Ayat-ayat Alkitab Ternama dari YASFADOCI LOKU 21

Bagikan

Wakv gcitvwrpvtv-muku jrgi bami Irqawanigi, usdoku nvnvhbrcigamowa, wvhsi manvwvhi gelvwv kvtvwasitv-maqa yolumv jrivhki wiahi wvh biamikvki, macimi wvhsi nepvwi-yaqa yalvhfvmeci inv u Qihfvli ilani, hvvpi.

Pvyaqv gcitvwrfeku geyrwrgi, belapa ki tahiwv ufrmi-lrqeiv ufrmgrqewa, chena wvnafowa macimi yomv lanvwawewa si utvmafewa, macimi gikvmoci brsi nvqrkv k’utfakunrwv vlvina grsagigi

Ki besi-tahawa-nwrgi ga huci vnhiwapwv kita lanvwawewa-nwv.

xvga gah melalapwv udoni macimi laburwa, wv hrlwi ilafihtv-muwrci jrivhki ki mvdaladewa-nwrki walr nvnvhkutv-muwrci.

Manqvtu macimi vsisgi wa hvsanu : wakv ni kvlvwewanv mvtv wa hvsanu.

Chena ’n’tvsi wa vhdawv giginolowanv gesagi-gesfugi chena tapahgi-gesfugi macimi vlrkugi; macimi ini usgi-drmqa u qelvhsi tahawa-nwv jrgisi lanvwaki, wvnfunawafi xvga ini bami nana-qrnwigi ini msi-napi macimi nili ma-mvgi-bokvki : ilane-ki pku-nrpvtv-moki kupanawa, xvga macimi vhkvwrfeki nili wiahi bami biayrki ini yalakuqvh-kvmigigi : xvga nili manqvtu uci wrsikvki wah nomanota. Macimi ina uwa nihki wah nawr-wrli nili u Qihfvli ilani brfqvhgegi pami biali gilagi wrsikvgi macimi msi wvhfrci-makufewa.

Chena gah segalamakufipwv gelvwv yacsiwrci jrivhki ilaneki xvga ni wefowa uci.

chena ’n’tvsi wa vhdawv mvgi vsisgi-nomasgr-wvli, chena cvjapi tvsi sqrlvwrfewanv macimi matanadewa-ipan-awanv; macimi kupanawanv wa vhdawv chena mvgi giginolowa-nv wafapvh-kvmigigi uci.

Macimi ina gah nodrgapwv nochadewanv chena tvtvwrfewanv, tagi cihfafiku : xvga yolumv wiahi qelvhi wacitv biamikvtu nhihtv; pvyaqv ini jaiahqi mvtv walanv-wvkv-twi, isiwa. Huwa ina, Nakudwa-lanv si lanvwa wah pvfaqicfvtv-wrli nakudwa-lanv si lanvwali, macimi ugmrwi-drmqa u mvwinvctu ugimrwi-drmqa

Chena ’n’tvsi wa vhdawv giginolowanv gesagi-gesfugi chena tapahgi-gesfugi macimi vlrkugi; macimi ini usgi-drmqa u qelvhsi tahawa-nwv jrgisi lanvwaki, wvnfunawafi xvga ini bami nana-qrnwigi ini msi-napi macimi nili ma-mvgi-bokvki : ilane-ki pku-nrpvtv-moki kupanawa, xvga macimi vhkvwrfeki nili wiahi bami biayrki ini yalakuqvh-kvmigigi : xvga nili manqvtu uci wrsikvki wah nomanota.

Huwa ina, Nakudwa-lanv si lanvwa wah pvfaqicfvtv-wrli nakudwa-lanv si lanvwali, macimi ugmrwi-drmqa u mvwinvctu ugimrwi-drmqa

Macimi, Gcitvwrfeku wvhsi bur gelvwv bemi-walofu-yaqv : xvga maci wah biaki ni wefowa-nagi, Nelv inv; macimi, Ini lrqv uwa nrnami biaiv, wa hiwvki : tagi nrwvlwi hrku nihki.