือเบะ ซือนัง_ นะ ดาปัจ ซือบารัก มากัด.

กู นี เลอ_ ฌาดี ซือมียา ปือบือลา กาเมก_ นู บาฌิ. บือกะ นู อาโปก_ ญา กราลา กู_ กู โปด กราลา ญา. ซือรูปา กะฆีเตอ ฌูฆา เลอ_ กู กราลา โกะ กาเมก นะ กู_ กาเมก นะ กู โปด_ กูญา กราลา กู ฌูฆา เลอ. ญาวา นะ กู_ กู ยอม ซรัฮ บีดา กาวัด กาเมก เลอ.

อาโปก เดะ กู_ นู บรี กาเมก อีตู กะ กู ดัฮ_ ญา บือซัยํ ลือเบฮ เดะ ลาฆู ซือมูฮา. ฮอย ซาปา นะ บือเลฮ ราปัซ โกะ กาเมก อีตู บือปี_ เดะ ตางัน นะ อาโปก เดะ กู. กู ฌางัน อาโปก_ ฌาดี ซา ญาวา อีตู เลอ.” เยซู ญา จะ.

กู นี เลอ_ ฌาดี ซือมียา ปือบือลา กาเมก_ นู บาฌิ. บือกะ นู อาโปก_ ญา กราลา กู_ กู โปด กราลา ญา. ซือรูปา กะฆีเตอ ฌูฆา เลอ_ กู กราลา โกะ กาเมก นะ กู_ กาเมก นะ กู โปด_ กูญา กราลา กู ฌูฆา เลอ. ญาวา นะ กู_ กู ยอม ซรัฮ บีดา กาวัด กาเมก เลอ.

ฮอย ซือมียา ดีฮา นะ ราปัซ ญาวา ปี เดะ กู บือเลฮ. ตาปี กู ซรัฮ ญาวา ฌางัน ฮาตี นะ กู ตะอาซิก เลอ. กู อาดา มือฆัฮ_ นู นะ ซรัฮ ญาวา นะ กู ตะอาซิก. กู อาดา มือฆัฮ_ นู นะ ซาโมจ อาเมด ปาเระ ปูลัก. ปือมือซัด อีตู_ กู บือเลฮ ซาโมจ เดะ อาโปก นะ กู ดัฮ.” เยซู ญา จะ.

กะฆีเตอ_ เยซู มือเลา ฌางัน กูญา ปูลัก จะ_ “กู มือญาเระ กะ กาเญา ลาฆู นู ซูโงฮ จะ_ กู ฌาดี ปีตู นะ โกะ กาเมก เลอ.

ซือมียา นู มากัด อูปัฮ_ บูกัด ฌาดี ซือมียา ปือบือลา กาเมก เตอ_ กาวัด กาเมก เตด ฌาดี นะ ญา เลอ. ตานา ญา ลีฮัจ อาซู ฮูตัด มาแรฮ_ ญา ตีงัน กาวัด กาเมก_ ลารี ปี ดัฮ. กะฆีเตอ_ อาซู ฮูตัด_ ญา นะ ราปัซ กาเมก บือปี บูวัก_ บูวัจ บรี กาวัด กาเมก ปือจัฮ บือลัฮ ปี ฮาบิฮ เตอ.

เยซู มือเลา ปูลัก จะ_ “กู นะ มือญาเระ กะ กาเญา ลาฆู นู ซูโงฮ จะ_ ซือมียา นู เตด มาโซะ ปี กะ ดาลับ ปาฆัยํ กาเมก_ ฌาลัด ปีตู เตอ_ ตาปี ญาแญะ มือลากัฮ_ ปี โซะ ฌาลัด อาซิก_ ซือมียา อีตู_ ญา ฌาดี อูรัก มือญูรี_ ฌาดี อูรัก ปือญามุน เลอ.