Ayat-ayat Alkitab Ternama dari YASFADOCI LOKU 17

Bagikan

Chena Pvfaqelu, macimi nhrla yahrivni : gi dapwahsawa gi mahci wrpvnashaku, u talrli nili.

Chena qahqi inv mv j esi-lutvwahga neswvhfana ini ala grsagigi, macimi neswvhfana nuhgi biaci kugihtvwahga, Mvtveni ni ta si taha, iuta; gah pvgfalatvmvwv.

Chena nakuti nihki patagi hawv iah namagi yasi gegahofuci, gilagi ulrmih-simu u wvhfrci-maku-whrli Mvnadoli; macimi mrlrqvhi u fitvli si ulamqi-pvxinoli, niyrwa u melagilo : chena Samaliyawi-lanvwa inv.

Gcitvwrfeku geyrwv : qahqi gi janinv mvjesi-lvweta, kutasi; macmi qahqi mvtveni si tahata, pvgfalatvmvwi.

Chena bami rpvfsaci Jesise, Hv mvtv nihki matvhfwi fvfvyrgho-foki? wakv drnihkiwa nihki jrkvtfwi?

Macimi inv Dabalamiwatv isiwa, Qahqi naiahkv bonv-maqa dapwahsawa brsi nakuti paqa mvstvdewi menkv, yrmv gicimewi-mtaqrpvlwv, Puqvhgasgrlu macimi ini msi-napigi si rcfulu, ki hilrwv; macimi inv kih malun-ahdr-kuwv.

Goqanafvgrci wah nv-tunahv wvhsi kvtvwihkvgi uta lanvwawewa wah wvntu ini : wakv goqanafvgrci wah wvntu uta lanvwawewa wah wrpvnastu ini.

Chena u talvhi u kvgahgimrfhi, Mvtv yaciwi ini qelrni wv huci utvgikvhsi-nagi wih biaiv; pvyaqv mvci-labwrwa cahi inv, waci srpwi biayrki nili ! Wi huwasrli inv bodhrkvni-sekunvli lrpicinalita u qakvkv-nagi, macimi ini msi-napigi ipvgilofuta, notv grjekv inv wvhsi utvgikvhsi-nalici ipanvlrta nakuti iuhumv macilofilici.

Chena yasi ini biamikvgi ina tv hukvgesakv-namici Nuwv, yone datapilvhi wa higi nahfrpi nili u kvgesakv-namv inv u Qihfvli ilani. Nihki wihfaneki, manoki, wechadeki, wecha-dewa-nagi si melatipi nihki, brlu’ hini grsagigi yasi Nuwv bec-fvtvgi ini msiulvgasi, chena ini lakhuqewa biaiv, macimi ut vsan-hakunrwv nihki jrivhki.