Ayat-ayat Alkitab Ternama dari मर्कूस 5

Berbagi

तओ येशू बोसे कही “ए लौंणीया, तए अच्छो भओ हए काहेकी तए बिश्वास करोहए, कि मए तोके अच्छो करडारंगो, अब शान्तिसे जा। तिर रोग अच्छो हुइगओ हए।”

और भिडमे एक बैयर रहए, जौनक बाह्र सालसे खुन बहान बारो रोग लागो रहए। बो बहुत डाक्टरके इलाजसे गजब कष्ट पाएके। अपने सँग भओ सब धनसम्पति खर्च करी, पर अच्छी नाए हुइके बो और जद्धा बिमार हुइगइ।

और तुरन्त बोको बाह्र सालसे कभीनाए रुकन बारो खुन बहान बन्द हुइगओ, और बो अपनी शरीरको रोग अच्छो भओ पता पाइ।

और लौणियक हात पकणके येशू बोसे कही, “तालिता कूमी!” जौनको अर्थ हए, “ए छोटी लौंणीया, मए तोसे कहात हओं, उठ।”

जब येशू बो बैयरसे मस्कत पेती, यहूदी सभाघरको मुखिया, याइरसके घरसे आदमी आएके कहीं, “गुरुजीके अब कष्ट काहे देत हओ? तुमरी लौंणीया त मरिगै हए।” पर बे कहीं बातमे ध्यान नाए दइके येशू यहूदी सभाघरको मुखिया, याइरससे कही, “मत डराए, पर मोएमे बिश्वास इकल्लो करतरहो।”

येशू बोसे कही, “ए भुत, तए बो आदमीसे बाहिर निकर!” तओ बो भुत गजब जोडसे चिल्लाइ और कही, “हे सर्वोच्च परमेश्वरको लौंणा येशू, तुम हमके काहे परेसान करत हओ? परमेश्वरको नाउँसे कसम खाएके कहबओ, कि तुम हमके दुख नाए देबैगो।” और येशू बोसे पुछी, “तिर नाउँ का हए?” तओ बो कही, “हमर नाउँ फौज हए, काहेकी हम बहुत जनै हएं।”