Ayat-ayat Alkitab Ternama dari لُوقا 23

Berbagi

حُضُور عیسیٰ نے دعا کی، ”اَے باپ، اِنہیں مُعاف کر، کیونکہ یہ نہیں جانتے کہ کیا کر رہے ہیں۔“ اَور اُنہُوں نے آپ کے کپڑوں پر قُرعہ ڈال کر آپَس میں تقسیم کر لیا۔

حُضُور عیسیٰ نے اُسے جَواب دیا، ”میں تُجھے یقین دلاتا ہُوں کہ تو آج ہی میرے ساتھ فِردَوس میں ہوگا۔“

تَب اُس نے کہا، ”اَے حُضُور عیسیٰ! جَب آپ اَپنی بادشاہی میں آئیں تو مُجھے یاد کرنا۔“

اَور حُضُور عیسیٰ نے اُونچی آواز سے پُکار کر کہا، ”اَے باپ! میں اَپنی جان تمہارے ہاتھوں میں سونپتا ہُوں“ اَور یہ کہہ کر دَم توڑ دیا۔

جَب وہ سَب کھوپڑی نامی جگہ پر پہُنچے، تو وہاں اُنہُوں نے حُضُور عیسیٰ کو دو مُجرموں کے درمیان ایک کو آپ کے دائیں طرف، اَور دُوسرے کو بائیں طرف مصلُوب کیا۔

تقریباً دوپہر کا وقت تھا، کہ چاروں طرف اَندھیرا چھا گیا اَور تین بجے تک پُورے مُلک کی یہی حالت رہی۔ سُورج تاریک ہو گیا اَور بیت المُقدّس کا پردہ پھٹ کردو ٹکڑے ہو گیا

جَب فَوجی افسر نے یہ ماجرا دیکھا، تو خُدا کی تمجید کرتے ہویٔے کہا، ”یہ شخص واقعی راستباز تھا۔“